CHISƆSI 'A SƆ MƆƐ NU 2

1Di de we dɛn kɔl Pɛntikɔst, we na di de we mek fifti frɔm di tɛm we dɛn mek di Ju ɔlide we dɛn kɔl Pasova, ɔl dɛn pipul we bin biliv pan Jizɔs bin gɛda wan ples fɔ pre. 2Wantɛm, dɛn yɛri nɔys lɛkɛ big briz de blo ɛn di nɔys bin de ɔlɔbɔt insay di os we dɛn bin de. 3Dɛn si tin dɛn lɛkɛ lili lili faya na di ples we dɛn bin de, ɛn di lili lili faya dɛn kam pan dɛn ɔl. 4Gɔd in Spirit kam insay dɛn ɔl we bin lib de ɛn mek dɛn ɔl bigin tɔk langwej we dɛn nɔ lan; ɛni tin we Gɔd in Spirit want mek dɛn tɔk, na in dɛn tɔk. 5Ɔl dɛn Ju pipul we fred Gɔd, we kɔmɔt ɔlɔbɔt na dɛn ɔda kɔntri, bin de na Jerusɛlɛm da tɛm de. 6Wɛn dɛn yɛri di briz de blo na di os, big big krawd kam gɛda de luk; dɛn mɔt ful wɛn dɛn ɔl yɛri dɛn pipul we biliv Jizɔs de tɔk dɛn difrɛn difrɛn langwej. Ɔlman yɛri pipul de tɔk in yon langwej. 7Di pipul dɛn ɔl wɔnda, dɛn mɔt ful; dɛn se, “Dɛn man ya we wi de yɛri so, nɔto Galili dɛn kɔmɔt? 8Aw wi yɛri dɛn de tɔk dɛn difrɛn difrɛn langwej we wi de tɔk sins wi bɔn? 9Sɔm pan wi kɔmɔt Patia, Midya, Ilam, Mɛso po te mya, Judia, Kapa do shya, Pɔntɔs, ɛn Eshya. 10Sɔm pan wi kɔmɔt Fri jya, Pamfi lya, Ijipt ɛn ɔlsay na Libya we de klos Sayrini; sɔm pan wi kɔmɔt Rom. 11Wi ɔl miks: Ju pipul ɛn dɛn pipul we gri fɔ tɔn to Ju, ɛn sɔm pan wi kɔmɔt Krit ɛn Are bia; bɔt pan ɔl dat wi ɔl de yɛri dɛn pipul ya we kɔmɔt Galili de tɔk na wi yon difrɛn langwej dɛn bɔt dɛn big wok we Gɔd de du.” 12Di pipul dɛn bin wɔnda, dɛn nɔ bin no wetin de bi, so dɛn bigin fɔ aks dɛn kɔmpin se, “Wetin dis min?” 13Bɔt sɔm pan dɛn bin de laf, de tɔk se, “Dɛn man ya dɔn drɔnk!” 14Wɛn dɛn tɔk so, na in Pita ɛn di ɔda ilɛvin apɔsul dɛn tinap; Pita bigin fɔ tɔk to di pipul dɛn lawd wan. I se, “Mi Ju pipul dɛn ɛn una ɔl we de na Jerusɛlɛm, una lisin wetin a de kam tɛl una. 15Una de tɔk se dɛn man ya drɔnk, bɔt dɛn nɔ drɔnk, i jɛs nayn oklɔk na mɔnin. 16Na di tin dis we da prɔfɛt we nem Joɛl bin de tɔk bɔt wɛn i se: 17‘Gɔd se, “Na di tin dis we a go du wɛn di wɔl want dɔn, a go gi ɔlman mi Spirit. Una gyal pikin ɛn una bɔy pikin dɛn go tɛl pipul mi mɛsej; una yɔng man dɛn go si tin we a sho dɛn, ɛn una ol man dɛn go drim plɛnti tin. 18Yɛs, wɛn di wɔl want dɔn, a go gi ɔl dɛn wan we de du mi wok mi Spirit, ɛn dɛn go tɔk wetin go bi. 19A go sho sayn na di klawd ɛn ɔlsay na wɔl. Una go si blɔd, faya, ɛn plɛnti smok. 20Bifo di big de we di Masta go kam bak, di san go dak lɛkɛ nɛt ɛn di mun go rɛd lɛkɛ blɔd. 21Ɛn ɛnibɔdi we go kɔl di Masta go sev.” ’ 22“Una dɛn pipul na Izrɛl, una opin una yes gud ɛn lisin wetin a de tɔk. Jizɔs we kɔmɔt Nazarɛt na Man we Gɔd sɛn to wi.Unasɛf no bɔt ɔl dɛn tin ya bikɔs naya dɛn bi. 23Una sɛl Jizɔs gi dɛn wikɛd pipul. Gɔd bin dɔn no bɔt dat ɛn i bin dɔn gri fɔ mek dat bi. Una gi dɛn wikɛd pipul pawa fɔ nel Jizɔs na di krɔs. 24Bɔt Gɔd wek Jizɔs we bin dɔn day ɛn mek am rayz frɔm di grev; i nɔ mek day mek i sɔfa igen bikɔs day nɔ bin gɛt pawa fɔ mek i nɔ rayz igen. 25Devid bin tɔk bɔt Jizɔs se, ‘A de si mi Masta bifo mi ɔltɛm; i de wit mi, so a nɔ go wɔri. 26Na dat mek mi at gladi, ɛn a prez am wit mi mɔt. Pan ɔl we mi na mɔtalman, a de abop pan wetin Gɔd dɔn prɔmis. 