GBOO IBU MƆƐ N KO A 6

1So, mek wi lɛf fɔ de tɔk bɔt dɛn tin we wi bin de tɛl una bɔt Krays, fɔstɛm; lɛ wi go bifo ɛn lan dɛn tin we bigman fɔ lan bɔt Krays. Wi tap fɔ lan una dɛn tin we wi bin dɔn lan una fɔstɛm we wi se pipul fɔ chenj ɛn lɛf fɔ du dɛn bad tin we go mek dɛn day, ɛn dɛn fɔ biliv pan Gɔd. 2Wi nɔ fɔ bigin fɔ tɛl una bak bɔt dɛn tin we wi bin dɔn tɛl una, dat is: una fɔ was unasɛf fɔ mek una klin na Gɔd in yay; una fɔ le an pan pɔsin ed fɔ pre fɔ am; Gɔd go mek dɛn pipul we bin dɔn day rayz frɔm dɛn grev; ɛn Gɔd gɛt fɔ jɔj ɔlman di las de. 3Mek wi lɛf fɔ tɔk bɔt dɛn tin ya ɛn go bifo; ɛn na dat wi go du, if Gɔd gri. 4Wi fɔ go bifo, bikɔs pɔsin nɔ go bring dɛn pipul we dɔn tɔn dɛn bak pan Gɔd, kam bak to Gɔd, bikɔs dɛn pipul de bin dɔn no wetin tru bɔt Gɔd, dɛn bin dɔn gɛt dɛn blɛsin we Gɔd de gi, dɛn bin dɔn gɛt dɛn yon pat pan Gɔd in Spirit, 5dɛn bin dɔn si se Gɔd in mɛsej gud, ɛn dɛn bin dɔn no bɔt dɛn pawa we gɛt fɔ kam. 6If pipul dɔn no ɔl dat, dɔn dɛn stil tɔn dɛn bak pan Gɔd, natin nɔ go bring dɛn kam bak to Gɔd ɛn mek dɛn lɛf dɛn bad tin we dɛn de du, igen, bikɔs dɛn de nel Gɔd in Pikin na di krɔs wan tɛm mɔ ɛn laf am bifo ɔlman. 7Wɛn plɛnti ren dɔn fɔdɔm pan grɔn, dat kin mek tin gro fɔ dɛn pipul we de mek fam, dat min se Gɔd dɔn blɛs di grɔn. 8Bɔt if na chu kchuk bush ɛn gras nɔmɔ gro, da grɔn de nɔ bɛtɛ igen. Di tɛm dɔn kam klos we Gɔd go kɔs di grɔn ɛn mek faya bɔn ɔltin we lib de ɛn pwɛl di grɔn. 9Mi padi dɛn we a lɛk, bɔt pan ɔl we wi tɔk lɛkɛ aw wi tɔk so sɛf, wi shɔ se una go du bɛtɛ, pas fɔstɛm, so dat Gɔd go sev una. 10Gɔd nɔ de du ɛnibɔdi bad, so i nɔ go fɔgɛt di wok we una dɔn du, ɛn i nɔ go fɔgɛt di lɛk we una lɛk am we una bin ɛp una kɔmpin Kristiɛn dɛn, ɛn aw una stil de ɛp dɛn. 11Di tin we de na wi at we wi want una fɔ du, na fɔ mek una ɔl de tray fɔ du wetin Gɔd want sote una day, ɛn mek una nɔ tap fɔ du am, so dat una go gɛt dɛn tin we Gɔd gɛt fɔ una we una abop fɔ gɛt. 12Wi nɔ want fɔ mek una lezi, bɔt wi want una fɔ bi lɛkɛ dɛn pipul we biliv pan Gɔd, we de bia, bikɔs dɛn na di wan dɛn, we go gɛt ɔl wetin Gɔd bin dɔn prɔmis fɔ gi in pipul dɛn. 13Lɔntɛm, wɛn Gɔd bin prɔmis Ebraam, na insɛf yon nem i bin tek oth se in go du wetin i bin prɔmis Ebraam, bikɔs nɔbɔdi nɔ pas am. 14Da tɛm de, Gɔd tɛl Ebraam se, “Fɔ tru, a go blɛs yu ɛn a go mek yu gɛt plɛnti plɛnti pikin, gra npi kin, ɛn gra npi kin-pi kin dɛn.” 15Bikɔs Gɔd bin dɔn prɔmis dat, Ebraam nɔ bin dawt, so i gɛt ɔl wetin Gɔd bin dɔn prɔmis se i go gi am. 16Wɛn pipul de mek prɔmis, dɛn kin tek pɔsin we pas dɛn fɔ swɛ, so di swɛ kin mek pipul nɔ agyu igen. 17Gɔd bin want sho dɛn pipul we i go gi wetin i bin dɔn prɔmis, klia wan se, in nɔ go chenj in maynd. Na dat mek i bin tek in nem tek oth se, in go du wetin i bin dɔn prɔmis se in go du. 18So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap tra nga, so dat wi we dɔn go ayd to Gɔd, go put ɔl wi at pan wetin Gɔd go gi wi bambay. 19Wetin wi de put ɔl wi at pan tan lɛkɛ anka fɔ wi layf, we de mek wi tinap tra nga. Na fɔseka dat, wi go go insay insay di ples we Gɔd de na ɛvin, ɛn wi go pas di big tik kɔtin we ɛng ɛn kɔba di ples we Gɔd de. 20Na Jizɔs insɛf fɔs go insay da ples de bifo wi, fɔseka wi; bikɔs in na di edman we de mek sakri fays fɔ pipul sin, sote go, ɛn i de du di sem kayn wok we Mɛlki zidɛk bin du.

will be added

X\