CHISƆSI 'A SƆ MƆƐ NU 8

1Sɔl gladi we dɛn kil Sti vin. Frɔm di de we dɛn kil Sti vin, na in dɛn Ju bigman dɛn bigin mek dɛn pipul we bin biliv Jizɔs Krays, sɔfa bad wan. Dɛn ɔl rɔnawe kɔmɔt Jerusɛlɛm. Sɔm go Judia, sɔm go Same ria. Na di apɔsul dɛn nɔmɔ bin lɛf na di tɔng. 2Na sɔm pipul we bin biliv Gɔd, bɛr Sti vin; dɛn kray fɔ am bita wan. 3Sɔl bigin fɔ mek dɛn pipul we bin biliv Jizɔs, sɔfa. I kin go frɔm os to os go fɛn dɛn, man ɛn uman, ɛn drɛg dɛn go na jel. 4Dɛn pipul we bin biliv pan Jizɔs we bin rɔnawe kɔmɔt Jerusɛlɛm, go ɔlsay de tɛl pipul di Gud Nyus bɔt Jizɔs. 5Filip go tɛl di pipul dɛn na Same ria bɔt di Mɛsaya. 6Di pipul dɛn bin gladi fɔ yɛri wetin Filip tɛl dɛn ɛn si di wɔnda ful wok dɛn we i du. 7Dɛn dɛbul kin ala lawd wan we dɛn de kɔmɔt insay pipul. Plɛnti pipul we nɔ bin ebul waka, bigin waka. 8So di pipul dɛn na Same ria gladi bad. 9Wan man bin de na Same ria we bin nem Saymɔn we bin de ple majik, ɛn mek di pipul dɛn wɔnda. I tɛl dɛn se in na pɔsin we kin du ɔltin. 10Dat bin mek ɔlman na di tɔng rɛspɛkt am jɛntri man, po man, bigman, lili pikin dɛn ɔl bin rɛspɛkt am. Di pipul dɛn se, “Saymɔn dɔn tɔn to da gɔd we dɛn kɔl ‘Big Pawa.’ ” 11I bin dɔn te we Saymɔn de mek pipul wɔnda pan di majik we i de ple. 12Bɔt wɛn di pipul dɛn, man ɛn uman, biliv wetin Pita tɛl dɛn bɔt Gɔd in rul ɛn bɔt Jizɔs Krays, dɛn mek Filip baptayz dɛn. 13Saymɔn, insɛf, we bin de ple majik, biliv pan Jizɔs Krays. Wɛn Filip dɔn baptayz am, i bigin fala Filip go ɔlɔbɔt. Di wɔnda ful wok dɛn we Filip bin de du mek Saymɔn wɔnda. 14Wɛn di apɔsul dɛn na Jerusɛlɛm yɛri se dɛn pipul we de na Same ria dɔn biliv Gɔd in wɔd, dɛn sɛn Pita ɛn Jɔn go to dɛn. 15Wɛn Pita ɛn Jɔn rich Same ria, dɛn pre fɔ di pipul dɛn we bin biliv pan Jizɔs fɔ mek Gɔd in Spirit kam insay dɛn, 16bikɔs Gɔd in Spirit nɔ bin dɔn kam insay dɛn yet. Filip bin jɛs baptayz dɛn na Masta Jizɔs in nem nɔmɔ. 17Pita ɛn Jɔn put dɛn an pan di pipul dɛn ed ɛn pre fɔ dɛn, ɛn Gɔd in Spirit kam pan dɛn. 18Wɛn Saymɔn si se Gɔd in Spirit kam pan di pipul dɛn we biliv Jizɔs wɛn Pita ɛn Jɔn put dɛn an pan dɛn ed, i pul kɔpɔ fɔ pe Pita ɛn Jɔn 19ɛn tɛl dɛn se, “Una gi mi dis kayn pawa ya so dat wɛn a put mi an pan ɛnibɔdi in ed, Gɔd in Spirit go kam pan da pɔsin de.” 20Pita ansa am se, “Yu ɛn yu kɔpɔ go go na ɛl, bikɔs yu tink se yu kin bay wetin Gɔd dɔn gi wi. 21Yu nɔto wan pan wi ɛn Gɔd si se yu at nɔ de fɔ am. 22Lɛf fɔ du di bad we yu de du ɛn pre mek Gɔd padin yu fɔ wetin yu dɔn mekɔp. 