GBOO IBU MƆƐ N KO A 2

1Na dat mek, wi fɔ put ɔl wi at pan di tru wɔd we dɛn dɔn tɛl wi, so dat wi nɔ go kɔmɔt na di rayt rod. 2Wi no se, di mɛsej we di enjɛl dɛn bin bring fɔ wi na tru. Ɛnibɔdi we bin jomp dɛn wɔd, ɛn we bin du wetin di enjɛl dɛn nɔ tɛl am fɔ du, Gɔd pɔnish da pɔsin de di rayt we. 3Wetin mek wi fil se, wi go pul wi ed pan di pɔnish we Gɔd go pɔnish mɔta lman, if wi nɔ gri fɔ dis wɔnda ful we we Gɔd de sev wi? Na Jizɔs we na di Masta, fɔs tɛl wi bɔt di wɔnda ful we we Gɔd go sev wi, dɔn dɛn pipul we yɛri am, dɛnsɛf pruv to wi se na tru. 4Gɔd insɛf pruv se in mɛsej bɔt di wɔnda ful we we i go sev pipul, na tru, bay di wɔnda ful tin we i du we sho wetin gɛt fɔ bi bambay; we i du ɔl kayn big wok we mek pipul wɔnda; ɛn we i mek in Spirit gi pipul dɛn pawa fɔ du difrɛn difrɛn tin lɛkɛ aw in want. 5Gɔd nɔ bin pik enjɛl dɛn fɔ rul na di nɛks wɔl, we wi de tɔk bɔt. 6Bɔt dɛn rayt wan say na in Buk se, “Gɔd, udat na mɔtalman we mek yu fɔ tink bɔt am? Mɔtalman nɔto ɛnitin, so wi wɔnda wetin mek yu kam na wɔl fɔ ɛp am? 7Yu mek enjɛl pas mɔtalman fɔ shɔt tɛm, dɛn yu gi mɔtalman pawa ɛn ɔna. 8Semwe so, yu mek mɔtalman fɔ rul ɔltin.” Wɛn dɛn rayt na Gɔd in Buk se “Gɔd mek mɔta lman fɔ rul ɔltin,” dat min se, natin nɔ de we mɔta lman nɔ go rul. Wi nɔ si we mɔta lman de rul ɔltin yet. 9Bɔt wi no se Jizɔs de rul ɔltin. Fɔstɛm, Gɔd bin mek di enjɛl dɛn pas Jizɔs fɔ shɔt tɛm, so di lɛk we Gɔd lɛk mɔta lman ɛn di sɔri we i sɔri fɔ am, mek i mek Jizɔs sɔfa ɛn day fɔseka mɔta lman. Bikɔs Jizɔs sɔfa ɛn day, dat mek Gɔd gi am pawa, ɔna ɛn rɛspɛkt. 10Bikɔs na Gɔd mek ɔltin ɛn na in de kip ɔltin, i rayt we i mek Jizɔs sɔfa aw i sɔfa fɔ dɔn di wok we i kam fɔ du, so dat plɛnti pipul go bi Gɔd in pikin dɛn, ɛn go na ɛvin. Na Krays de lid dɛn pipul de so dat i go sev dɛn. 11Na Jizɔs we de mek sin nɔ gɛt pawa oba pipul, ɛn ɔl dɛn pipul we i dɔn pul ɔnda sin in pawa, gɛt wan Papa. Na dat mek Jizɔs gladi fɔ kɔl dɛn in brɔda dɛn. 12Jizɔs se, “Gɔd, a go tɛl mi brɔda dɛn bɔt yu; a go tinap di say we yu pipul dɛn gɛda fɔ prez yu.” 13I tɔk igen se, “Na Gɔd a put ɔl mi at pan.” I tɔk ɔda say se, “A de ya wit ɔl di pikin dɛn we Gɔd dɔn gi mi.” 14We dɛn pikin ya na mɔta lman, na dat mek Jizɔs insɛf kam na wɔl lɛkɛ mɔta lman, so dat di day we i day go pwɛl Setan, we gɛt pawa fɔ kil, ɔltogɛda. 15So, i go sev ɔl dɛn pipul we bin de lɛkɛ slev ɔnda Setan ɔl di tɛm we dɛn liv, bikɔs dɛn bin de fred fɔ day. 16I plen naw se, nɔto di enjɛl dɛn i bin kam fɔ ɛp, na Ebraam in gra npi kin-pi kin dɛn. 17Na dat mek, i bin tan lɛkɛ aw in brɔda dɛn tan pan ɔltin, so dat i go sɔri fɔ dɛn ɛn wok fɔ Gɔd wit ɔl in at, lɛkɛ di edman we de mek sakri fays fɔ pipul sin, we i bi, so dat i go padin ɔl Gɔd in pipul dɛn sin. 18Na bikɔs Setan bin dɔn tray Jizɔs ɛn Jizɔs bin dɔn sɔfa, mek i ebul ɛp dɛn pipul we Setan de tray.

will be added

X\