27Yu nɔ go lɛf mi na grev; Yu nɔ go gri fɔ mek di wan we na yu yon ɛn we de wok fɔ yu rɔtin na di grev. 28Yu dɔn sho mi aw a go gɛt layf. We yu de wit mi, yu go mek a gladi.’ 29“Mi pipul dɛn, a de tɛl una tru wɔd bɔt Devid, we na wan pan wi gra npapa-papa dɛn. I day, dɛn bɛr am ɛn in grev de sote tide. 30We Devid na bin prɔfɛt, i bin no se Gɔd bin dɔn prɔmis am siryɔs wan se in go mek wan pan in gra npi kin-pi kin dɛn bi king lɛkɛ insɛf, ɛn dat na Krays. 31Devid bin dɔn no bifo di tin bi, na dat mek i tɔk bɔt aw di Mɛsaya go rayz frɔm di grev, i se, ‘Dɛn bɛr am, bɔt in bɔdi nɔ rɔtin.’ 32Gɔd dɔn mek Jizɔs rayz frɔm di grev ɛn wi, we na in apɔsul dɛn de tɛl una bɔt wetin bin bi we wisɛf si. 33Gɔd dɔn mek Jizɔs rayz frɔm di grev ɛn mek i sidɔm na in raytan. Papa Gɔd dɔn gi Jizɔs in Spirit we i bin prɔmis ɛn ɔl wetin una de si ɛn wetin una de yɛri, na Jizɔs de mek dɛn bi. 34Devid nɔ bin go ɔp na ɛvin, bɔt i tɔk se, ‘Gɔd tɛl mi Masta se, Kam sidɔm na mi raytan 35wet sote a mek dɛn pipul we nɔ lɛk yu kam ɔnda yu fut mek yu go mas dɛn.’ 36“Mek ɔlman na Izrɛl no se Gɔd dɔn mek Jizɔs we una bin nel na di krɔs, rayz frɔm di grev. Gɔd dɔn kɔl am di Masta ɛn di Mɛsaya!” 37Wɛn di pipul dɛn yɛri ɔl wetin Pita tɔk, dɛn at kɔt; dɛn aks Pita ɛn di ɔda apɔsul dɛn se, “Wi brɔda dɛn, wetin wi fɔ du?” 38Pita ansa dɛn se, “Una ɔl fɔ lɛf dɛn bad tin we una de du ɛn kam to Gɔd. Mek dɛn baptayz una wit Jizɔs Krays in nem; Gɔd go padin una fɔ di bad tin dɛn we una de du ɛn i go gi una in Spirit. 39Di prɔmis we Gɔd bin prɔmis, na fɔ una, fɔ una pikin dɛn, fɔ ɔl dɛn wan we nɔ bɔn yet, ɛn ɔl dɛn pipul we Gɔd dɔn kɔl fɔ kam to am.” 40Pita tɔk to dɛn ɛn wɔn dɛn se, “Una du dɛn tin we go mek una nɔ sɔfa, lɛkɛ aw dɛn wikɛd pipul na dis neshɔn go sɔfa.” 41Plɛnti pipul we yɛri wetin Pita tɔk biliv pan Jizɔs ɛn di apɔsul dɛn baptayz tri tawzin pipul. 42Di apɔsul dɛn bin de lan dɛn Gɔd in wɔd. Dɛn bin de lɛkɛ brɔda ɛn sista ɛn dɛn bin de it ɛn pre na wan ples. 43Wit Gɔd in pawa di apɔsul dɛn bin de du big ɛn wɔnda ful tin dɛn we bin de mek ɔlman wɔnda. 44Ɔl dɛn pipul we bin biliv pan Jizɔs bin de na wan ples wit wan at ɛn ɔlman bin de bring wetin i gɛt fɔ sheb am. 45Sɔm pipul sɛl dɛn prɔpati ɛn sheb di kɔpɔ mek ɔlman gɛt wetin i want. 46Di pipul dɛn kin mit na Gɔd in Os ɔltɛm fɔ pre ɛn wɛn dɛn dɔn, dɛn kin go na dɛn kɔmpin os fɔ it, ɛn ɔlman kin gladi fɔ sheb in it wit in kɔmpin. 47Dɛn kin de prez Gɔd, ɛn pipul bin rɛspɛkt dɛn. Masta Jizɔs mek mɔ ɛn mɔ pipul we fɔ sev, biliv pan am.

will be added

X\