CHISƆSI 'A SƆ MƆƐ NU 24

1Wɛn fayv de dɔn pas, di edman fɔ dɛn man we de mek sakri fays fɔ pipul sin we bin nem Ana na yas, sɔm bigman dɛn, ɛn wan lɔya we bin nem Tatɔlɔs rich na Siza ria. Dɛn go na di kot go tɛl Gɔvna Filiks wetin Pɔl du. 2Dɛn tɛl Tatɔlɔs fɔ tɔk, na in i se, “Gɔvna Filiks, bikɔs yu na bigman we gɛt sɛns, na dat mek di kɔntri gɛt kol at ɔl dis tɛm. Yu dɔn du plɛnti gud wok na di kɔntri so dat bɛtɛ go fala wi. 3Wi gladi fɔ wetin yu dɔn du ɛn wi tɛl yu plɛnti tɛnki. 4A nɔ want wes yu tɛm so a de beg yu mek yu lisin wetin a de kam tɔk fɔ misɛf ɛn mi kɔmpin dɛn. 5Wi dɔn fɛnɔt se dis man ya na pɔsin we de sɛtfaya na di kɔntri, i de mek dɛn Ju pipul strayk ɔlsay na di wɔl ɛn in na di lida fɔ di grup we dɛn kɔl Naza rin. 6Wan ɔda tin, sa, dis man ya bin want pwɛl Gɔd in Os bay di wɔd dɛn we i de tɔk. Wi kech am, [ɛn wi bin want jɔj am lɛkɛ aw wi Ju Lɔ se, 7bɔt di soja man dɛn edman, Lisias kam jɔg am kɔmɔt na wi an. 8Dɔn i tɛl wi fɔ kam tɛl yu di kes.] If yu aks am, yu go no se ɔl wetin wi dɔn tɔk bɔt am na tru.” 9Di Ju pipul dɛnsɛf tɔk di sem tin bɔt Pɔl. 10Wɛn di gɔvna gi Pɔl chans fɔ tɔk, na in Pɔl se, “A no se i dɔn te we yu de jɔj pipul na dis kɔntri so a gladi we yu gi mi chans fɔ tɔk. 11If yu aks, yu go no se, a bin go Jerusɛlɛm fɔ go pre na Gɔd In Os ɛn frɔm di de we a go de, tide mek twɛlv de nɔmɔ. 12Di Ju pipul dɛn nɔ bin mit mi de agyu wit ɛnibɔdi na Gɔd in Os, dɛn nɔ mit a de sɛtfaya na di Ju mitin os, ɛn dɛn nɔ mit a de sɛtfaya ɛni say na di tɔng. 13Dɛn nɔ go ebul pruv se wetin dɛn de tɔk bɔt mi na tru. 14A gri se a de fala di nyu We wɛn a de pre to di Gɔd we wi gra npapa-papa dɛn bin de pre to, pan ɔl we di Ju pipul dɛn se dis We ya nɔ rayt. A biliv ɔl wetin de na di Lɔ we Gɔd bin gi Mozis ɛn ɔl wetin dɛn prɔfɛt bin rayt. 15A biliv lɛkɛ aw dɛnsɛf biliv se Gɔd go mek ɔlman, gud ɔ bad, rayz frɔm dɛn grev. 16So a de tray ɔltɛm mek mi at klin bifo Gɔd ɛn bifo mɔta lman. 17“Afta sɔm ia bin dɔn pas we a nɔ go Jerusɛlɛm, a bin go de fɔ kɛr sɔm mɔni we dɛn gi mi fɔ gi mi Ju pipul dɛn ɛn fɔ mek sakri fays to Gɔd. 18Na di sakri fays a bin de mek we sɔm pipul dɛn kam mit mi na Gɔd in Os. A bin dɔn du di tin we fɔ mek a klin na Gɔd yay. Dɛn nɔ mit pipul gɛda to mi ɛn wan ala-ala nɔ bin de. 19Bɔt sɔm Ju pipul dɛn we kɔmɔt Eshya bin lib de; mek dɛnsɛf kam tɛl yu if na tru dɛn pipul ya de tɔk bɔt mi ɛn if a du dɛn ɛni tin we bad. 20Aks dɛn pipul ya we gɛda so if dɛn bin fɛn ɛni bad tin we a du wɛn dɛn bin jɔj mi na dɛn Ju gran kot. 21Wɛn dɛn bin de jɔj mi, dɛn nɔ fɛn natin pas we a tɔk se, ‘Una de jɔj mi bikɔs a biliv se wɛn pɔsin dɔn day, i go rayz frɔm in grev!’ ” 22Gɔvna Filiks bin no bɔt di Masta in We so i se, “A go kɔl di kes wɛn di soja dɛn edman, Lisias kam.” 23So i tɛl di soja dɛn bigman fɔ go put Pɔl bak na sɛl, bɔt i se mek i nɔ tek Pɔl lɛkɛ jelman ɛn mek i nɔ tap Pɔl in padi dɛn fɔ kɛr wetin i want go gi am. 24Tu-tri de pas, na in Filiks ɛn in Ju wɛf we bin nem Dru sila sɛn kɔl Pɔl. Dɛn lisin we Pɔl de tɔk bɔt wetin fɔ biliv pan Krays Jizɔs min. 25Wɛn Pɔl tɔk bɔt wetin dɛn min wɛn dɛn se pɔsin gud, aw pɔsin fɔ kɔntrol insɛf, ɛn di de we Gɔd go jɔj ɔlman fɔ di gud ɛn bad we dɛn du, Filiks fred; i se, “Pɔl, go fɔs. A go sɛn kɔl yu ɔda tɛm.” 26Filiks bin min se Pɔl go gi am kɔpɔ fɔ mek i fri am. Na dat mek i bin de sɛn kɔl Pɔl plɛnti tɛm fɔ tɔk to am. 27Wɛn tu ia dɔn pas, Filiks kɔmɔt na pawa ɛn Pɔsiɔs Fɛstɔs tek in ples. Filiks bin want mek di Ju pipul dɛn lɛk am so i nɔ fri Pɔl bifo i go.

will be added

X\