23A si se yu gɛt bad at ɛn sin dɔn tɔn yu to slev.” 24Saymɔn tɛl Pita ɛn Jɔn se, “Duya, una beg Gɔd fɔ mi, mek wetin una tɔk nɔ bi to mi.” 25Wɛn Pita ɛn Jɔn dɔn tɛl pipul wetin Gɔd dɔn du ɛn wetin i bin stil de du fɔ dɛn, ɛn wetin Gɔd in wɔd se, dɛn tɔn bak de go Jerusɛlɛm; dɛn bin de tɛl di pipul dɛn we dɛn de mit na dɛn vilej na Same ria di Gud Nyus. 26Gɔd sɛn in enjɛl to Filip, di enjɛl tɛl Filip se, “Filip, grap, fala da rod na di dɛzat we go frɔm Jerusɛlɛm te rich Geza.” 27So Filip grap ɛn go na di ples we Gɔd tɛl am fɔ go. Da sem tɛm de, wan bigman we kɔmɔt Itio pia bin de pas na di sem rod, i bin de go na in os. Di Itio pia man na bin di bigman fɔ dɛn pipul we de luk di Itio pia kwin in prɔpati dɛn. I bin kɔmɔt pre na Jerusɛlɛm ɛn i bin de go Itio pia bak; i bin sidɔm na in chariɔt. 29Gɔd in Spirit tɛl Filip se, “Filip, go klos da man we de na in chariɔt.” 30Filip go mit di bigman we kɔmɔt Itio pia, i yɛri di man de rid wan say pan wetin di prɔfɛt Ayzaya bin rayt. So Filip aks am se, “Yu ɔnda stand wetin yu de rid?” 31Di bigman we kɔmɔt Itio pia ansa am se, “Aw a go ɔnda stand wetin a de rid wɛn pɔsin nɔ de fɔ ɛksplen am to mi?” I tɛl Filip fɔ kam sidɔm na in chariɔt. 32Di say we i bin de rid na in dis: “I bin tan lɛkɛ ship we dɛn de kɛr go fɔ go kil. I bin tan lɛkɛ ship pikin we nɔ kin kray wɛn dɛn de kɔt in ia. I nɔ bin se fing. 33Dɛn bin du am tin we mek i shem ɛn i nɔ bin gɛt pɔsin fɔ tɔk fɔ am. Nɔbɔdi nɔ go ebul fɔ tɔk bɔt in granpikin-pikin dɛn, bikɔs dɛn dɔn pul am kɔmɔt na dis wɔl.” 34Di bigman we kɔmɔt Itio pia aks Filip se, “Duya udat di prɔfɛt Ayzaya bin de tɔk bɔt? Na bɔt insɛf ɔ bɔt ɔda pɔsin?” 35Na in Filip tɛl am udat di prɔfɛt bin rayt bɔt, i tɛl am di Gud Nyus bɔt Jizɔs. 36As dɛn de go, dɛn rich wan ples we gɛt wata. Di bigman we kɔmɔt Itio pia tɛl Filip se, “Luk wata naya, wetin mek yu nɔ go baptayz mi?” [ 37Filip ansa am se, “A go baptayz yu if yu biliv pan Jizɔs wit ɔl yu at.” Di bigman ansa am se, “A biliv; a biliv se Jizɔs Krays na Gɔd in Pikin.”] 38Di bigman we kɔmɔt Itio pia mek in chariɔt tinap. Dɛn tu go insay di wata ɛn Filip baptayz am. 39Wɛn dɛn kɔmɔt insay di wata, di Masta in Spirit kɛr Filip go, di bigman we kɔmɔt Itio pia nɔ si Filip igen. Di bigman gladi wɛn i de go na in os. 40Wɛn dat dɔn, Filip fɛn insɛf na wan tɔng we nem Ezotɔs; wɛn i kɔmɔt de i bigin tɛl ɔl dɛn pipul na ɔl dɛn tɔng di Gud Nyus te i rich Siza ria.

will be added

X\