GBOO KADESIA KO A 2

1Afta fotin ia, mi ɛn Banabas go bak na Jerusɛlɛm, a mek Taytɔs fala mi go. 2A go bak na Jerusɛlɛm, bikɔs Gɔd tɛl mi fɔ go de. A bin gɛt mitin wit di bigman dɛn na di chɔch nɔmɔ. Na de a tɛl dɛn di Gud Nyus we a bin de tɛl dɛn pipul we nɔto Ju, bikɔs a nɔ bin want mek di wok we a bin dɔn du, ɛn di wok we a bin de du, go fɔ natin. 3Taytɔs, we bin fala mi go, na bin Grik, bɔt dɛn nɔ fos am fɔ sakɔmsayz, 4pan ɔl we sɔm pipul bin want am fɔ du dat. Dɛn sem pipul ya bin de mek lɛkɛ se dɛn biliv pan Jizɔs Krays, dɛn bin kam miks wit wi fɔ wach wi bikɔs wi fri fɔ du ɛni tin we Gɔd want we wi gɛt wanwɔd wit Jizɔs Krays. Dɛn bin want fɔ lɛ wi bi slev ɔnda di Ju Lɔ, 5bɔt wi nɔ gri fɔ mek dɛn chenj di Gud Nyus we na tru, bikɔs, we na tru, wi want mek i de wit una ɔltɛm. 6Dɛn pipul na Jerusɛlɛm we dɛn se na bigman na di chɔch nɔ bin tɛl wi fɔ chenj di Gud Nyus we a bin de tɛl dɛn pipul we nɔto Ju. A nɔ bisin udat dɛn bi, bikɔs Gɔd nɔ de luk aw pɔsin tan ɔ udat i bi bifo i gri fɔ am. 7Di chɔch bigman dɛn si se dɛn nɔ fɔ chenj di Gud Nyus we wi bin de tɔk, bɔt dɛn si se Gɔd sɛn mi fɔ go tɛl dɛn pipul we nɔto Ju di Gud Nyus, lɛkɛ aw Gɔd sɛn Pita fɔ go tɛl di Ju pipul dɛn di Gud Nyus. 8Gɔd pik mi ɛn sɛn mi fɔ tɛl dɛn pipul we nɔto Ju di Gud Nyus, lɛkɛ aw i pik Pita ɛn sɛn am fɔ tɛl di Ju pipul dɛn di Gud Nyus. 9Jems, Pita ɛn Jɔn, we dɛn se na bin bakbon na di chɔch bin no se Gɔd gi mi dis wok ya fɔ du, dɛn shek mi ɛn Banabas an fɔ sho se wi ɔl dɔn bi wan we wi de wok fɔ Gɔd. Dɛn tɛl mi ɛn Banabas se, wi tu fɔ go wok to dɛn pipul we nɔto Ju, ɛn dɛn tri fɔ go wok to dɛn pipul we na Ju. 10Dɛn se lɛ wi mɛmba fɔ ɛp dɛn po pipul we de na di chɔch na Jerusɛlɛm, ɛn na dat bin de na mi at bad bad wan fɔ du. 11Bɔt wɛn Pita go na Antiɔk, i bin de du sɔntin we a nɔ bin gri wit, ɛn a tɛl insɛf dat, bikɔs i nɔ bin de du wetin rayt. 12Bifo di pipul dɛn we Jems bin sɛn, rich na Antiɔk, Pita bin dɔn de it wit di Kristiɛn dɛn we nɔto bin Ju, bɔt we di pipul dɛn we Jems sɛn rich, Pita lɛf fɔ it wit dɛn, bikɔs i bin de fred dɛn pipul we bin de pin se, dɛn fɔ sakɔmsayz ɔl dɛn man we na Kristiɛn we nɔto Ju. 13Dɛn ɔda pipul we na bin Ju, dɛnsɛf fred lɛkɛ Pita ɛn dɛnsɛf lɛf fɔ it wit di pipul dɛn we nɔto bin Ju. Banabas insɛf mek lɛkɛ se insɛf nɔ bin de it wit dɛn. 14Wɛn a si se dɛn nɔ de du di rayt tin we de na di Gud Nyus, a tinap bifo ɔl di ɔda Kristiɛn dɛn ɛn tɛl Pita se, “Yu na Ju man, bɔt yu de du lɛkɛ se yu nɔto Ju. Wetin mek yu de pin naw se dɛn pipul we nɔto Ju fɔ de du lɛkɛ aw dɛn Ju de du?” 15Fɔ tru, wi mama ɛn papa dɛn na Ju pipul, ɛn wi nɔ bɔn to dɛn pipul we nɔto Ju we wi kin tink se de pan sin. 16Wi no se nɔto bikɔs pɔsin de du wetin di Ju Lɔ se go mek ɔltin rayt bitwin in ɛn Gɔd, bɔt na we i biliv pan Jizɔs Krays. Semwe so, we wisɛf biliv pan Jizɔs Krays, Gɔd go mek ɔltin rayt bitwin wi ɛn in. Nɔto bikɔs wi de du wetin di Ju Lɔ se, go mek ɔltin rayt bitwin wi ɛn Gɔd. Gɔd nɔ go mek ɔltin rayt bitwin ɛnibɔdi ɛn insɛf bikɔs di pɔsin de du wetin di Ju Lɔ se nɔmɔ. 17If, pan ɔl di tray we wi de tray fɔ mek ɔltin rayt bitwin wi ɛn Gɔd bikɔs wi dɔn jɔyn wit Krays, wisɛf de sin, dat min se na Krays de mek wi sin? Dat nɔto tru! 18If a bigin du ɔl wetin a bin dɔn se a nɔ go du, dat min se a dɔn brok di Lɔ ɛn a de sin fɔ tru. 19Fɔ mi yon say, a jɛs tan lɛkɛ pɔsin we dɔn day bikɔs a dɔn day to di Ju Lɔ; a nɔ de ɔnda di Ju Lɔ igen, so dat a go liv fɔ Gɔd. I tan lɛkɛ a dɔn day wit Krays na di krɔs. 20Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakri fays in layf fɔseka mi. 21A nɔ go tek di gud we Gɔd gud to mi ɛn di lɛk we Gɔd lɛk mɔta lman, mek natin. If na di Ju Lɔ we pɔsin de kip de mek ɔltin rayt bitwin in ɛn Gɔd, dat min se di day we Krays day nɔ min natin!

will be added

X\