DUKU 12

1Di pipul dɛn we bin gɛda bin plɛnti te nɔbɔdi nɔ ebul kɔnt dɛn, dɛn bin so plɛnti dat dɛn bin de mas mas dɛn kɔmpin, ples nɔ bin de fɔ put fut. Jizɔs tɔk to in lanin bɔy dɛn, i se, “Una tek tɛm mek unasɛf nɔ go ipo krit lɛkɛ dɛn Faresi; di ipo krit we dɛn ipo krit tan lɛkɛ aw yist kin prɛd insay flawa. 2Natin nɔ de we ayd naw we nɔ go kɔmɔt na do ɛn natin nɔ de we na sikrit we pɔsin nɔ go no. 3Na dat mek, ɛni tin we pɔsin tɔk na nɛt, dɛn go yɛri am na mɔnin ɛn ɛni tin we una tu tɔk kwayɛt wan insay rum, una go yɛri ɔlman de tɔk am na trit. 4“Mi padi dɛn, a de tɛl una, una nɔ fɔ fred dɛn pipul we de kil pɔsin, bɔt dɛn nɔ ebul du natin pas dat. 5Bɔt a de tɛl una naw se una fɔ fred Gɔd bikɔs wɛn i dɔn mek pɔsin day, i gɛt pawa fɔ trowe di pɔsin in sol na ɛl. A de tɛl una igen se una fɔ fred Gɔd! 6“Nɔto tu sɛnt nɔmɔ dɛn de sɛl fayv smɔl bɔd? Pan ɔl dat Gɔd nɔ fɔgɛt ɛni wan pan dɛn. 7Gɔd no ɔmɔs ia de na una ed sɛf. Na dat mek una nɔ fɔ fred; una ɔl bɛtɛ pas plɛnti smɔl bɔd na Gɔd in yay! 8“Mek a tɛl una sɔntin; ɛnibɔdi we tɛl ɔda pipul se dɛn biliv mi, Mɔta lman Pikin go tɛl Gɔd in enjɛl dɛn bɔt da pɔsin de. 9Bɔt ɛnibɔdi we nɔ tɛl ɔda pipul se dɛn biliv mi, Mɔta lman Pikin nɔ go tɛl Gɔd in enjɛl dɛn bɔt da pɔsin de. 10“Ɛnibɔdi we tɔk sɔntin bɔt Mɔta lman Pikin we nɔto tru, Gɔd go padin am, bɔt Gɔd nɔ go padin ɛnibɔdi we tɔk bad bɔt in Spirit. 11“Wɛn dɛn kɛr una go na di Ju mitin os ɛn bifo dɛn jɔj ɛn dɛn wan we de na pawa, una nɔ wɔndrin aw una fɔ ansa dɛn ɔ wetin una fɔ tɔk. 12Wɛn da tɛm de rich, Gɔd in Spirit go tɛl una wetin una fɔ tɔk.” 13Wan pan di pipul dɛn se, “Masta, tɛl mi brɔda mek i gi mi mi yon pan di prɔpati we wi papa lɛf fɔ wi.” 14Jizɔs ansa di man se, “Padi, udat gi mi pawa fɔ jɔj fɔ una ɛn fɔ sheb una prɔpati?” 15Jizɔs tɔn to ɔl di pipul dɛn ɛn se, “A de wɔn una, una nɔ put at pan jɛntri. Nɔto di plɛnti tin dɛn we pɔsin gɛt go mek di pɔsin gɛt di tru layf.” 16Dɛn Jizɔs pul wan pare bul. I se: “Plɛnti, plɛnti tin bin bia na wan jɛntri man in fam. 17Di jɛntri man bigin tɔk na in at se, ‘Wetin a fɔ du naw bikɔs a nɔ gɛt ples fɔ kip ɔl dɛn tin ya?’ 18I se, ‘A dɔn no wetin fɔ du. A go brok ɔl dɛn sto ya ɛn bil big wan pas dɛn. Na de a go kip ɔl dɛn tin ya we bia ɛn ɔl dɛn tin we a gɛt. 19Wɛn a dɔn du dat, a go de tɔk to misɛf se, yu dɔn gɛt plɛnti it ɛn plɛnti ɔda tin na sto ɛn i go te bifo dɛn dɔn, so naw, nɔ wɔri bɔt ɛni tin, jɛs de it, drink ɛn ɛnjɔy yusɛf!’ 20Gɔd tɛl di jɛntri man se, ‘Yu fulman! Dis nɛt ya, a go tek yu layf. Udat go gɛt ɔl dɛn tin ya we yu dɔn gɛda?’ ” 21Jizɔs se, “Na so i go bi fɔ dɛn pipul we jɛs de gɛda prɔpati nɔmɔ, bɔt Gɔd no se dɛn nɔ gɛt natin.” 22Jizɔs tɔk to in lanin bɔy dɛn. I se, “Na dat mek a de tɛl una se, una nɔ fɔ wɔri bɔt wetin una fɔ it fɔ mek una gɛt layf ɛn wetin una fɔ wɛr pan una bɔdi so dat una nɔ go de nekɛd. 23Una fɔ mɛmba se layf bɛtɛ pas di tin we pɔsin de it ɛn di bɔdi bɛtɛ pas di klos we pɔsin de wɛr. 24Una luk dɛn bɔd, dɛn nɔ de plant rɛs ɛn dɛn nɔ de kɔt rɛs. Dɛn nɔ gɛt sto ɛn dɛn nɔ gɛt blay fɔ kip rɛs. Pan ɔl dat, Gɔd de gi dɛn it. Una bɛtɛ pas bɔd fawe. 25Uswan pan una ebul put wan de pantap di tɛm we i fɔ liv bikɔs i de wɔri fɔ in layf? 26If una nɔ ebul du smɔl tin lɛkɛ dat, wetin mek una fɔ de wɔri fɔ dɛn ɔda tin? 27Una mɛmba aw dɛn flawa na bush kin fayn wɛn dɛn dɔn opin; dɛn nɔ de wok, dɛn nɔ de mek klos fɔ dɛnsɛf, bɔt Sɔlɔmɔn pan ɔl di fayn we i kin fayn wɛn i drɛs, i nɔba fayn lɛkɛ dɛn flawa ya. 28If Gɔd de mek gras we de na bush fayn ɛn di gras kin de tide, bɔt tumara dɛn dɔn bɔn am, Gɔd mɔs mek unasɛf gɛt fayn klos fɔ wɛr. Fɔ tru, una nɔ biliv Gɔd wit ɔl una at! 29“Una nɔ put una at pan wetin una go it ɛn wetin una go drink, ɛn una nɔ wɔri bɔt dat! 30Na dɛn tin de dɛn pipul we nɔ no Gɔd put dɛn at pan. Gɔd we na una Papa no se una mɔs gɛt dɛn. 31Bifo dat, una fɔ put una at pan dɛn tin we impɔtant na di say we Gɔd de rul, dɛn, Gɔd go gi una ɔl dɛn ɔda tin ya. 32“Una we de fala mi nɔ plɛnti, bɔt una nɔ fred; Gɔd we na una Papa go mek una rul lɛkɛ aw insɛf de rul. 33Una fɔ sɛl ɔl wetin una gɛt ɛn sheb di kɔpɔ gi dɛn pipul we nɔ gɛt natin; una tray fɔ gɛt dɛn pɔs we nɔ de ol, dat na dɛn plɛnti gud gud tin we nɔ go dɔn na ɛvin, bikɔs tifman nɔ go tif dɛn de ɛn bɔgbɔg nɔ go it dɛn. 34Bikɔs ɔltɛm una at go de di say we una kip una jɛntri. 35“Una fɔ rɛdi fɔ wetin de kam, una tay una bɛlt tayt, layt una lamp, ɛn nɔ mek dɛn ɔt. 36Una fɔ tan lɛkɛ dɛn wokman we de wet fɔ dɛn masta we bin go mared fɔ kam bak na os so dat dɛn go opin di do as di masta nak so. 37If di bɔy dɛn nɔ slip yet wɛn dɛn masta kam bak, dɛn go gɛt blɛsin. A de tɛl una fɔ tru se, di masta go drɛs ɛn i go kɔl in bɔy dɛn mek dɛn kam sidɔm, dɔn i go gi dɛn it. 38Dɛn bɔy ya go gɛt blɛsin if dɛn masta kam midul nɛt ɔ bifo do klin ɛn mit dɛn nɔ de slip. 39Bɔt una no se if pɔsin we gɛt in os no di tɛm we tifman go kam, i nɔ go slip lɛf in os mek tifman brok am go insay ɛn klia in prɔpati. 40Unasɛf fɔ rɛdi ɔltɛm bikɔs Mɔta lman Pikin go kam tɛm we una nɔ mekɔp.” 