GBOO KADESIA KO A 6

1Mi Kristiɛn pipul dɛn, if una no se sɔmbɔdi de du ɛni bad tin, una we de du wetin Gɔd in Spirit tɛl una, fɔ go ɛp di pɔsin mek i go du di rayt tin. Bɔt una nɔ fɔ tɔk tra nga wan pan am, ɛn una fɔ tek tɛm mek unasɛf nɔ go want fɔ du tin we nɔ rayt. 2Una fɔ de ɛp pipul wɛn tin de mɔna dɛn, wɛn una du dat, dat go sho se una de du wetin Krays tɛl una fɔ du. 3If pɔsin tink se in bɛtɛ pas in kɔmpin dɛn, ɛn nɔto so i bi, na ful i jɛs de mek insɛf. 4Ɔlman fɔ tink bɔt wetin i de du ɛn jɔj insɛf if wetin i de du rayt; if i de du wetin rayt, dɛn i kin bost. I nɔ fɔ luk wetin ɔda pipul de du fɔ jɔj wetin in de du. 5Ɔlman gɛt fɔ ansa to Gɔd fɔ wetin i du. 6Di pɔsin we dɛn de lan Gɔd in wɔd, fɔ gi di pɔsin we de lan am sɔntin we go ɛp am. 7Una nɔ mek unasɛf ful se una kin ful Gɔd. Na wetin una plant, una go gɛt. 8Jɛs lɛkɛ wɛn fama kin plant sid, i kin gɛt wetin i plant. Semwe so, wɛn pɔsin du bad tin we in at gi am fɔ du, Gɔd go pɔnish di pɔsin. Ɛn wɛn pɔsin du wetin Gɔd in Spirit tɛl am fɔ du, i go gɛt layf we go de sote go. 9So una lɛ wi nɔ taya fɔ du gud, if wi nɔ taya fɔ du gud, di tɛm go kam we wi go gɛt di pe. 10Na dat mek, ɛnitɛm we una gɛt di chans, una fɔ du gud to ɔlman, pati kla wi kɔmpin Kristiɛn dɛn, bikɔs dɛn tan lɛkɛ wan fambul wit wi. 11Una luk di lɔng lɛta we a de tek misɛf yon an rayt una. 12Di pɔsin we want fos una fɔ mek una sakɔmsayz, jɛs want blɔf. Dɛn de du ɔl dat, so dat pipul nɔ go mek dɛn sɔfa, lɛkɛ aw dɛn go du, if dɛn biliv ɛn tɔk se Krays day fɔ sev mɔta lman. 13Dɛn pipul sɛf we gri fɔ mek dɛn sakɔmsayz dɛn nɔ de du wetin di Ju Lɔ se. Dɛn want mek una sakɔmsayz, so dat dɛnsɛf go bost se una dɔn gri fɔ mek dɛn sakɔmsayz una. 14Fɔ mi yon pat, a go bost nɔmɔ bɔt di day we Masta Jizɔs Krays day na di krɔs. Na di day we Jizɔs day na di krɔs mek natin nɔ ful mi yay na dis wɔl, ɛn a jɛs tan lɛkɛ dayman; dis wɔl nɔ gɛt natin fɔ du wit mi. 15If pɔsin sakɔmsayz ɔ i nɔ sakɔmsayz, dat nɔ min natin; di tin we gud pas ɔl na fɔ mek Gɔd chenj pɔsin in layf. 16A de pre mek Gɔd gi ɔl dɛn pipul we de du wetin a dɔn tɛl dɛn, wit ɔl Gɔd in pipul dɛn, kol at, ɛn mek Gɔd du gud to dɛn! 17Bifo a dɔn wetin a de rayt una, a de tɛl una se: una nɔ mek ɛnibɔdi mek a sɔfa igen, bikɔs a gɛt di wip mak dɛn na mi bɔdi we sho se mi na Jizɔs in slev. 18Mi Kristiɛn pipul dɛn, a de pre mek wi Masta Jizɔs Krays sho una aw i gud. Emɛn.

will be added

X\