CHISƆSI 'A SƆ MƆƐ NU 5

1Wan man bin de we bin nem Ana na yas ɛn in wɛf bin nem Safa yra. Dɛn bin sɛl pan dɛn grɔn. 2Ana na yas kip sɔm pan di kɔpɔ fɔ insɛf, dɛn i kɛr di ɔda pat go gi di apɔsul dɛn. Safa yra bin no se in man dɔn kip sɔm pan di kɔpɔ. 3Pita aks Ana na yas se, “Ana na yas, wetin mek yu gri mek Setan go insay yu at fɔ mek yu lay gi Gɔd in Spirit? Yu dɔn kip sɔm pan di kɔpɔ we dɛn pe yu fɔ di grɔn! 4Wɛn yu nɔ bin sɛl di grɔn yet, nɔto yu bin gɛt am, ɛn we yu dɔn sɛl am, nɔto yu gɛt di kɔpɔ? If na so i bi, wetin mek yu du dat? Yu nɔ lay gi mɔta lman, na Gɔd yu lay gi!” 5Wɛn Ana na yas yɛri wetin Pita tɔk, i fɔdɔm ɛn day. Ɔl dɛn wan we yɛri wetin bi, fred. 6Di man dɛn rap di dedebɔdi, dɔn dɛn go bɛr am. 7Wɛn lɛkɛ tri awa so dɔn pas afta dɛn bɛr Ana na yas, in wɛf Safa yra kam na di rum we di apɔsul dɛn bin de, bɔt Safa yra nɔ bin no wetin dɔn bi. 8Pita aks Safa yra se, “Na ɔl di kɔpɔ dis we dɛn bin pe una fɔ da grɔn we una sɛl?” Safa yra ansa se, “Yɛs, sa, na ɔl di kɔpɔ dat, sa.” 9Pita tɛl am se, “Wetin mek yu ɛn yu man mekɔp fɔ tɛst Gɔd in Spirit? Luk di pipul dɛn we go bɛr yu man tinap na do, na dɛn go bɛr yusɛf!” 10Safa yra fɔdɔm wantɛm ɛn day. Di man dɛn kam tek Safa yra go bɛr am klos in man. 11Wɛn ɔl dɛn pipul we bin biliv pan Jizɔs Krays ɛn dɛn wan we nɔ bin biliv pan am, yɛri bɔt wetin bi to Ana na yas ɛn Safa yra, dɛn fred bad. 12Di apɔsul dɛn bin de du plɛnti wɔnda ful tin fɔ di pipul dɛn. Ɔl dɛn pipul we bin biliv pan Jizɔs Krays kin mit lɛkɛ fambul na di ples we dɛn kɔl Sɔlɔmɔn in Vira nda. 13Dɛn pipul we nɔ bin biliv pan Jizɔs bin fred fɔ de wit dɛn, bɔt dɛn bin de tɔk gud bɔt dɛn. 14Ɛn mɔ ɛn mɔ pipul bin de kam jɔyn to di pipul dɛn we bin biliv pan Jizɔs Krays. 15Wɛn dɛn si di wɔnda ful tin dɛn we di apɔsul dɛn bin de du, pipul kɛr dɛn sik pipul go na trit ɛn mek dɛn ledɔm na dɛn bed, so dat we Pita de pas, in shado go go pan sɔm di sik pipul dɛn ɛn mek dɛn wɛl. 16Plɛnti pipul kɔmɔt ɔlɔbɔt na dɛn tɔng we de klos Jerusɛlɛm, dɛn bring sik pipul ɛn dɛn pipul we gɛt dɛbul kam to di apɔsul dɛn ɛn di apɔsul dɛn mɛn dɛn ɔl. 17Di edman pan dɛn man we de mek sakri fays fɔ pipul sin, ɛn in kɔmpin Sadyusi dɛn, jɛlɔs di apɔsul dɛn bad wan. 18So dɛn ol di apɔsul dɛn ɛn put dɛn na jel. 19Bɔt di Masta in enjɛl kam na nɛt ɛn opin di get na di jel we di apɔsul dɛn bin de, dɛn di enjɛl pul di apɔsul dɛn kɔmɔt na di jel ɛn tɛl dɛn se, 20“Una go bak na Gɔd in Os go tɛl di pipul dɛn bɔt di nyu layf we una dɔn gɛt.” 21Di apɔsul dɛn du wetin di enjɛl tɛl dɛn fɔ du. Wɛn do klin di apɔsul dɛn go na Gɔd in Os ɛn bigin tɛl di pipul dɛn bɔt Gɔd. Di edman pan dɛn man we de mek sakri fays fɔ pipul sin ɛn in kɔmpin dɛn kɔl mitin wit di Ju bigman dɛn na di Ju gran kot; dɛn sɛn go na di jel fɔ mek dɛn bring di apɔsul dɛn kam mit dɛn. 22Bɔt wɛn di gyad dɛn rich na di jel, dɛn nɔ mit di apɔsul dɛn de. So di gyad dɛn tɔn bak go ɛn tɛl di bigman dɛn se, 23“Wɛn wi rich na di jel, wi mit di sɛl lɔk gud ɛn di wɔda dɛn tinap de