41Pita se, “Masta, dis pare bul we yu jɛs pul so, na fɔ wi we na yu lanin bɔy dɛn nɔmɔ ɔ na fɔ ɔlman?” 42Jizɔs ansa se, “Udat na di bɔy we tru to in masta ɛn we gɛt sɛns? Na di bɔy dat we di masta go mek edman oba di ɔda bɔy dɛn fɔ de gi dɛn it ɛn fɔ de sho dɛn ɔl wetin dɛn fɔ du. 43Ɛni bɔy we in masta go kam bak kam mit de du dɛn tin ya go gɛt blɛsin. 44A de tɛl una fɔ tru se in masta go put am oba ɔl di tin dɛn we i gɛt. 45Bɔt if di bɔy tɔk na in at se, ‘Mi masta nɔ go kam jisnɔ’ dɔn i bigin bit ɔl di ɔda man ɛn uman dɛn we de wok ɛn i jɛs de it, ɛn drink drɔnk, 46in masta go kam de we di bɔy nɔ mekɔp ɛn tɛm we i nɔ no. I go mek dɛn pɔnish di bɔy bad wan mek i sɔfa lɛkɛ dɛn pipul we nɔ biliv Gɔd. 47“Ɛni wokman we no wetin in masta want fɔ mek i du, bɔt i nɔ du am ɛn i nɔ rɛdi sɛf fɔ du am, in masta go mek dɛn wip am gud. 48Bɔt ɛni wokman we nɔ no wetin in masta want fɔ mek i du, we du tin we fɔ mek dɛn bit am, in masta nɔ go mek dɛn bit am tumɔs. Wɛn Gɔd dɔn mek pɔsin gɛt big pos, Gɔd go luk ɔp to am fɔ du big wok. Wɛn Gɔd dɔn mek pɔsin gɛt big pos pas di wan we i bin gɛt, Gɔd go luk ɔp to am fɔ du big big wok pas wetin i bin de du fɔs. 49“A kam fɔ sɛn faya pan dis wɔl ɛn a op se dɛn dɔn layt di faya. 50Bɔt bifo da faya de bigin bɔn, a gɛt fɔ baptayz difrɛn we, dat na di sɔfa we A fɔ sɔfa ɛn mi at nɔ go kol te a dɔn sɔfa dɔn. 51Una min se a kam fɔ bring kol at kam na wɔl? Nɔto so i bi; a de tɛl una se, a kam fɔ mek pipul skata. 52Frɔm naw, fayv pipul go de insay wan os so, dɛn nɔ go gɛt wanwɔd. Tri pipul go fɛt tu pipul ɛn tu pipul go fɛt tri pipul. 53Papa go fɛt in bɔy pikin ɛn di bɔy pikin go fɛt in papa. Mama go fɛt in gyal pikin ɛn di gyal pikin go fɛt in mama. Mɔdɛnlɔ go fɛt dɔtɛnlɔ ɛn dɔtɛnlɔ go fɛt mɔdɛnlɔ.” 54Jizɔs tɔk to di pipul dɛn. I se, “Wɛn una luk da say we di san de go dɔng ɛn si se de dak, una kin tɔk wantɛm se, ‘Ren want kam!’ ɛn ren kin kam fɔ tru. 55Wɛn di dray briz tap fɔ blo, una kin se, ‘Di ples de kam ɔt bad bad!’ ɛn na so i kin bi. 56Una dɛn ipo krit pipul ya, una no wetin dɛn tin we una de si na wɔl ɛn ɔpklawd, min, bɔt wetin mek una nɔ no wetin dɛn tin we de bi na wɔl naw, min? 57“Wetin mek una nɔ ebul fɔ no wetin rayt? 58Bifo yu mek dɛn kɛr yu go kot fɔ ɛni bad tin we yu du, yu fɔ tray fɔ tɔk di kes to unasɛf mek yu nɔ go rich kot, if nɔ so, dɛn go drɛg yu go bifo di jɔj, di jɔj go and yu gi di gyad ɛn di gyad go ib yu na sɛl. 59Ɛn yu nɔ go kɔmɔt insay jel sote yu dɔn pe ɔl di dɛt we yu fɔ pe.”

will be added

X\