GBOO IBU MƆƐ N KO A 12

1Fɔ wi yon pat, ɔl dɛn pipul ya we a jɛs tɔk bɔt de rawnd wi. Dɛn dɔn sho klia wan wetin fɔ biliv Gɔd, min. Na dat mek wi fɔ lɛf ɔl dɛn tin we de mek wi tap fɔ biliv Gɔd; wi fɔ lɛf fɔ du ɛni bad tin we wi de du, we dɔn grip wi tayt; wi fɔ stil rɔn di res we de bifo wi, ɛn wi nɔ fɔ taya na rod. 2Una lɛ wi luk ɔp to Jizɔs ɔltɛm bikɔs na in de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul. 3Una fɔ mɛmba Jizɔs we bin bia wɛn dɛn bad pipul we nɔ bin lɛk am, mek i sɔfa, so dat una nɔ go taya fɔ biliv pan am ɛn una at nɔ go pwɛl. 4Una nɔ fɛt sin yet te una day fɔseka dat. 5So una nɔ fɔgɛt Gɔd in wɔd we i tek kɔrej una, wɛn i kɔl una in pikin dɛn. I se, “Mi pikin, wɛn di Masta pɔnish yu, nɔ tek am layt, ɛn nɔ mek yu at pwɛl wɛn i tɔk pan yu. 6Bikɔs di pɔsin we di Masta lɛk, na in i de pɔnish, ɛn di pɔsin we di Masta tek fɔ bi in pikin, na in i de bit.” 7Na dat mek una fɔ bia wɛn una de sɔfa fɔseka di bad we una de du, bikɔs di pɔnish we Gɔd de pɔnish una sho se i dɔn tek una lɛkɛ in yon pikin dɛn. Ɛni pikin de we in papa nɔ de pɔnish wɛn i du bad? 8If Gɔd nɔ de pɔnish una fɔ di bad we una de du lɛkɛ aw i de pɔnish ɔl in pikin dɛn, dat min se una nɔto in tru pikin dɛn, una na pikin dɛn we dɛn bɔn na trit. 9Wɛn wi papa dɛn na dis wɔl pɔnish wi fɔ di bad we wi du, wi kin rɛspɛkt dɛn. So i go bɛtɛ fawe if wi put wisɛf ɔnda wi Papa we de na ɛvin, so dat wi go gɛt tru layf. 10Wi papa dɛn na dis wɔl bin de pɔnish wi lɛkɛ aw dɛn fil se rayt, wɛn wi na bin pikin. Bɔt Gɔd de pɔnish wi fɔ ɛp wi, so dat wi go gud lɛkɛ am. 11Di tɛm we dɛn kin pɔnish wi, wi nɔ kin gladi, wi kin sɔri. Bɔt tɛm de kam we da pɔnish de go ɛp di wan dɛn we dɛn pɔnish, bikɔs i go mek dɛn lan fɔ du wetin rayt. I go mek dɛn waka tret na layf ɛn de kwayɛt wit dɛn kɔmpin mɔta lman. 12Una mek una an we wik ɛn una fut we nɔ gɛt trɛnk, tra nga. 13Una waka na di tret rod, so dat di wan we in fut nɔ tra nga nɔ go fɔdɔm ɛn ambɔg in fut, bɔt in fut go wɛl ɛn insɛf go ebul waka na di tret rod. 14Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin. 15Una tek tɛm so dat una nɔn nɔ go du tin we go mek i nɔ gɛt Gɔd in blɛsin. Una tek tɛm, semwe so, so dat una nɔn nɔ go tan lɛkɛ plant we na pɔyzin, bikɔs dɛn kayn pipul de de mek trɔbul fɔ ɔda pipul ɛn pwɛl plɛnti layf. 16Una tek tɛm, mek una nɔ liv fri layf, ɛn una nɔ tek dɛn tin we blant Gɔd lɛkɛ se dɛn nɔ min natin, lɛkɛ aw Isɔ bin du we i sɛl in rayt gi in smɔl brɔda fɔseka wan plet it. 17Una no se wɛn Isɔ bin want mek in papa blɛs am, in papa nɔ blɛs am. Chans nɔ bin de igen fɔ mek di papa chenj wetin i bin dɔn du, pan ɔl we Isɔ kray fɔ gɛt di blɛsin. 