CHISƆSI 'A SƆ MƆƐ NU 20

1Wɛn di fɛt na Ɛfisɔs dɔn, Pɔl kɔl di Kristiɛn dɛn wan ples fɔ kɔrej dɛn ɛn tɛl dɛn se in de go. I lɛf dɛn go Masi do nya. 2I go ɔlsay na Masi do nya de tɔk plɛnti fɔ kɔrej di Kristiɛn dɛn, dɔn i go Gris. 3Pɔl tek tri mɔnt de. I bin want go Sirya bɔt i yɛri se di Ju pipul dɛn de mek bagin fɔ kech am so i go bak na Masi do nya. 4Di pɔsin we fala Pɔl go na Sɔpata we kɔmɔt Biria. Sɔpata na bin Pirɔs in pikin. Di ɔda pipul dɛn we bin go wit Pɔl na Ari stakɔs ɛn Sikundɔs, we kɔmɔt Tɛsalonayka; Geyɔs we kɔmɔt Dabi; Timoti; ɛn Taychikɔs ɛn Trɔfimɔs we kɔmɔt Eshya. 5Dɛn bin go wet wi na Troas. 6Wɛn da Ju ɔlide we dɛn kin it bred we nɔ gɛt yist, dɔn, wi tek big bot na Fili pay. Na fayv de wi tek bifo wi rich Troas ɛn wi mit di ɔda pipul dɛn de. Na wan wik wi de na Troas. 7Di fɔs de na di wik, wi gɛda wan ples fɔ it. Pɔl tɔk to di pipul dɛn na Troas sote midul nɛt bikɔs i bin gɛt fɔ go di ɔda de. 8Plɛnti lamp bin de na di rum we wi bin de ol di mitin. Di rum bin de na wan garɛt. 9Wan yɔngman we bin nem Yutikɔs bin sidɔm na di winda. Pɔl bin de tɔk wɛn slip kech Yutikɔs. I slip go, na in i fɔdɔm kam dɔng na grɔn. Di os na bin tri stori os. Yutikɔs bin dɔn day wɛn dɛn go es am. 10Bɔt Pɔl go mit Yutikɔs, i ledɔm pan am ɛn grip am, dɔn i se, “Una nɔ wɔri, i gɛt layf!” 11Pɔl go bak na di garɛt, i sheb di bred ɛn ɔlman it. I tɔk to di Kristiɛn dɛn sote do klin, bifo i lɛf dɛn go. 12Di pipul dɛn we bin de lisin Pɔl fala Yutikɔs wɛn i de go na in os ɛn dɛn ɔl gladi. 13Wi tek big bot we kɛr wi go Asɔs, Pɔl bin se na Asɔs i go kam na di bot, bikɔs i bin want waka go Asɔs. 14Wɛn Pɔl mit wi na Asɔs, i kam na di bot, dɛn wi go Miti lini. 15Wi kɔmɔt de; di ɔda de wi rich na wan tɔng klos Kiɔs, di nɛks de wi go Samɔs, dɛn di ɔda de wi go Maylitɔs. 16Pɔl nɔ bin mek di big bot tap na Ɛfisɔs bikɔs i nɔ bin want wes tɛm na Eshya. I bin de tray fɔ rich Jerusɛlɛm fɔ mit ɔp di tɛm we di Kristiɛn dɛn de mɛmba Pɛntikɔst, di de we Gɔd bin gi dɛn in Spirit. 17Wɛn Pɔl bin de na Maylitɔs, i sɛn mɛsej go Ɛfisɔs fɔ mek di chɔch bigman dɛn kam mit am na Maylitɔs. 18Wɛn di chɔch bigman dɛn rich Maylitɔs, i tɛl dɛn se, “Una no aw a bin de du frɔm di de we a rich Eshya. 19Una no se a nɔ bin de bost we a de wok fɔ di Masta. Plɛnti tɛm dɛn Ju pipul kin mek mi at pwɛl ɛn a kin sɔfa wɛn dɛn kin de mek bagin fɔ du mi bad. 20Una no se a dɔn tɛl una ɔltin we fɔ ɛp una. A bin de lan una na di ples we ɔlman kin gɛda, ɛn a bin de lan una na una yon os. 21Una no se a bin de tɛl dɛn Ju pipul ɛn dɛn Grik pipul fɔ lɛf fɔ du dɛn bad tin we dɛn bin de du ɛn kam to Gɔd ɛn biliv pan wi Masta Jizɔs. 22Naw, a de go Jerusɛlɛm fɔ du wetin Gɔd in Spirit tɛl mi fɔ du. A nɔ no wetin dɛn go du mi wɛn a rich de. 23A no se ɛni say we a go, Gɔd in Spirit de tɛl mi se dɛn go sɛn mi go jel ɛn dɛn go mek plɛnti trɔbul mit mi. 24A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyus bɔt aw Gɔd gud ɛn aw i lɛk mɔta lman. 25“A dɔn go to una ɔl fɔ tɛl una bɔt Gɔd in rul ɛn a no se una nɔ go si mi igen. 26So tide a de tɛl una se una fɔ blem unasɛf if Gɔd kɔndɛm una mek una day. 27Una no se a nɔ kin ayd natin wɛn a de tɛl una ɔl wetin Gɔd go du. 28Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul. 29A no se wɛn a lɛf una go, sɔm pipul we nɔ go de tɔk tru go kam to una. Dɛn go du una lɛkɛ aw dɛn bad wulf kin du ship. 30Tɛm de kam we sɔm pan unasɛf go de tɔk bad fɔ mek di Kristiɛn dɛn kɔmɔt na di chɔch ɛn fala una. 31Una fɔ de wach fɔ dɛn pipul ya we de lay ɛn una fɔ de mɛmba aw a sɔfa de ɛn nɛt fɔ tri ia wɛn a bin de wit una de tɛl una wetin Gɔd se. 32“Naw a de lɛf una na Gɔd an ɛn a lɛf in wɔd we de tɔk bɔt aw Gɔd gud, gi una. Gɔd go ɛp una fɔ biliv pan Jizɔs gud gud ɛn I go gi una di blɛsin we i dɔn prɔmis fɔ gi dɛn pipul we biliv pan am. 33A nɔ bin put yay pan ɛnibɔdi prɔpati lɛkɛ silva, gold ɛn fayn klos. 34Unasɛf no se a wok wit mi an fɔ gɛt ɔl wetin wi fɔ gɛt. 35A dɔn sho una se ilɛk aw tin tan una fɔ wok tra nga lɛkɛ mi fɔ ɛp dɛn pipul we nɔ gɛt. Una mɛmba wetin Masta Jizɔs insɛf tɔk wɛn i se, ‘Di pɔsin we de gi gɛt blɛsin pas di pɔsin we de gɛt.’ ” 36Wɛn Pɔl dɔn tɔk dɔn, di pipul dɛn ɔl nil dɔng ɛn pre. 37Dɛn ɔl bin de kray; dɛn go grip Pɔl ɛn kis am na in jɔ fɔ tɛl am gudbay. 38Di tin we mek dɛn sɔri pas ɔl na we i tɛl dɛn se dɛn nɔ go si am igen. Dɛn kɛr Pɔl na rod sote i rich na di big bot.

will be added

X\