CHISƆSI 'A SƆ MƆƐ NU 27

1Wɛn dɛn gri fɔ mek wi go Itali, dɛn lɛf Pɔl ɛn sɔm ɔda jelman dɛn wit wan bigman fɔ dɛn soja man, we nem Julyɔs. Julyɔs na bin wan pan dɛn bigman fɔ di big king na Rom in soja man dɛn. 2Wi go tek big bot na Adra mitiɔm; di bot bin de go Eshya. Wi mit wan man na di bot we bin nem Ari stakɔs, na bin Masi do nya man bɔt i bin kɔmɔt Tɛsalonayka. 3Di ɔda de wi rich Saydɔn. Julyɔs bin gud to Pɔl so i kin lɛf Pɔl fɔ go fɛn in padi dɛn ɛn i kin mek dɛn gi Pɔl ɛni tin we i want. 4Wi nɔ te de wi kɔmɔt de, bɔt di briz bin plɛnti so di bot kɛr wi go di say we plɛnti briz nɔ de na Sayprɔs. 5Wi krɔs klos Sili shya ɛn Pamfi lya, go Mayra we de Laysia. 6Di soja man dɛn bigman si wan big bot we kɔmɔt Alɛgza ndria de go Itali so i mek wi go insay. 7Di bot bin de go slo, wi tek lɔng tɛm bikɔs di briz bin de blo tra nga wan, bɔt wi manej rich Nidɔs. Di briz nɔ mek wi ebul go usay wi bin want go, so wi go di say we plɛnti briz nɔ de na Krit we de klos Salmoni. 8I bin tra nga fɔ mek di bot muf, bɔt di bot pas klos di sho sote wi rich wan ples we nem Gud Abɔ, di ples bin de klos Laysia. 9Wi lib de lɔng, sote di tɛm we dɛn Ju pipul kin fas bin dɔn pas da ia de; bikɔs di wata bin tu rɔf fɔ mek ɛni bot muf. Pɔl bigin tɔk to di ɔda pipul dɛn na di bot. I se, 10“Mi padi dɛn, a si se plɛnti tin go pwɛl ɛn plɛnti pipul go sɔfa wɛn wi kɔmɔt ya bifo wi rich usay wi de go. Nɔto wi lod ɛn di bot nɔmɔ go pwɛl, bɔt wisɛf go lɔs wi layf.” 11Bɔt di soja man dɛn bigman nɔ tek wetin Pɔl se, i lisin to wetin di edman na di bot ɛn di man we gɛt di bot se. 12Di ples nɔ bin gud fɔ mek dɛn de de kol sizin, so plɛnti pipul se mek dɛn kɔmɔt de ɛn tray rich na wan abɔ na Krit we nem Finiks; if yu de luk di say we san de go dɔng na Krit, Finiks de midul yu lɛfan ɛn raytan. Na de dɛn bin want de te di kol sizin dɔn. 13Wɛn di briz nɔ bin plɛnti igen, dɛn bin min se di bot kin go, so dɛn lus di bot ɛn mek i pas klos di sho. 14I nɔ te igen, ɔda big big briz we dɛn kɔl “Nɔt-ista” (dat min “Briz we kɔmɔt di say we di san de kɔmɔt, na yu lɛfan”) 15I shek di bot tra nga wan. Dɛn tray fɔ lɛ di bot tɔn bak go Krit, bɔt di briz kɛr wi go. 16Wi rich na wan ples we de midul wata, we nem Kawda. Dɛn wi du sɔntin to di smɔl bot we bin tay pan di big bot mek i nɔ go brok, bɔt dat bin tra nga fɔ du. 17Dɛn drɔ di smɔl bot pantap, ɛn tek rop tay am rawnd di big bot fɔ mek i nɔ skata. Bɔt sansan bin pak na di wata, we bin de klos Libya, so dɛn fred se di big bot go fasin na di il dɛn we di sansan mek, so dat mek dɛn pul di sel mek di briz nɔ go kɛr di big bot go fa. 18Di bot bin de shek tumɔs na di briz so di ɔda de dɛn bigin trowe sɔm pan di lod na di wata. 19Di de we mek tri, wi bigin tek wi an pul sɔm dɛn tin lɛkɛ sel ɛn rop pan di big bot ɛn trowe dɛn na di wata. 20Wi de lɔng, wi nɔ si san, wi nɔ si sta. Di briz bin de big mɔ ɛn mɔ, so wi bin