CHIMISI 2

1Mi pipul dɛn we biliv pan wi Masta Jizɔs Krays we de rul wit pawa, una nɔ fɔ trit wan pɔsin fayn pas in kɔmpin bay aw una si di pɔsin. 2If tu pɔsin kam na una mitin, wan wɛr gold ring ɛn i jɛntri, i wɛr fayn klos; di ɔda wan po, i wɛr chɛr chɛr klos, 3una nɔ fɔ tɛl di pɔsin we drɛs fayn se, “Duya, kam sidɔm bifo ya!” dɛn una tɛl di poman se, “Go, tinap yanda!” ɔ “Go, sidɔm na grɔn!” 4If ɛnibɔdi du dat, i dɔn du bad we i de luk se wan pɔsin bɛtɛ pas in kɔmpin. Di tin we mek i de du dat nɔ fayn. 5Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am. 6Wetin mek una nɔ tek dɛn po pipul mek ɛni tin? Na dɛn jɛntri pipul de mek una tan lɛkɛ slev ɛn na dɛn de drɛg una go bifo dɛn jɔj. 7Na dɛn jɛntri pipul nɔ gɛt rɛspɛkt fɔ Jizɔs Krays in nem. Ɛn na di nem dat we Gɔd dɔn tek fɔ mek una bi in yon pipul. 8Una de du di rayt tin if una de fala Gɔd, we de rul wi in lɔ we rayt na in Buk se, “Una fɔ lɛk una kɔmpin, lɛkɛ aw una lɛk unasɛf.” 9Bɔt if una trit wan pɔsin fayn pas in kɔmpin mɔta lman bay aw di pɔsin luk, una dɔn sin, ɛn di lɔ go kɔndɛm una, se una dɔn du bad. 10If pɔsin de du ɔl wetin Gɔd in Lɔ se, bɔt i brok wan pan di lɔ dɛn, i dɔn brok ɔl di ɔda lɔ dɛn na Gɔd in yay. 11Gɔd we se, “Yu nɔ fɔ kil pɔsin,” na di sem Gɔd se, “Yu nɔ fɔ lɛf yu mared man ɔ wɛf go fɛn ɔda pɔsin na trit.” If yu nɔ lɛf yu mared man ɔ wɛf go fɛn ɔda pɔsin na trit, bɔt yu kil yu kɔmpin mɔta lman, na Gɔd yay, yu dɔn brok ɔl di lɔ dɛn. 12Una tek tɛm wetin una de tɔk ɛn wetin una de du, bikɔs wan de Gɔd go tek di lɔ, dat na in wɔd, we de fri ɔlman, jɔj wi. 13If pɔsin nɔ de sɔri fɔ in kɔmpin mɔta lman ɛn padin am wɛn i du am bad, Gɔd nɔ go sɔri fɔ da pɔsin de ɛn padin am wɛn i go jɔj am. Bɔt pɔsin we de sɔri fɔ in kɔmpin mɔta lman ɛn padin am, Gɔd insɛf go sɔri fɔ insɛf ɛn padin am wɛn i de jɔj am. 14Mi Kristiɛn pipul dɛn, i nɔ min natin if pɔsin se in biliv Gɔd bɔt ɔl wetin i de du nɔ sho se i biliv Gɔd. If pɔsin biliv Gɔd ɛn i nɔ de du ɛni tin we sho se in biliv am, dat nɔ go sev am. 15If una kɔmpin Kristiɛn nɔ gɛt tin fɔ it ɛn tin fɔ wɛr, 16ɛn wan pan una tɛl am se, “Go, mek bɛtɛ fala yu ya, a op se yu go fɛn tin fɔ it ɛn klos fɔ wɛr,” bɔt i nɔ gi am ɔl wetin i want fɔ in bɔdi, dɛn wɔd de nɔ min natin! 17Wɛl, na so i fɔ bi wɛn pɔsin biliv Gɔd. If i jɛs tɔk nɔmɔ se in biliv Gɔd, bɔt i nɔ du ɛni tin fɔ sho se in biliv Gɔd, di biliv we da pɔsin de se in biliv Gɔd, nɔ min natin! 18Sɔntɛm pɔsin go se, “Wan pɔsin biliv Gɔd, bɔt ɔda wan de du dɛn tin we sho se i biliv Gɔd.” A go ansa da pɔsin de se, “Aw pɔsin go sho se in biliv Gɔd if a nɔ si di tin dɛn we i de du fɔ sho se i biliv Gɔd? Wetin a de du go sho una se a biliv Gɔd.” 19So, una biliv se na wan gren Gɔd de. Una rayt! Bɔt dɛn dɛbul dɛnsɛf no se Gɔd de, na dat mek dɛn de fred am ɛn tri mbul bifo am. 20Una we nɔ de gri fɔ ɔnda stand! If una biliv Gɔd, bɔt una nɔ de du dɛn tin we sho se una biliv Gɔd, di biliv we una se una biliv Gɔd, nɔ min natin. 21Una mɛmba Ebraam we na wan pan wi gra npapa-papa dɛn; wetin mek ɔltin bin rayt bitwin in ɛn Gɔd? Na bikɔs i bin tek in pikin Ayzik fɔ go sakri fays am. 22Una nɔ si se wetin Ebraam du sho se i bin biliv Gɔd? Una nɔ si se Ebraam bin biliv Gɔd bikɔs i du wetin Gɔd tɛl am fɔ du? 23Di tin we Gɔd in wɔd bin dɔn tɔk kam bi tru. I bin se, “Ebraam biliv Gɔd ɛn Gɔd kɔl am pɔsin we de waka tret.” Pipul kɔl am Gɔd in padi. 24So una si, nɔto aw pɔsin biliv Gɔd nɔmɔ de mek ɔltin rayt bitwin in ɛn Gɔd, bɔt na dɛn tin sɛf we i de du. 25Reab, da trit uman, na pɔsin we bin ayd dɛn tre nja ɛn mek dɛn pas ɔda rod fɔ go usay dɛn bin kɔmɔt; na dat mek ɔltin rayt bitwin in ɛn Gɔd. 26Lɛkɛ aw pɔsin kin day wɛn in spirit nɔ de insay am igen, semwe so, pɔsin we se in biliv Gɔd ɛn i nɔ de du dɛn tin we sho se i biliv am, nɔ biliv Gɔd at ɔl.

will be added

X\