gyad di get dɛn; bɔt wɛn wi opin di get dɛn ɛn luk insay, wi nɔ si wan gren pɔsin sɛf de!” 24Wɛn di bigman pan dɛn wan we bin de gyad Gɔd in Os ɛn di edman pan dɛn man we de mek sakri fays fɔ pipul sin yɛri wetin bi, dɛn kɔnfyus ɛn bigin wɔndrin wetin bi to di apɔsul dɛn. 25Na in wan man kam tɛl dɛn se, “Una luk ya! Dɛn pipul we una bin put na jel, de na Gɔd in Os de tɔk bɔt Gɔd.” 26So di bigman dɛn go mit di apɔsul dɛn na Gɔd in Os ɛn bring dɛn kam bak, bɔt dɛn nɔ bin fos dɛn fɔ kam bikɔs dɛn bin de fred se di pipul dɛn we di apɔsul dɛn de tɔk to bɔt Gɔd, go ston dɛn. 27Dɛn kɛr di apɔsul dɛn go mek dɛn tinap bifo di Ju gran kot, dɔn di edman pan dɛn man we de mek sakri fays fɔ pipul sin aks dɛn kwɛshɔn. 28I se, “Wi nɔ bin dɔn wɔn una se una nɔ fɔ tɔk to ɛnibɔdi bɔt dis man? Una dɔn mek ɔlman na Jerusɛlɛm yɛri bɔt am ɛn una want mek pipul blem wi fɔ we dɛn kil am.” 29Pita ɛn in kɔmpin dɛn ansa dɛn se, “Wi fɔ du wetin Gɔd tɛl wi fɔ du, wi nɔ gɛt fɔ du wetin mɔta lman tɛl wi fɔ du. 30Wɛn una bin nel Jizɔs na di krɔs ɛn kil am, da Gɔd we wi gra npapa-papa dɛn bin de pre to, bin mek Jizɔs rayz frɔm di grev. 31Gɔd dɔn mek Jizɔs sidɔm na in raytan fɔ bi wi Masta ɛn wi Sevyɔ, so dat i go gi di Izrɛl pipul dɛn chans fɔ chenj ɛn Gɔd go padin dɛn fɔ dɛn sin. 32Wi, we na in apɔsul dɛn, ɛn Gɔd in Spirit, de mek pipul no bɔt dɛn tin ya. Gɔd dɔn gi dɛn pipul we de du wetin i tɛl dɛn fɔ du, in Spirit.” 33Wɛn di bigman dɛn na di Ju gran kot yɛri wetin di apɔsul dɛn tɔk, dɛn vɛks sote dɛn bin want mek dɛn kil di apɔsul dɛn. 34Gameliɛl, wan Faresi we bin de lan pipul di Ju Lɔ, na bin bigman na di Ju gran kot ɛn pipul bin rɛspɛkt am. I tinap na di kot ɛn tɛl di ɔda bigman dɛn mek dɛn pul di apɔsul dɛn na sɛl fɔs. 35Dɔn i bigin tɔk to di pipul dɛn na di Ju gran kot. I se, “Mi pipul dɛn na Izrɛl, una tink gud bifo una du ɛni tin to dɛn man ya. 36Una mɛmba wan man we bin nem Tiudɔs we bin kam se in na bigman ɛn we bin gɛt lɛkɛ fo ɔndrɛd pipul we de ɛp am. Dɛn kil am, dɔn dɛn pipul we bin de fala am rɔnawe; so Tiudɔs in wok nɔ go bifo. 37Wɛn dat dɔn, wan Judas, we bin kɔmɔt Galili, bin de da tɛm we dɛn bin de rayt ɔl di pipul dɛn nem dɔng. Insɛf bin gɛt bɔku pipul biɛn am. Dɛn kil insɛf ɛn ɔl dɛn pipul we bin de biɛn am, rɔnawe. 38Na ɔl dis mek a de wɔn una naw mek una nɔ ambɔg dɛn man ya, una lɛf dɛn, bikɔs ɔl wetin dɛn mekɔp ɛn di wok we dɛn de du, go pwɛl, if nɔto Gɔd sɛn dɛn. 39Bɔt if dɛn de du wetin Gɔd want, una nɔ go ebul pwɛl di wok we dɛn de du, na Gɔd una go de fɛt!” 40Ɔl di pipul dɛn we bin de jɔj na di Ju gran kot tek Gameliɛl in wɔd. Dɛn mek di gyad dɛn bit di apɔsul dɛn ɛn wɔn dɛn nɔ fɔ tɔk bɔt Jizɔs wɛn dɛn de tɔk to di pipul dɛn, dɔn dɛn lɛf dɛn, mek dɛn go. 41Di apɔsul dɛn bin gladi bad wɛn dɛn de kɔmɔt na di Ju gran kot bikɔs dɛn bin no se Gɔd pik dɛn fɔ sɔfa fɔseka Jizɔs. 42Dɛn kin de go na Gɔd in Os ɛn dɛn kin de go na pipul dɛn os fɔ lan dɛn Gɔd in wɔd ɛn fɔ tɛl dɛn di Gud Nyus bɔt Jizɔs Krays.

will be added

X\