GBOO KADESIA KO A 1

1Mi, Pɔl, we na apɔsul wit mi kɔmpin Kristiɛn dɛn, de tɛl di chɔch mɛmba dɛn na Galeshya adu. Nɔto mɔta lman pik mi ɔ gi mi di pawa fɔ bi apɔsul; na Jizɔs Krays ɛn Gɔd we na wi Papa we mek Jizɔs Krays rayz frɔm di grev, pik mi fɔ bi apɔsul. 3Mek Gɔd we na wi Papa ɛn Jizɔs Krays we na wi Masta du una gud ɛn gi una kol at. 4Krays bin gri fɔ mek dɛn kil am fɔseka di bad tin dɛn we wi de du, so dat i go pul wi kɔmɔt na di wɔl we de naw we bad plɛnti. Di day we Krays day sho wi se i du wetin Papa Gɔd want. 5Mek pipul prez Gɔd sote go! Emɛn. 6A wɔnda pan una we kwik kwik wan so una dɔn lɛf fɔ fala Gɔd we kɔl una bikɔs Krays gud to una. Una de tek ɔda mɛsej se na di Gud Nyus. 7Ɔda gud nyus nɔ de, bɔt sɔm pipul want mek una lɛf fɔ biliv pan Krays, dɛn de tray fɔ chenj di Gud Nyus we tɔk bɔt Krays. 8Bɔt ilɛksɛf na wi ɔ na enjɛl dɛnsɛf we kɔmɔt ɛvin kam tɛl una wɔd we nɔto di sem wɔd we wi bin dɔn tɛl una, mek Gɔd mek ɛnibɔdi we du dat sɔfa na ɛl. 9A bin dɔn tɛl una, ɛn a de tɛl una igen se, if ɛnibɔdi tɛl una gud nyus we difrɛn frɔm di wan una bin dɔn biliv fɔs tɛm, mek Gɔd mek di pɔsin sɔfa na ɛl. 10A nɔ de tɔk fɔ mek mɔta lman prez mi, na Gɔd in prez a want. Una min se a want fɔ mek mɔta lman lɛk mi, if na dat a bin want, afta ɔl dɛn ia ya, a nɔ go bi Krays in savant. 11Mi kɔmpin Kristiɛn dɛn, a want mek una no se nɔto mɔta lman fɔs tɔk di Gud Nyus we a de tɛl pipul. 12Nɔto pɔsin tɛl mi di Gud Nyus ɛn nɔto pɔsin lan mi bɔt di Gud Nyus. Na Jizɔs Krays insɛf sɛf mek a ɔnda stand di Gud Nyus. 13Una dɔn yɛri bɔt di tɛm we a bin de pre lɛkɛ aw mi Ju pipul dɛn de pre, ɛn aw a bin de mek dɛn pipul we biliv Gɔd sɔfa bad. A bin de du ɔl wetin a ebul du fɔ mek di pipul dɛn sɔfa, so dat dɛn nɔ go de mit wan ples igen fɔ pre, ɛn dɛn nɔ go biliv dɛn tin ya. 14A bin du plɛnti tin pas plɛnti mi kɔmpin yɔng pipul dɛn fɔ fala di we we mi Ju pipul dɛn de fala Gɔd, bikɔs a bin want kip dɛn tin we wi gra npapa-papa dɛn lan wi, we dɛnsɛf bin de fala. 15Bɔt Gɔd so gud to mi, i bin dɔn pik mi frɔm we a bin de na mi mama in bɛlɛ, i mek a bi in apɔsul. Ɛn wɛn Gɔd mekɔp 16fɔ mek a no in Pikin, so dat a go tɛl dɛn pipul we nɔto Ju bɔt di Gud Nyus, a nɔ bin aks ɛnibɔdi fɔ tɛl mi wetin a fɔ du, 17ɛn a nɔ bin go to dɛn fɔs apɔsul na Jerusɛlɛm fɔ tɔk to dɛn. A bin jɛs go Are bia, dɔn a tɔn bak go Damaskɔs. 18Wɛn a biliv pan Jizɔs Krays, i tek tri ia bifo a go Jerusɛlɛm fɔ tɔk to Pita, ɛn na tu wik nɔmɔ a lib de. 19Na Jems we na Masta Jizɔs in brɔda ɛn Pita nɔmɔ a mit de, a nɔ bin si ɔda apɔsul dɛn. 20Na tru wɔd a de tɔk, ɛn Gɔd insɛf no se na tru wɔd a de tɔk. 21Wɛn a kɔmɔt na Jerusɛlɛm, a go na sɔm ples dɛn na Sirya ɛn Sili shya. 22Da tɛm de di Kristiɛn dɛn we bin de na di chɔch dɛn na Judia nɔ bin no mi yet. 23Dɛn bin jɛs de yɛri pipul de tɔk se, “Da man we bin de mek wi sɔfa de tɛl pipul naw se dɛn fɔ biliv pan Krays, bɔt fɔs tɛm i bin want mek dɛn nɔ biliv pan Krays.” 24So ɔl dɛn pipul ya prez Gɔd fɔ wetin i mek a du.

will be added

X\