CHISƆSI 'A SƆ MƆƐ NU 18

1Wɛn Pɔl kɔmɔt Atɛns, i go Kɔrint. 2Pɔl mit wan Ju man we bin nem Akwila. Akwila bin bɔn na wan kɔntri na Rom we nem Pɔntɔs. Akwila ɛn in wɛf Prisila bin jɛs kɔmɔt Itali bikɔs di king na Rom we nem Klɔdiɔs bin pas lɔ we mek dɛn drɛb ɔl dɛn Ju pipul kɔmɔt na Rom. So Pɔl go luk Akwila ɛn Prisila. 3I bin tap to dɛn, ɛn dɛn ɔl bin de wok wan ples. Na tɛnt Pɔl bin de mek we i bin de sɛl fɔ gɛt mɔni fɔ manej in layf. Na di sem wok Akwila dɛn bin de du. 4Pɔl kin go na di Ju mitin os ɔl dɛn de we fɔ pre ɛn blo go tɔk to dɛn Ju ɛn dɛn Grik pipul, ɛn tray fɔ sho dɛn se na tru wɔd in de tɔk. 5Wɛn Saylas ɛn Timoti rich Masi do nya, Pɔl lɛf fɔ mek tɛnt, i tek ɔl in tɛm de tɛl pipul wetin Jizɔs se, ɛn ɛksplen gud se Jizɔs na di Mɛsaya. 6Di pipul dɛn nɔ bin gri tek wetin Pɔl tɛl dɛn ɛn dɛn bin de tɔk bad bɔt am, so Pɔl shek in klos pan dɛn fɔ sho se in nɔ gri wit dɛn. I tɛl dɛn se, “Una fɔ blem unasɛf fɔ wetin go bi to una if Gɔd kɔndɛm una! Nɔto mi go gɛt di blem; frɔm tide a de lɛf una; a de go tɛl dɛn pipul we nɔto Ju bɔt Gɔd.” 7So, Pɔl lɛf di Ju pipul dɛn; i go tap to wan man we nɔto bin Ju, i bin nem Taytiɔs Jɔstɔs; na pɔsin we bin fred Gɔd. In os bin de klos di Ju mitin os. 8Di edman na di Ju mitin os we bin nem Krispɔs bin biliv pan di Masta. Krispɔs ɛn di pipul dɛn we bin de na in os, ɛn plɛnti ɔda pipul we bin de na Kɔrint yɛri wetin Pɔl tɔk; dɛn biliv am ɛn mek i baptayz dɛn. 9Wan nɛt, Gɔd sho Pɔl sɔntin; i tɛl am se, “Nɔ fred, yu nɔ fɔ taya fɔ tɔk di mɛsej we a tɛl yu fɔ tɔk, 10bikɔs a de wit yu. Nɔbɔdi nɔ go ebul fɔ du yu bad. Plɛnti pipul na dis tɔng de fɔ mi.” 11Pɔl tap na di tɔng wan ia ɛn siks mɔnt de lan di pipul dɛn wetin Gɔd se. 12Di tɛm we Galio na bin di Roman gɔvna na Gris, ɔl di Ju pipul dɛn gɛda, dɛn ol Pɔl ɛn kɛr am go kot fɔ mek di gɔvna jɔj am. 13Dɛn tɛl di gɔvna se, “Dis man de tray fɔ lan wi pipul dɛn bɔt di Ju dɛn Gɔd ɛn dat mek dɛn nɔ de kip wi Roman lɔ.” 14Pɔl bin want tɔk, na de Galio tɛl di Ju pipul dɛn se, “If Pɔl bin du ɛni bad tin, a bin fɔ lisin una. 15Bɔt we una jɛs de tɔk bɔt wan wan wɔd dɛn, difrɛn, difrɛn nem dɛn, ɛn una yon Ju Lɔ, a nɔ go jɔj am. Una go jɔj am to unasɛf.” 16I drɛb dɛn kɔmɔt na di kot. 17Dɛn ol Sɔsti nis we na bin di edman na di Ju mitin os ɛn bit am bifo di kot. Bɔt dat nɔ shek Galio. 18Pɔl bin de wit di Kristiɛn dɛn na Kɔrint, i bin te de. Pɔl, Akwila, ɛn Prisila dɛn kɔmɔt Kɔrint go Sirya; na bot kɛr dɛn go. Bifo Pɔl lɛf fɔ go, i prɔmis Gɔd fɔ du sɔntin na Sɛnkria so i kɔt in ia na in ed lɛkɛ aw dɛn Ju pipul kin du wɛn dɛn prɔmis Gɔd fɔ du sɔntin. 19Wɛn dɛn rich Ɛfisɔs, Pɔl lɛf Akwila ɛn Prisila na di tɔng, i go na di Ju mitin os fɔ rizin wit di Ju pipul dɛn. 20Dɛn beg Pɔl fɔ de lɔng wit dɛn, bɔt Pɔl nɔ gri. 21Wɛn Pɔl want go, i tɛl dɛn se, “If Gɔd gri, a go kam bak to una.” So i go tek bot ɛn kɔmɔt na Ɛfisɔs. 22Wɛn Pɔl rich Siza ria, i pas na Jerusɛlɛm fɔ tɛl di Kristiɛn dɛn adu, dɔn i go Antiɔk. 23I nɔ te na Antiɔk. I go ɔlsay na Galeshya ɛn ɔlsay na Fri jya fɔ kɔrej di Kristiɛn dɛn mek dɛn go biliv pan Krays mɔ ɛn mɔ. 24Wan Ju man we bin nem Apɔlɔs bin go Ɛfisɔs. I bin bɔn na Alɛgza ndria. Na man we bin sabi tɔk ɛn i bin sabi wetin rayt na di Ju Lɔ buk. 25Dɛn bin dɔn lan am bɔt di Masta in We. Apɔlɔs bin gladi fɔ tɔk bɔt Jizɔs ɛn di tin dɛn we i bin de lan di pipul dɛn na bin tru, bɔt na aw Jɔn de baptayz nɔmɔ i bin sabi. 26Apɔlɔs nɔ bin de fred fɔ tɔk to di pipul dɛn na di Ju mitin os. Wɛn Prisila ɛn Akwila yɛri wetin Apɔlɔs tɔk, dɛn kɛr am go na dɛn os ɛn dɛn tɛl am mɔ bɔt Gɔd yon We. 27Wɛn Apɔlɔs bin want fɔ go Gris, di Kristiɛn dɛn na Ɛfisɔs kɔrej am ɛn dɛn rayt lɛta to di Kristiɛn dɛn na Gris se, “Duya, una mek Apɔlɔs no se una gladi fɔ mit am wɛn i kam.” Wɛn Apɔlɔs rich Gris, i mit pipul we biliv pan Jizɔs fɔ we Gɔd gud to dɛn ɛn Apɔlɔs ɛp dɛn fɔ no mɔ bɔt Gɔd. 28Apɔlɔs bin de pul gud pɔynt dɛn na Gɔd in Buk fɔ sho di Ju pipul dɛn, na di ples we dɛn ɔl bin gɛda, se Jizɔs na di Mɛsaya.

will be added

X\