18Una nɔ tan lɛkɛ dɛn lɔntɛm Izrɛl pipul we bin de klos da ay il we dɛn kɔl Mawnt Saynay, we bin si ɔl wetin bin bi de. Dɛn tɛm de, faya bin de kech pan di mawnten, di ples bin dak, layt nɔ bin de, ɛn big big briz bin de blo. 19Dɛn yɛri trɔmpɛt blo ɛn vɔys tɔk. Wetin di vɔys tɔk mek dɛn fred bad wan, sote dɛn beg mek di vɔys nɔ tɔk igen, 20bikɔs wetin di vɔys tɛl dɛn fɔ du pas di pawa we dɛn bin gɛt. Di vɔys se, “If ɛni tin tɔch da ay il de, ilɛk na bif sɛf, mek pipul ston am sote i day.” 21Wetin dɛn si na da ples de mek dɛn fred bad. Mozis insɛf tɔk se, “Di fred mek mi bɔdi tri mbul.” 22Una dɔn rich na da il we dɛn kɔl Mawnt Zayɔn. Una dɔn rich na di tɔng we Gɔd we gɛt layf sote go, de; dɛn kɔl da tɔng de “Jerusɛlɛm we de na ɛvin,” ɛn plɛnti plɛnti enjɛl dɛn we de gladi, gɛda de. 23Una de wit Gɔd in pikin dɛn we dɔn gɛda na ɛvin. Gɔd bin dɔn rayt dɛn nem na di buk we de na ɛvin. Una dɔn kam bifo Gɔd we de jɔj ɔlman. Una dɔn de wit dɛn pipul we tret na Gɔd yay, dɛn wan we Gɔd dɔn mek dɛn layf bi wetin i fɔ bi. 24Una dɔn kam to Jizɔs we bin mek di nyu agrimɛnt bitwin Gɔd ɛn mɔta lman. I dɔn mek una no bɔt in blɔd we was wi sin kɔmɔt pan wi. In blɔd pas Ebɛl yon blɔd, bikɔs i de du big wok fɔ wi pas Ebɛl in yon. 25Na dat mek una fɔ tek tɛm mek una nɔ dɛf una yes we Jizɔs de tɔk to una. Dɛn lɔntɛm pipul nɔ bin gri lisin di pɔsin we bin de tɛl dɛn Gɔd in mɛsej na dis wɔl, so di tin we bin fɔ mit dɛn, mit dɛn, dɛn nɔ ebul pul dɛn ed. If dɛn nɔ ebul pul dɛn ed, aw wi we yɛri di wan insɛf we kɔmɔt ɛvin go pul wi ed, if wi nɔ gri lisin in mɛsej? Di tin we fɔ mit wi mɔs mit wi. 26Lɔntɛm, Gɔd in vɔys bin mek di grɔn shek, bɔt naw i dɔn mek wan prɔmis to wi. I se, “A go shek di grɔn wan tɛm mɔ, ɛn a go shek di klawd insɛf.” 27Wɛn Gɔd tɔk se, “wan tɛm mɔ,” dat sho wi se i go mek ɔl dɛn tin we i mek, we nɔ tinap tra nga, nɔ de igen, so dat dɛn tin we nɔbɔdi nɔ ebul shek go de sote go. 28So, una lɛ wi tɛl Gɔd tɛnki, bikɔs di ples we i de rul we wi dɔn gɛt, go de sote go, nɔbɔdi nɔ ebul shek am. Una lɛ wi prez am di we we go mek i gladi, lɛ wi rɛspɛkt ɛn fred am, 29bikɔs wi Gɔd na faya we de bɔn ɔltin.

will be added

X\