CHISƆSI 'A SƆ MƆƐ NU 12

1Wɛn ɔl dɛn tin ya bin de bi, na in King Ɛrɔd Agripa bigin mek dɛn Kristiɛn dɛn sɔfa bad bad. 2I mek dɛn tek sɔd kil Jems we na bin Jɔn in brɔda. 3Wɛn di king si se di Ju pipul dɛn gladi fɔ wetin i du, i du ɔda bad tin; i mek soja man dɛn ol Pita. Ɔl dis bi di tɛm we dɛn bin gɛt wan Ju ɔlide we dɛn kin it bred we nɔ gɛt yist. 4Wɛn dɛn ol Pita, dɛn put am na sɛl. Dɛn mek sikstin soja man dɛn de gyad am; di soja man dɛn bin de fo-fo we dɛn de gyad am. Ɛrɔd Agripa bin mekɔp fɔ lɛ dɛn jɔj Pita wɛn di Ju ɔlide we nem Pasova dɔn. 5Wɛn Pita bin de na sɛl, di Kristiɛn dɛn bin de pre fɔ am tra nga wan. 6Di nɛt bifo di mɔnin we Ɛrɔd bin mekɔp fɔ mek dɛn jɔj Pita, Pita bin de slip midul tu soja man dɛn. Dɛn bin tay am wit tu chen ɛn ɔda soja man dɛn bin tinap na di get de gyad di ples. 7Wantɛm, di Masta in enjɛl bɔs kam insay di sɛl ɛn brayt brayt layt shayn ɔlsay na di sɛl. Di enjɛl shek Pita in sho lda fɔ wek am. I se, “Pita, mekes grap!” Di chen dɛn pan Pita in an kɔt kɔmɔt. 8Di enjɛl tɛl Pita se, “Wɛr yu klos, tay yu bɛlt, ɛn wɛr yu sus. Kam lɛ wi go.” Pita du ɔl wetin di enjɛl tɛl am fɔ du. 9Pita fala di enjɛl kɔmɔt insay di sɛl. I nɔ bin no se na tru tin di enjɛl de tɛl am, i bin min se in de drim. 10Pita ɛn di enjɛl pas di gyad dɛn na di fɔs get, dɛn pas di sɛkɛn gyad dɛn na di ɔda get. Wɛn Pita ɛn di enjɛl rich na di big ayɛn get, di get opin fɔ insɛf. Pita ɛn di enjɛl kɔmɔt na do. Dɛn ɔl tu bin de waka go dɔng di trit; wantɛm, di enjɛl lɔs lɛf Pita in wan gren. 11Pita kechɔp se i nɔ bin de drim ɛn ɔl wetin bi na tru tin. I se, “A no naw se na tru tin dis we bi! Na di Masta sɛn in enjɛl fɔ kam pul mi kɔmɔt na Ɛrɔd in an ɛn fɔ mek di Ju pipul dɛn nɔ ebul du ