CHISƆSI 'A SƆ MƆƐ NU 22

1I se, “Mi papa dɛn ɛn mi brɔda dɛn, una lisin mek a tɛl una wetin du una nɔ fɔ kɔndɛm mi!” 2Wɛn dɛn yɛri Pɔl de tɔk Ibru, di ples mek yeng. 3Pɔl se, “Mi na Ju man, a bɔn na Tasɔs we de na Sili shya. Dɛn mɛn mi na Jerusɛlɛm ɛn Gameliɛl na bin mi ticha. I tek tɛm fɔ lan mi di Lɔ we wi gra npapa-papa dɛn lɛf ɛn a gi misɛf fɔ wok fɔ Gɔd lɛkɛ una we de ya tide. 4A bin de biɛn dɛn pipul we de fala dis We sote a mek dɛn kil dɛn. A bin de ol man ɛn uman ɛn mek dɛn jel dɛn. 5Di bigman we de mek sakri fays fɔ pipul sin ɛn ɔl di bigman dɛn na di Ju gran kot kin tɛl una se na tru a de tɔk. Dɛn bin gi mi lɛta fɔ kɛr go gi mi Ju brɔda dɛn na Damaskɔs. A bin go de fɔ ol dɛn pipul we de fala dis We ɛn tay dɛn bring dɛn kam bak naya fɔ mek di bigman dɛn na di Ju gran kot mek dɛn sɔfa. 6“Wan santɛm we a bin de go Damaskɔs, a bin dɔn de rich, na in brayt layt we kɔmɔt ɔpklawd shayn pan mi. 7A fɔdɔm na grɔn, dɔn a yɛri wan vɔys de se, ‘Sɔl, Sɔl! Wetin mek yu de fɛt Mi so?’ 8A se, ‘Udat na yu, Masta?’ Di vɔys ansa se, ‘Mi na Jizɔs we kɔmɔt Nazarɛt, na Mi yu de fɛt.’ 9Di man dɛn we bin de wit mi si di layt bɔt dɛn nɔ yɛri di vɔys we bin de tɔk to mi. 10A se, ‘Masta, wetin a fɔ du?’ Di Masta ansa mi se, ‘Grap, go Damaskɔs, na de dɛn go tɛl yu ɔltin we Gɔd want yu fɔ du.’ 11Di layt bin mek a blɛn, na mi kɔmpin dɛn ol mi an kɛr mi go insay Damaskɔs. 12“Wan man bin de na di tɔng we bin nem Ana na yas, na man we bin fred Gɔd, i bin de du wetin di Ju Lɔ se ɛn ɔl dɛn Ju na Damaskɔs bin rɛspɛkt am. 13I kam tinap klos mi ɛn se, ‘Mi brɔda, Sɔl, opin yu yay mek yu si bak!’ Wantɛm mi yay opin ɛn a si am. 14I se, ‘Da Gɔd we wi gra npapa-papa dɛn bin de pre to dɔn pik yu fɔ mek yu no wetin i want yu fɔ du, ɛn mek yu go si di wan gren Pɔsin we tret we de wok fɔ Gɔd, ɛn mek yu yɛri in vɔys wɛn i de tɔk to yu. 15Yu go de tɛl ɔlman wetin yu dɔn si ɛn wetin yu dɔn yɛri. 16Wetin yu de wet naw? Grap, mek dɛn baptayz yu, ɛn pre to di Masta mek Gɔd go pul yu pan di bad tin dɛn we yu de du.’ 17“A tɔn bak go Jerusɛlɛm ɛn wɛn a bin de pre, Gɔd sho mi sɔntin. 18A si di Masta; i tɛl mi se, ‘Go kwik, kɔmɔt na Jerusɛlɛm bikɔs di pipul dɛn naya nɔ go biliv wetin yu de tɛl dɛn bɔt mi.’ 19A se, ‘Masta, dɛn no se a bin de go na di Ju mitin os go ol dɛn pipul we biliv pan Yu ɛn bit dɛn. 20A bin de wɛn dɛn kil Sti vin, da man we bin de tɛl pipul bɔt yu. A bin gri fɔ mek dɛn kil am ɛn na mi bin kip di pipul dɛn we kil Sti vin, dɛn klos.’ 21Bɔt di Masta tɛl mi se, ‘Go, bikɔs a go sɛn yu to dɛn pipul we nɔto Ju.’ ” 22Di pipul dɛn nɔ tɔk natin sote Pɔl tɔk dɔn. Na in dɛn ala se, “Una kɛr am go kil am! Lɛ wi nɔ si am igen!” 23Di pipul dɛn bin de ala, shek dɛn klos, ɛn sɛn dɔti ɔp. 24Di edman fɔ di Roman soja man dɛn tɛl in soja man dɛn fɔ kɛr Pɔl go na barik, i mek dɛn bit Pɔl fɔ mek i tɔk if na tru wɔd di Ju pipul dɛn de ala tɔk bɔt am. 25Bɔt wɛn dɛn want bit am, dɛn tay am; na in Pɔl aks di soja man dɛn edman we bin tinap de se, “Di lɔ tɛl una se una kin bit pɔsin we na Roman wɛn una nɔ jɔj am yet?” 26Wɛn di bigman yɛri wetin Pɔl tɔk, i go aks di edman dɛn se, “Wetin una de du so? Dis man na Roman!” 27Na de di edman aks Pɔl se, “A want no if yu na Roman.” Pɔl ansa se, “Yɛs, mi na Roman.” 28Di edman se, “Na plɛnti kɔpɔ a pe fɔ mek a bi Roman.” Pɔl tɛl am se, “Bɔt mi mama na Roman; mi papa na Roman.” 29Di soja man dɛn we bin want bit Pɔl tɔn bak wantɛm. Dɛn edman fred wɛn i no se Pɔl na Roman bikɔs i bin mek dɛn tay am. 30Di edman bin want no if ɔl wetin di Ju dɛn bin de tɔk na tru. Di ɔda de i mek in soja man dɛn lus Pɔl, dɔn i kɔl dɛn bigman we de mek sakri fays fɔ pipul sin ɛn ɔl dɛn mɛmba na di Ju gran kot fɔ kam mit. Dɛn kɛr Pɔl go bifo dɛn.

will be added

X\