GBOO KƆDƆSAI KO A 3

1We Gɔd dɔn gi Krays in layf bak, i dɔn mek unasɛf gɛt nyu layf, so una fɔ put ɔl una at pan dɛn tin we Gɔd gɛt fɔ una na ɛvin, di ples we Krays sidɔm de rul na Gɔd in raytan. 2Una fɔ put ɔl una at pan dɛn tin we de na ɛvin, una nɔ fɔ put una at pan dɛn tin we de na dis wɔl. 3Wɛn i kam pan dis wɔl yon biznɛs, una dɔn day, ɛn di tru layf we Gɔd dɔn gi una ayd insay Krays bikɔs una de waka klos Gɔd. 4Krays na una tru layf. Wɛn i kam bak na wɔl, una go de wit am ɛn jɛs lɛkɛ aw dɛn ɔna am, na so dɛn go ɔna unasɛf. 5Una fɔ kil di tin we de insay una at we de mek una want fɔ du dɛn bad tin we dɛn ɔda mɔta lman de du, dat na fɔ liv fri ɔ dɔti layf; fɔ want man ɔ uman we nɔto una yon; fɔ want fɔ du ɔl kayn bad tin; fɔ want plɛnti, plɛnti tin (dat jɛs tan lɛkɛ wɛn pɔsin gɛt ɔda tin we i lɛk pas Gɔd). 6Na dɛn kayn tin ya go mek Gɔd vɛks pan ɔl dɛn pipul we nɔ de yɛri in wɔd. 7Tɛm bin de we unasɛf bin de du dɛn sem tin ya, ɛn na dɛn bin de rul una. 8Una fɔ tap fɔ du ɔl dɛn bad tin ya: una nɔ fɔ de vɛks; una nɔ fɔ vɛks te una nɔ no wetin una de du; una nɔ fɔ de mɛmba ɛni tin we go mek una want fɔ du una kɔmpin bad. Una nɔ fɔ tɛl ɛnibɔdi ɛni tin we go mek i fil smɔl; ɛn una nɔ fɔ tɔk bad wɔd. 9Una nɔ fɔ lay to una kɔmpin, bikɔs una dɔn lɛf una ol layf ɛn dɛn bad trik we una bin gɛt, 10una dɔn bi nyu pipul. Gɔd mek una ɔl bi nyu pipul, ɛn we i bi so, i de mek una tan lɛkɛ insɛf mɔ ɛn mɔ, so dat wan de una go no am gud. 11Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na tre nja, dɛn pipul we nɔ sivi layz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am. 12Una na Gɔd yon pipul; we i lɛk una, i pik una fɔ bi in yon pipul. Dat fɔ mek una gɛt sɔri at fɔ una kɔmpin, una fɔ de du gud to una kɔmpin, una nɔ fɔ tink se una bɛtɛ pas ɔda pipul, una nɔ fɔ dil wit ɔda pipul tra nga wan, ɛn una fɔ de bia wit pipul. 13Una nɔ fɔ vɛks if pɔsin du una bad, ɛn una fɔ padin dɛn if dɛn du una ɛni tin. Una fɔ padin una kɔmpin lɛkɛ aw di Masta dɔn padin una. 14Pantap ɔl dat, una fɔ lɛk una kɔmpin, dat go mek una gɛt wan at ɛn una go bi wan, ɛn nɔ ambɔg nɔ go de. 15Di kol at we Krays de gi go mek una gɛt wanwɔd we fɔ ɛp una wɛn una de mekɔp fɔ du sɔntin. We Gɔd dɔn bring una togɛda na wan bɔdi, dat na di chɔch, i want mek una gɛt kol at ɛn mek una gɛt wanwɔd. Una fɔ tɛl Gɔd tɛnki. 16Krays in wɔnda ful mɛsej fɔ de insay una at ɛn i fɔ tek rut insay una at. Una fɔ de lan una kɔmpin ɛn sho dɛn wetin fɔ du, na Krays in mɛsej go gi una sɛns fɔ du dat. Una fɔ de sing ɛn tɛl Gɔd tɛnki wit ɔl una at, una fɔ de sing dɛn Sams ɛn ɔl dɛn Gɔd sing ɛn dɛn sing we Gɔd in Spirit de gi pɔsin fɔ sing. 17Ɛni tin we una de du ɛn ɛni tin we una de tɔk fɔ sho se una biliv pan Masta Jizɔs, ɛn una fɔ tɛl Gɔd we na di Papa tɛnki fɔ wetin Krays dɔn du fɔ una. 18Una dɛn mare du man, una fɔ put yay dɔng to una man. Na so una fɔ du bikɔs una dɔn biliv pan Krays ɛn una de fala am. 19Una dɛn mare dman, una fɔ lɛk una wɛf, una nɔ fɔ dil tra nga wan wit dɛn. 20Una dɛn pikin, una fɔ de du wetin una mama ɛn papa tɛl una fɔ du ɔltɛm, bikɔs Gɔd go gladi fɔ si se una de du so. 21Una dɛn mama ɛn papa, una nɔ mek una pikin dɛn at pwɛl we una de tɔk ɔltɛm se wetin dɛn de du nɔ rayt. 22Una we de wok fɔ ɔda pipul, una fɔ de du ɔl wetin di pipul dɛn we una de wok fɔ tɛl una fɔ du, una nɔ fɔ wok nɔmɔ wɛn una masta de, bikɔs una want mek i prez una, bɔt una fɔ wok wit ɔl una at bikɔs una rɛspɛkt Jizɔs Krays we na wi Masta. 23Ɛni tin we una de du una fɔ du am wit ɔl una at lɛkɛ se na Masta Jizɔs una de du am fɔ ɛn nɔto fɔ mɔta lman. 24Una fɔ mɛmba se di Masta go gi una di gud tin we i dɔn prɔmis in pipul dɛn. Krays na di tru Masta we una de wok fɔ. 25Ɛnibɔdi we de du bad, Gɔd go gi am in pe; Gɔd de jɔj ɔlman di sem we .

will be added

X\