GBOO ƐFISƆSI KO A 3

1Na fɔ ɔl dis we a de du fɔseka una we nɔto Ju, mek mi, Pɔl, tɔn jelman fɔ Jizɔs Krays. 2A no se una dɔn yɛri se Gɔd dɔn blɛs mi fɔ du di wok we go ɛp una. 3Gɔd dɔn sho mi di plan we i bin ayd. A bin dɔn rayt una lili bit bɔt dat. 4Ɛn if una rid wetin a bin rayt, una go no se a dɔn sabi di sikrit bɔt Krays, gud. 5Gɔd nɔ bin tɛl wi lɔntɛm pipul dɛn dis sikrit ya, bɔt naw Gɔd dɔn mek in Spirit sho di apɔsul ɛn di prɔfɛt dɛn dis sikrit. 6Di sikrit we a de tɔk bɔt na in dis: Wɛn dɛn pipul we nɔto Ju biliv di Gud Nyus lɛkɛ aw di Ju pipul dɛn biliv, Gɔd gi dɛn di sem blɛsin. Jizɔs Krays dɔn mek dɛn pipul we nɔto Ju ɛn di Ju pipul dɛn bi wan, ɛn i dɔn mek dɛn gɛt ɔl wetin Gɔd bin dɔn prɔmis dɛn. 7Gɔd dɔn blɛs mi ɛn gi mi pawa so dat a go wok tra nga fɔ prɛd di Gud Nyus ɔlɔbɔt. 8A nɔ gud rich ɛnibɔdi we na Kristiɛn, bɔt Gɔd dɔn pik mi ɛn i dɔn gi mi di chans fɔ go tɛl ɔda pipul we nɔto Ju bɔt di big big blɛsin dɛn we Krays gɛt we mɔta lman nɔ ebul ɔnda stand. 9Ɛn Gɔd dɔn pik mi ɛn gi mi di chans fɔ tɛl ɔlman bɔt di tin we i dɔn mekɔp fɔ du we i nɔ mek wi no yet, we go bi. Gɔd we mek ɔl di wɔl nɔ bin mek wi no di tin we i mekɔp fɔ du ɔl dis tɛm ya we dɔn pas, 10so dat naw i go tek di chɔch fɔ sho dɛn spirit we de rul ɛn ɔltin we gɛt pawa na ɛvin Gɔd in sɛns pan ɔltin. 11Na di tin dis we Gɔd bin dɔn mekɔp fɔ du, Gɔd mek Jizɔs Krays du wetin i bin dɔn mekɔp. 12Bikɔs wi biliv pan Jizɔs Krays ɛn wi gɛt wanwɔd wit am, wi fri ɛn gɛt di maynd fɔ go bifo Gɔd. 13Na ɔl dis mek a de beg una mek una at nɔ pwɛl fɔ we a de sɔfa fɔseka una. Na fɔ ɛp una mek a de sɔfa ɔl dis. 14Na dat mek a de nil dɔng bifo wi Papa Gɔd. 15Na in gi ɔlman we de na ɛvin ɛn dis wɔl dɛn nem. 16A de pre mek Gɔd we gɛt ɔltin ɛn we gɛt wɔnda ful pawa fɔ tek ɛp ɔlman, mek in Spirit gi una pawa fɔ mek una gɛt wanwɔd. 17A de pre mek di biliv we una biliv mek Krays de na una at; ɛn mek di lɛk we una lɛk Gɔd ɛn una kɔmpin mɔta lman tan lɛkɛ aw rut kin go dɔng na grɔn ɛn grip di grɔn tayt, ɛn lɛkɛ aw fawndeshɔn kin trɔng, 18so dat una ɛn ɔl Gɔd in pipul dɛn go ebul ɔnda stand di lɛk we Krays lɛk wi, gud: aw i wayd, aw i lɔng, aw i ay, ɛn aw i dip. 19A de pre igen mek una no aw Krays lɛk mɔta lman, pan ɔl we mɔta lman nɔ ebul fɔ ɔnda stand dis kayn lɛk, ɛn mek Gɔd de insay una gud gud, so dat ples nɔ lɛf fɔ ɔda tin. 20Jizɔs Krays we gɛt pawa oba wi, ebul du tin we pas wetin wi kin aks fɔ ɛn tink bɔt. 21Mek ɔlman we de na di chɔch dɛn we gɛt wanwɔd wit Jizɔs Krays, prez Gɔd frɔm naw sote go! Emɛn.

will be added

X\