CHISƆSI 'A SƆ MƆƐ NU 7

1Di bigman dɛn we de mek sakri fays fɔ pipul sin aks Sti vin se, “Ɔl wetin dɛn pipul ya dɔn tɔk, na tru?” 2Sti vin ansa se, “Mi papa dɛn ɛn mi brɔda dɛn, a want mek una lisin mi! Gɔd we gɛt pawa pas ɔl bin sho insɛf to Ebraam wɛn Ebraam bin tap na Mɛso po te mya. Dat bin bi bifo Ebraam go tap na Aran. 3Gɔd tɛl Ebraam se, ‘Ebraam, lɛf yu fambul dɛn ɛn kɔmɔt na yu kɔntri, go na wan kɔntri we a go tɛl yu fɔ go tap.’ 4So Ebraam kɔmɔt Kaldia go tap na Aran. Afta Ebraam in papa day, Gɔd tɛl Ebraam fɔ kɔmɔt Aran, kam na dis kɔntri we una de naw. 5Gɔd nɔ bin gi Ebraam ples fɔ de we go bi in yon; i nɔ gi am lili ples sɛf, bɔt i prɔmis am se in go gi am ples, ɛn da ples de go bi Ebraam in yon prɔpati ɛn da prɔpati de go bi Ebraam in gra npi kin-pi kin dɛn yon, wɛn Ebraam dɔn day. Ebraam nɔ bin bɔn pikin yet wɛn Gɔd tɛl am dat. 6Gɔd bin tɛl Ebraam se, ‘Ebraam, dɛn go tek yu gra npi kin-pi kin dɛn mek slev, ɛn dɛn go kɛr dɛn go na ɔda kɔntri ɛn di pipul dɛn na di ɔda kɔntri go du yu gra npi kin-pi kin dɛn bad. Yu gra npi kin-pi kin dɛn go bi slev fɔ fo ɔndrɛd ia. 7Bɔt a go jɔj di pipul dɛn we tek dɛn mek slev. Da tɛm de yu gra npi kin-pi kin dɛn go kɔmɔt pan slev layf ɛn dɛn go kam na Jerusɛlɛm fɔ kam pre to mi.’ 8Gɔd tɛl Ebraam se Ebraam fɔ sakɔmsayz in bɔy pikin di de we mek et de afta i bɔn. Di sakɔmsayz we Ebraam go sakɔmsayz am go sho se Gɔd bin dɔn mek agrimɛnt wit Ebraam. So di de we mek et afta Ayzik bɔn, Ebraam sakɔmsayz am; ɛn di de we mek et afta Jekɔb bɔn, Ayzik sakɔmsayz am; ɛn Jekɔb insɛf sakɔmsayz in twɛlv pikin dɛn we na wi gra npapa-papa dɛn, we bigin di twɛlv trayb na di Ju neshɔn. 9“Wi gra npapa-papa dɛn bin jɛlɔs Josɛf, dɛn brɔda, ɛn dat mek dɛn sɛl am fɔ mek i go bi slev na Ijipt; bɔt Gɔd bin de wit Josɛf. 10Gɔd bin de ɛp Josɛf ɔltɛm we i de pan trɔbul. Wɛn dɛn kɛr Josɛf go bifo di king na Ijipt, Gɔd blɛs Josɛf ɛn gi am sɛns; so di king mek Josɛf bi gɔvna na Ijipt ɛn i mek am di edman fɔ in os. 11Tɛm bin de we bad bad angri kam na Ijipt ɛn Kenyan. Di angri mek plɛnti pipul dɛn sɔfa ɛn wi gra npapa-papa dɛn nɔ bin ebul fɛn tin fɔ it. 12So wɛn Jekɔb yɛri se it de na Ijipt i sɛn in pikin dɛn we na wi gra npapa-papa dɛn go de fɔ go fɛn it, dat na bin di fɔs tɛm we dɛn go de. 13Di sɛkɛn tɛm we dɛn go na Ijipt, Josɛf mek in brɔda dɛn no udat i bi, ɛn di king kam sabi Josɛf in brɔda dɛn. 14Josɛf sɛn mɛsej to in papa, Jekɔb, fɔ mek i kam mit am ɛn i sɛn se Jekɔb fɔ bring ɔl in fambul dɛn we na bin sɛvi nti fayv pipul. 15Jekɔb go na Ijipt, ɛn na de in ɛn ɔl in pikin dɛn de sote dɛn ɔl day. 16Dɛn kɛr dɛn dedebɔdi go bɛr dɛn na Shɛkɛm na di grev we Ebraam bin bay to Amɔ in bɔy pikin dɛn. 17“Wɛn di tɛm bin dɔn de rich fɔ mek Gɔd du wetin i bin dɔn prɔmis Ebraam, di pipul dɛn na Ijipt bin de plɛnti mɔ ɛn mɔ. 18Ɔda king we nɔ bin sabi Josɛf, bigin rul na Ijipt. 