CHIMISI 3

1Mi kɔmpin Kristiɛn dɛn, una we fɔ bi ticha nɔ fɔ plɛnti. Una mɛmba se Gɔd go jɔj wi we de tɛl ɔda pipul wetin dɛn fɔ du tra nga wan pas aw i go jɔj dɛn ɔda pipul. 2Wi ɔl de du tin we nɔ rayt. Ɛnibɔdi we nɔba tɔk tin we nɔ rayt na pɔsin we nɔba du tin we nɔ rayt. I ebul kɔntrol ɔl pat pan in bɔdi. 3Wi kin put wan lili ayɛn na ɔs in mɔt fɔ mek i du wetin wi want am fɔ du. 4Dɛn big ship sɛf we de na wata, pan ɔl we dɛn big big briz kin want kɛr dɛn go, na lili tin we dɛn put ɔnda di ship de kɔntrol dɛn ɛn mek dɛn go ɛni say we di paylɔt want mek dɛn go. 5Semwe so, wi mɔt na smɔl tin na wi bɔdi, bɔt i kin du plɛnti big big tin. Na lili faya, lɛkɛ di faya we kin kɔmɔt wɛn pɔsin krach machis, de mek big big bush bɔn. 6Wi mɔt tan lɛkɛ faya. Soso bad ful insay wi mɔt ɛn we wi mɔt na wan pat pan wi bɔdi, i de mek ɔl wi bɔdi bad. Wi mɔt de pwɛl wi frɔm di tɛm we wi bɔn sote wi day. Dɛn bad tin we de kɔmɔt na wi mɔt kɔmɔt to Setan na ɛl. 7Mɔta lman ebul kɔntrol ɔl kayn bif na bush, ɔl kayn bɔd, ɔl kayn snek ɛn ɔl kayn fish, 8bɔt nɔbɔdi nɔ de we ebul kɔntrol in mɔt; wi mɔt na tin we nɔ de sɛt, wi de tek am tɔk bad tin. Dɛn bad tin ya na lɛkɛ pɔyzin, dɛn de kil. 9Tɛm de we wi kin tek wi mɔt tɛl wi Masta ɛn wi Papa tɛnki, bɔt ɔda tɛm wi kin tek di sem mɔt kɔs mɔtal man we Gɔd mek lɛkɛ insɛf. 10Na dis sem mɔt ya wi de tek fɔ tɛl Gɔd tɛnki ɛn fɔ kɔs. Mi kɔmpin Kristiɛn dɛn, i nɔ fɔ bi so. 11Una nɔ go gɛt wata we tes fayn ɛn wata we tes bad na di sem wɛl. 12Mangro tik nɔ go bia brɛfrut. Lɛm tik nɔ go bia ɔri nch. Semwe so, frɛsh wata nɔ go kɔmɔt na sɔl wata. 13Uswan pan una de we gɛt sɛns ɛn we ɔnda stand plɛnti tin? Mek i waka tret ɛn du gud ɛn wɛn i de du gud, mek i nɔ prawd ɛn mek i du ɔltin wit sɛns; na dat go sho se in na pɔsin we gɛt sɛns ɛn i de ɔnda stand. 14If una de jɛlɔs ɔda pipul ɛn una gɛt bad at fɔ dɛn ɛn una jɛs de mɛmba unasɛf nɔmɔ, una nɔ fɔ bost se una gud ɛn una gɛt sɛns, bikɔs if una du so, una nɔ de tɔk tru. 15Nɔto Gɔd gi mɔta lman dis kayn sɛns ya, na dis wɔl yon sɛns ɛn na Setan gi mɔta lman. 16Ɛni say we pipul de jɛlɔs dɛn kɔmpin ɛn dɛn want ɔltin fɔ dɛnsɛf, una nɔ go fɛn wanwɔd de; na soso bad lib de. 17Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipo krit. 18Dɛn pipul we de mek pis, tan lɛkɛ fama we de plant sid. Di pis we dɛn de mek tan lɛkɛ di sid we fama plant. Dis sid ya go bia plɛnti gud na pipul dɛn at.

will be added

X\