fil se wi go day. 21Ɔl di pipul dɛn na di bot bin de lɔng, dɛn nɔ it; Pɔl tinap wɛn dɛn ɔl gɛda ɛn se, “If una bin tek wetin a tɛl una, una nɔ bin fɔ kɔmɔt na Krit ɛn ɔl dis waala ɛn lɔsis nɔ bin fɔ mit wi. 22Bɔt naw a de beg una, mek una at nɔ pwɛl. Nɔbɔdi nɔ go day. 23Yɛstade nɛt, Gɔd we gɛt mi ɛn we a de pre to sɛn in enjɛl kam to mi. 24Di enjɛl se, ‘Pɔl, nɔ fred! Yu go tinap bifo di king na Rom; ɛn Gɔd dɔn se una ɔl go rich Rom ɛn nɔbɔdi nɔ go day.’ 25So, una nɔ mek una at pwɛl, a biliv se ɔl wetin Gɔd dɔn tɛl mi, go bi. 26Bɔt di big bot go drif go na wan ples we de midul wata.” 27Di de we mek fotin, na nɛt, di bot bin de drif na di big wata we nem Edria. Midul nɛt, di man dɛn we bin de wok na di big bot tink se wi dɔn rich klos sho. 28So dɛn mɛnshɔ di wata, dɛn si se na wan ɔndrɛd ɛn twɛnti fut di wata go dɔng. Di bot go bifo say lili bit, dɔn dɛn mɛnshɔ di wata igen, dɛn si se na naynti fut di wata go dɔng. 29Di man dɛn we bin de wok na di bot bin de fred se di bot go go pantap dɛn big ston. Dɛn tay fo ebi ayɛn, dɔn dɛn tinap biɛn di big bot ɛn sɛn di ayɛn dɛn insay di wata so dat di big bot nɔ go drif. Dɛn pre fɔ mek do klin. 30Sɔm pan di man dɛn we bin de wok na di big bot bin want rɔnawe. So dɛn put di smɔl bot we bin de insay di big bot na di wata ɛn mek lɛkɛ se dɛn de go put di anka frɔnt di big bot. 31Pɔl tɛl di soja man dɛn bigman ɛn di ɔda soja man dɛn se, “If dɛn pipul ya kɔmɔt insay di big bot, una go day!” 32So di soja man dɛn kɔt di rop dɛn we dɛn bin tek tay di smɔl bot ɛn mek i fɔdɔm na di wata. 33Bifo do klin, Pɔl tɛl di man dɛn fɔ it, i se, “Tide mek fotin de we una de wet ɛn una nɔ it natin. 34Duya, una it so dat una go gɛt trɛnk. Natin nɔ go du una.” 35Wɛn Pɔl dɔn tɔk dɔn, i tek bred bifo ɔlman, i tɛl Gɔd tɛnki, i kɔt di bred, it am. 36Dat kɔrej di ɔda pipul dɛn so dɛnsɛf it lili bit. 37Na wi tu ɔndrɛd ɛn sɛvi nti-siks bin de insay di big bot. 38Wɛn ɔlman dɔn it te dɛn sati sfay, dɛn trowe ɔl di kɔn na wata fɔ mek di big bot go layt. 39Wɛn do klin, wi si di ples, bɔt nɔbɔdi nɔ bin no ɛni tin bɔt am, bɔt dɛn si wan be we gɛt bich we dɛn tink se di big bot kin go insay. 40Dɛn kɔt di anka dɛn ɛn lɛf dɛn midul di wata. Dɛn lus di rop we bin tay di padul dɛn we bin de stia di bot ɛn es di big sel ɔp so dat di briz go kɛr di big bot go na sho. 41Bɔt di bot go fasin na di il we di sansan mek ɔnda di wata; di frɔnt pat na di big bot fasin, so di swɛlin dɛn na di wata brok di bak pat pan di bot. 42Di soja man dɛn go ɛng ed fɔ kil di jelman dɛn fɔ mek dɛn nɔ go swim ɛn rɔnawe go. 43Bɔt di soja man dɛn bigman nɔ bin want mek dɛn kil Pɔl, so i nɔ gri mek di soja man dɛn kil di jelman dɛn. I tɛl dɛn wan we sabi swim fɔ jomp na di wata ɛn swim go na di sho. 44Di ɔda pipul dɛn swim pan bod ɛn dɛn pat we brok pan di big bot. Na so dɛn du sote dɛn ɔl rich na di sho, natin nɔ du dɛn.

will be added

X\