19Dis nyu king ya tek adva ntej pan wi pipul dɛn ɛn i mek wi pipul dɛn sɔfa bad. I fos wi gra npapa-papa dɛn fɔ trowe dɛn pikin na do, mek di pikin dɛn go day. 20Da sem tɛm de, na in Mozis bɔn; na bin fayn pikin. Wɛn Mozis bin jɛs bɔn, in mama ɛn papa bin ayd am na os tri mɔnt. 21Wɛn dɛn go lɛf Mozis na do, di king in gyal pikin tek Mozis ɛn mɛn am lɛkɛ in bɛlɛ-bɔn pikin. 22Dɛn tren Mozis lɛkɛ dɛn Ijipt pikin; na man we bin sabi tɔk ɛn we bin sabi wok. 23“Wɛn Mozis bin dɔn ol fɔti ia, i mekɔp fɔ go luk in pipul dɛn na Izrɛl. 24Wɛn i de go, i mit wan Ijipt man de bit wan Izrɛl man, so i go fɛt fɔ di Izrɛl man ɛn i kil di Ijipt man. 25Mozis bin min se in pipul dɛn go no se Gɔd sɛn am fɔ kam ɛp dɛn ɛn pul dɛn kɔmɔt pan slev layf, bɔt dɛn nɔ bin no dat. 26Wan ɔda de Mozis mit tu Izrɛl man dɛn de fɛt. Wɛn i go fɔ pat dɛn tu, i tɛl dɛn se, ‘Mi pipul dɛn, una lɛf fɔ fɛt bikɔs una tu na brɔda. Wetin mek una de fɛt una kɔmpin?’ 27Bɔt di man we bin de bit in kɔmpin tɛl Mozis se, ‘Udat aks yu fɔ rul wi? 28Yu want fɔ kil mi lɛkɛ aw yu kil da Ijipt man trade?’ 29Wɛn Mozis yɛri wetin di man tɔk, i rɔnawe kɔmɔt Ijipt go sidɔm na wan kɔntri we nem Midian. Mozis bɔn tu bɔy pikin de. 30“Wɛn fɔti ia bin dɔn pas, wan enjɛl go mit Mozis na da ay il we nem Mawnt Saynay. Di enjɛl bin de insay di faya we bin de kɔmɔt pan wan smɔl tik. 31Wɛn Mozis si dat, i wɔnda; i go klos fɔ go luk gud, na de i yɛri Gɔd, di Masta in vɔys de tɔk to am se, 32‘Na mi na da Gɔd we yu gra npapa-papa dɛn bin de pre to, na mi na di Gɔd we Ebraam bin de pre to, na mi na di Gɔd we Ayzik bin de pre to, ɛn we Jekɔb bin de pre to.’ Wɛn Mozis yɛri dat, i tri mbul, i fred fɔ es in yay ɔp, luk. 33Gɔd, di Masta tɛl am se, ‘Pul yu sus kɔmɔt na yu fut, bikɔs da ples de we yu tinap na ples we dɛn dɔn put wansay fɔ mi. 34A dɔn si di waala we mi pipul dɛn de pan na Ijipt. A dɔn yɛri we dɛn de pini bikɔs dɛn de sɔfa ɛn a dɔn kam dɔng naw fɔ kam pul dɛn pan dɛn waala. So kam, mek a sɛn yu go Ijipt.’ 35“Di sem Mozis we dɛn nɔ bin want, we dɛn aks se, ‘Udat mek yu rula ɛn jɔj?’ Na in Gɔd sɛn fɔ bi rula ɛn fɔ go pul pipul dɛn pan waala, ɛn na di enjɛl we go mit Mozis na di faya we bin de kɔmɔt pan di smɔl tik, na in Gɔd yus fɔ ɛp Mozis. 36Mozis du plɛnti wɔnda ful tin dɛn we mek i ebul pul in pipul dɛn kɔmɔt na Ijipt, insay di wata we nem Rɛd Si, ɛn pul dɛn kɔmɔt na di dɛzat we dɛn bin de fɔti ia. 37Na da sem Mozis de tɛl di Izrɛl pipul dɛn se, ‘Gɔd go tek wan pan una mek prɔfɛt lɛkɛ aw i du mi ɛn una go lisin to da prɔfɛt de.’ 38Na Mozis bin de wit di Izrɛl pipul dɛn we bin de gɛda na di dɛzat; ɛn na in bin de wit di enjɛl we tɔk to am pantap da ay il we nem Mawnt Saynay, ɛn na in bin de wit wi gra npapa-papa dɛn. Na in Gɔd gi in mɛsej, we go de sote go, fɔ gi wi. 39“Bɔt wi gra npapa-papa dɛn nɔ bin du wetin Mozis tɛl dɛn fɔ du, dɛn bin tɔn dɛn bak pan am ɛn dɛn bin want go Ijipt bak, 