GBOO IBU MƆƐ N KO A 10

1Di Ju Lɔ de sho wi aw dɛn gud tin we gɛt fɔ kam, go tan, bɔt i nɔ ebul sho wi klia wan aw dɛn go tan, fɔ tru. Dɛn man we de mek sakri fays fɔ pipul sin de mek di sem kayn sakri fays ɛvri ia. Dɛn kayn sakri fays de nɔ gɛt pawa fɔ pul sin kɔmɔt na dɛn pipul we want kam klos Gɔd, dɛn layf. 2If dɛn sakri fays de bin gɛt pawa fɔ pul sin kɔmɔt na pipul layf, pipul nɔ bin fɔ de mek sakri fays igen, bikɔs if dɛn sakri fays de bin de mek dɛn klin sote go, dɛn nɔ bin fɔ stil de se sin de na dɛn layf. 3Bɔt di sakri fays we dɛn de mek ɛvri ia, de mek dɛn mɛmba di sin we dɛn dɔn sin. 4Wi no se dɛn mankaw ɛn got blɔd nɔ gɛt pawa fɔ pul sin kɔmɔt na pipul layf. 5Na dat mek lɔntɛm wɛn Krays bin de kam na wɔl, wɛn i de tɔk to Gɔd, i se, “Yu nɔ want bif sakrifays, bɔt yu gi mi bɔdi we a fɔ sakrifays to yu. 6Wɛn pipul de bɔn bif, lɛkɛ mankaw ɛn got, fɔ gi yu ɔ wɛn dɛn sakrifays dɛn fɔ pul sin kɔmɔt na dɛn layf, yu nɔ de satisfay wit dɛn tin de. 7Na dat mek a se, ‘Gɔd, luk mi naya, a dɔn rɛdi fɔ du wetin yu want mi fɔ du, jɛs lɛkɛ aw dɛn rayt bɔt mi na di Ju Lɔ buk.’ ” 8Di tɛm we Krays tɔk dɛn wɔd ya, di fɔs tin we i tɔk na dis: “Yu nɔ want mek pipul mek sakri fays ɛn bring ɛni tin kam gi yu; semwe so, yu nɔ want mek dɛn bɔn bif fɔ gi yu ɛn yu nɔ want fɔ mek dɛn mek sakri fays fɔ pul sin kɔmɔt na dɛn layf. Dɛn tin de nɔ go sati sfay yu.” Krays tɔk dɛn wɔd ya, pan ɔl we pipul bin de du ɔl dɛn tin de lɛkɛ aw di Ju Lɔ se dɛn fɔ du dɛn. 9Di sɛkɛn tin we i tɔk, na dis: “Gɔd, luk mi naya, a rɛdi fɔ du wetin yu want mi fɔ du.” Na dat mek Krays put dɛn fɔstɛm sakri fays wansay, ɛn mek in yon blɔd tek dɛn ples. 10Na bikɔs Jizɔs Krays want du wetin Gɔd want am fɔ du, mek i sakri fays in bɔdi. Na wan tɛm nɔmɔ i mek da sakri fays de ɛn di sakri fays gɛt pawa ɔltɛm. Na da sakri fays de mek wi at klin. I dɔn mek wi bi Gɔd yon pipul. 11Dɛn man we de mek sakri fays fɔ pipul sin de wok fɔ Gɔd ɛvri de, dɛn de tek kaw ɛn got mek di sem kayn sakri fays ɔltɛm, bɔt dɛn kayn sakri fays de, nɔ ebul pul di pipul dɛn sin kɔmɔt na dɛn layf. 12Bɔt di sakri fays we Krays mek wan tɛm nɔmɔ, gɛt pawa fɔ pul di pipul dɛn sin kɔmɔt na dɛn layf, wan tɛm fɔ ɔl, ɛn wɛn i dɔn mek di sakri fays dɔn, i go sidɔm na Gɔd in raytan. 13I de wet de sote di tɛm we Gɔd go mek i mas ɔl dɛn pipul we nɔ lɛk am ɔnda in fut. 14Di wan gren sakri fays we Krays mek, na in i de tek mek dɛn pipul we i de mek klin ɛn we i de put wansay fɔ du in wok, bi lɛkɛ aw i want dɛn fɔ bi. 15Gɔd in Spirit sɛf de sho wi se dɛn tin ya na tru. I tɔk fɔs se, 16“Di Masta se, ‘Wɛn di rayt tɛm rich, na di agrimɛnt dis we a go mek wit dɛn: A go mek dɛn no mi lɔ dɛn, ɛn a go mek dɛn nɔ fɔgɛt dɛn.’ ” 17Gɔd in Spirit tɔk igen se, “A go fɔgɛt bɔt di bad we dɛn dɔn du ɛn aw dɛn dɔn pwɛl mi lɔ dɛn.” 18Ɛnti Gɔd dɔn padin di pipul dɛn sin, dɛn nɔ gɛt fɔ de mek sakri fays igen fɔ mek Gɔd go pul sin kɔmɔt na dɛn layf. 19Mi brɔda dɛn, fɔseka Jizɔs in blɔd we kɔmɔt pan am wɛn dɛn kil am na di krɔs, wi gɛt maynd fɔ go insay, insay di ples we Gɔd de. 20Jizɔs sakri fays in bɔdi fɔ opin rod fɔ pipul fɔ gɛt nyu layf. In bɔdi tan lɛkɛ di tik kɔtin we bin ɛng insay, insay Gɔd in Os fɔ kɔba di ples we Gɔd de. (Da tik kɔtin de bin chɛr frɔm ɔp kam dɔng wɛn Krays day na di krɔs.) 21Wi gɛt wan edman we de mek sakri fays fɔ pipul sin, we pas ɔl di ɔda wan dɛn; na in de rul wi we na Gɔd in pipul dɛn. 22So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata. 23Una lɛ wi tinap tra nga, ɛn lɛ wi abop se wi go gɛt dɛn tin we wi biliv se Gɔd go gi wi. Una lɛ wi nɔ dawt bikɔs Gɔd dɔn prɔmis se in go du dɛn tin de, ɛn i go du wetin i se, fɔ tru. 24Una lɛ wi tink aw wi go ɛp wisɛf mek wi go lɛk wi kɔmpin dɛn ɛn du gud to dɛn. 25Una lɛ wi nɔ tap fɔ de mit, lɛ wi nɔ fala dɛn pipul we nɔ de gri fɔ go mitin. Bɔt una lɛ wi de kɔrej wi kɔmpin dɛn, mɔ igen we wi no se di De we wi Masta go kam bak de kam jisnɔ. 26Wi dɔn no wetin tru, so if ɛni wan pan wi stil de du bad, nɔn sakri fays nɔ de igen fɔ pul di bad tin dɛn we di pɔsin du kɔmɔt na in layf. 27If ɛnibɔdi de du dɛn bad tin de, i fɔ fred, bikɔs Gɔd go jɔj am ɛn se i dɔn du bad, ɛn big big faya go kam bɔn ɔl dɛn pipul we nɔ de du wetin Gɔd tɛl dɛn fɔ du. 28If ɛnibɔdi brok di Lɔ we Mozis gi mɔta lman, ɛn if tu ɔ tri pipul gri se dɛn si am we i de brok di Lɔ, dɛn go kil da pɔsin de, dɛn nɔ go sɔri fɔ am. 29Una fɔ no se, da pɔsin we nɔ tek in Pikin mek ɛni tin, Gɔd go mɔs pɔnish am tra nga wan; da pɔsin de de se Krays in blɔd we Gɔd tek mek agrimɛnt wit mɔta lman fɔ mek mɔta lman bi in yon, nɔ gɛt pawa; ɛn i fityay Gɔd in Spirit we bring blɛsin kam. 30Wi no di pɔsin we se, “Na mi gɛt di rayt fɔ pɔnish pɔsin we de du bad, na mi go tɔn di bad gi am bak.” I tɔk igen se, “Gɔd we na di Masta go jɔj in pipul dɛn.” 31I go bad fɔ di pɔsin we Gɔd we gɛt layf sote go, go kɔndɛm so. 32Una fɔ mɛmba aw una bin de du fɔstɛm, wɛn una bin dɔn ɔnda stand Gɔd yon we. Da tɛm de, pan ɔl we una bin de sɔfa bad, una bin bia ɛn tinap tra nga. 33Da tɛm de pipul bin de fityay una ɛn dɛn bin de mek una sɔfa bifo ɔda pipul, ɛn tɛm bin de we una bin rɛdi fɔ sɔfa wit ɔda Kristiɛn dɛn. 34Una bin de sɔri fɔ dɛn pipul we de na jel, una nɔ bin de wɔri, bɔt una bin stil gladi ivin wɛn pipul siz una prɔpati, bikɔs una bin no se una gɛt sɔntin we bɛtɛ pas da prɔpati de, we go de sote go. 35Na dat mek una nɔ fɔ dawt, bikɔs if una biliv Gɔd sote go, i go gi una big blɛsin. 36Una gɛt fɔ bia, so dat una go du wetin Gɔd want, ɛn una go gɛt wetin i dɔn prɔmis una. 37Dɛn rayt na Gɔd in Buk se, “I nɔ go te, di pɔsin we gɛt fɔ kam, go kam; i nɔ go wes tɛm. 38Dɛn pipul we de waka tret na layf go gɛt layf we go de sote go, bikɔs dɛn biliv dɛn wɔd ya; bɔt if ɛnibɔdi lɛf fɔ biliv mi bikɔs i de dawt mi, a nɔ go pliz wit am.” 39Wi nɔto dɛn pipul we go tɔn bak ɛn tap fɔ fala Gɔd, so wi nɔ go sev. Bɔt wi biliv Gɔd, so dat i go sev wi ɛn wi go de sote go.

will be added

X\