CHISƆSI 'A SƆ MƆƐ NU 25

1Wɛn Fɛstɔs bi gɔvna, di de we mek fo, i kɔmɔt Siza ria go Jerusɛlɛm. 2Dɛn bigman we de mek sakri fays fɔ pipul sin ɛn dɛn Ju bigman dɛn go mit Fɛstɔs. Dɛn tɛl am bad tin dɛn bɔt Pɔl. Dɛn bin want mek dɛn bring Pɔl kam bak na Jerusɛlɛm, bikɔs dɛn bin dɔn bagin fɔ kil am na rod. 4Fɛstɔs tɛl dɛn se, “Dɛn dɔn kip Pɔl na di jel we de na Siza ria. A nɔ de te naya, a go go de bak. 5If Pɔl du una bad, una mɔs kam wit una bigman dɛn mek wi tɔk di kes.” 6Fɛstɔs nɔ tek pas tɛn de na Jerusɛlɛm bifo i go bak na Siza ria. Di ɔda de i go kot fɔ jɔj kes; i mek dɛn bring Pɔl kam bifo am. 7Wɛn Pɔl rich insay di kot, di Ju pipul dɛn we bin kɔmɔt Jerusɛlɛm go tinap rawnd am. Dɛn tɔk se Pɔl du plɛnti bad tin, bɔt dɛn nɔ bin ebul pruv se na tru dɛn de tɔk. 8Pɔl tray fɔ sho se na lay dɛn lay pan am, i se, “A nɔ du ɛni tin we di Ju Lɔ se wi nɔ fɔ du, a nɔ du ɛni tin bad na Gɔd in Os, ɛn a nɔ du ɛni tin we di Roman lɔ se wi nɔ fɔ du.” 9Fɛstɔs bin want fɔ mek di Ju pipul dɛn lɛk am so i aks Pɔl se, “Yu go want lɛ dɛn kɛr yu go Jerusɛlɛm, mek a go tɔk di kes de?” 10Pɔl ansa am se, “Naya dɛn fɔ jɔj mi bikɔs na di king na Rom in kot dis. Yusɛf dɔn si se a nɔ du di Ju pipul dɛn bad. 11If a brok di lɔ ɔ if a du ɛni tin we fɔ mek dɛn kil mi, a nɔ go se mek una nɔ kil mi. Bɔt if wetin dɛn pipul ya tɔk bɔt mi nɔto tru, nɔbɔdi nɔ fɔ lɛf mi na dɛn an. A want mek una kɛr mi go bifo di king na Rom insɛf.” 12Wɛn Fɛstɔs dɔn ɛng ed wit di bigman dɛn na di kot, i se, “Ɛnti yu dɔn se yu want go bifo di king na Rom, a go sɛn yu go to am.” 13I nɔ tu te afta dat, King Agripa ɛn Bana ysi kam na Siza ria. Dɛn bin kam tɛl Fɛstɔs adu. 14Wɛn dɛn bin dɔn de de lɔng lili bit, Fɛstɔs tɛl King Agripa bɔt Pɔl; i se, “Wan man de ya we Filiks bin lɛf na jel. 15Wɛn a bin go Jerusɛlɛm, dɛn bigman we de mek sakri fays fɔ pipul sin ɛn di ɔda Ju bigman dɛn tɛl mi se di man du bad, ɛn dɛn bin want mek a kɔndɛm am. 16Bɔt a tɛl dɛn se nɔto so di Roman dɛn de du; wi nɔ de jɔj pɔsin if wi nɔ dɔn gi am chans fɔ mit dɛn wan we se i du bad ɛn tɔk if insɛf gri wit di tin we dɛn se i du. 17Wɛn ɔl di pipul dɛn we ol Pɔl kam, a nɔ dile; a go na di kot ɛn mek dɛn bring Pɔl, dɛn a sidɔm fɔ tɔk di kes. 18Wɛn di pipul dɛn we ol am tinap fɔ tɔk, dɛn nɔ tɔk ɛni tin bad bɔt am lɛkɛ aw a bin min se dɛn go tɔk. 19Ɔl wetin dɛn bin de tɔk bɔt na bɔt aw pɔsin fɔ pre to Gɔd ɛn bɔt wan man we nem Jizɔs we bin dɔn day, bɔt we Pɔl se de layf wan naw. 20A nɔ bin no aw fɔ jɔj di kes; na dat mek a aks Pɔl if i want go Jerusɛlɛm fɔ mek dɛn go jɔj am de. 21Bɔt Pɔl aks dɛn se mek dɛn kip am sote King Ɔgɔstɔs de jɔj, bifo dɛn kɔl in kes bak. So a tɛl dɛn mek dɛn gyad am sote a ebul sɛn am go to di king na Rom.” 22Agripa tɛl Fɛstɔs se, “A go want tɔk to dis man.” Fɛstɔs ansa am se, “Yu go tɔk to am tumara.” 23Di ɔda de, Agripa ɛn Bana ysi go na di ples we pipul de gɛda ɛn ɔl di pipul dɛn du plɛnti tin fɔ sho se dɛn rɛspɛkt dɛn. Agripa dɛn go insay di ples wit dɛn edman fɔ dɛn soja man ɛn dɛn bigman na di tɔng. Fɛstɔs tɛl dɛn fɔ bring Pɔl kam bifo dɛn. 24Fɛstɔs se, “King Agripa ɛn ɔlman we de ya; una si dis man, na in dɛn Ju pipul na Jerusɛlɛm ɛn dɛn Ju we de naya de kɔmplen to wi bɔt. Dɛn ɔl de ala se i fɔ day. 25Bɔt a nɔ si ɛni tin we i du we fɔ mek dɛn kil am. Insɛf dɔn se in want fɔ go to di king na Rom, so a dɔn gri fɔ sɛn am go de. 26Bɔt a nɔ gɛt natin fɔ rayt to di king na Rom bɔt dis kes. A dɔn bring am kam bifo yu, king Agripa ɛn una ɔl, so wɛn una dɔn kwɛshɔn am dɔn, a go gɛt sɔntin fɔ rayt to di king na Rom. 27Bikɔs i nɔ go fayn fɔ mek a sɛn jelman go to di king na Rom if a nɔ ebul tɛl am wetin di jelman du.”

will be added

X\