40dɛn tɛl Erɔn se, ‘Duya, mek sɔm gɔd dɛn fɔ wi we go de bifo wi wɛn wi de go; as fɔ Mozis we bring wi kɔmɔt Ijipt wi nɔ no wetin dɔn apin to am.’ 41Dɛn mek kaw pikin fɔ de pre to ɛn sakri fays tin to am; dɛn kin ɔltɛm gladi fɔ di tin we dɛn mek. 42Dɛn, Gɔd tɔn in bak pan di Izrɛl pipul dɛn; i lɛf dɛn mek dɛn de pre to dɛn tin we de na ɛvin, lɛkɛ sta ɛn mun so, lɛkɛ aw dɛn rayt na da buk we dɛn prɔfɛt rayt, se ‘Una, dɛn Izrɛl pipul ya, di fɔti ia we una bin de na di dɛzat nɔto fɔ mi una kil dɛn bif ɛn sakrifays dɛn. 43Una bin tot di bafa we dɛn kip da gɔd we nem Mɔlɔk ɛn di sta we una mek we fiba una gɔd, Refan in sta; una mek dɛn tin ya fɔ pre to dɛn; a go mek dɛn kɛr una go fawe pas Babilɔn sɛf.’ 44“Wɛn wi gra npapa-papa dɛn bin de na di dɛzat dɛn bin gɛt da bafa we sho se Gɔd bin de wit dɛn. Na da bafa de Gɔd bin dɔn tɛl Mozis fɔ mek, ɛn Mozis fala di patan we Gɔd bin dɔn sho am. 45Wi gra npapa-papa dɛn we bin de fɔs, day lɛf di bafa gi dɛn ɔda wan we tot am wɛn dɛn bin de go wit Jɔshwa, ɛn dɛn tek di kɔntri na dɛn ɔda neshɔn dɛn an we Gɔd bin drɛb go ɔda say bifo Jɔshwa ɛn di pipul dɛn bin rich de. Di bafa bin de na da kɔntri de, te di tɛm we Devid bin de rul. 46Gɔd bin sati sfay wit Devid fɔ wetin i du, so Devid beg Gɔd fɔ alaw am fɔ bil os fɔ am; in we Jekɔb bin de pre to. 47Bɔt na King Sɔlɔmɔn bil di os fɔ Gɔd. 48“Bɔt Gɔd we de oba ɔl di wɔl, ɛn we gɛt pawa pas ɔl nɔ tap insay dɛn os we mɔta lman mek; lɛkɛ aw di prɔfɛt bin rayt, wɛn i se, 49‘Gɔd di Masta se, “Na ɛvin a sidɔm de rul, na pan di wɔl we mɔtalman de, a put mi fut. So uskayn os yu want bil fɔ mi? We di ples we a go blo? 50Nɔto mi mek ɔl dɛn tin ya?” ’ 51“Una na tra nga yes pipul! Gɔd nɔ de na una at, una nɔ de lisin to Gɔd in mɛsej! Una jɛs tan lɛkɛ una gra npapa-papa dɛn: unasɛf nɔba gri fɔ du ɛni tin we Gɔd in Spirit tɛl una fɔ du. 52Ɛni prɔfɛt bin de we una gra npapa-papa dɛn nɔ mek sɔfa? Dɛn kil ɔl dɛn prɔfɛt we Gɔd sɛn to in pipul dɛn. Dɛn prɔfɛt ya bin de tɔk se Gɔd in Savant we de du wetin rayt ɔltɛm, go kam. Naw, una dɔn sɛl am ɛn una dɔn kil am. 53Na una Gɔd gi in Lɔ we enjɛl dɛn bring kam gi una bɔt una nɔ du wetin di Lɔ se!” 54Wɛn dɛn bigman na di Ju gran kot yɛri wetin Sti vin tɔk, dɛn vɛks bad. 55Bɔt Gɔd in Spirit bin de wit Sti vin, i luk ɔp na ɛvin, i si Gɔd in layt de shayn ɛn i si Jizɔs tinap na Gɔd in raytan. 56Sti vin tɛl di pipul dɛn se, “A si di klawd opin ɛn a si Mɔta lman Pikin tinap na Gɔd in raytan!” 57Di pipul dɛn bigin ala; dɛn tek dɛn an sɛt dɛn yes. Dɛn ɔl grap rɔn go mit am. 58Dɛn pul Sti vin kɔmɔt na di big tɔng, dɔn dɛn bigin ston am. Dɛn pul dɛn klos we dɛn wɛr pantap gi wan man we nem Sɔl fɔ ol. 59Wɛn dɛn bin de ston am, Sti vin pre se, “Masta Jizɔs, tek mi layf!” 60I nil dɔng na grɔn ɛn pre lawd wan se, “Papa Gɔd, padin dɛn pipul ya fɔ wetin dɛn dɔn du!” Wɛn i pre dɔn, na in i day.

will be added

X\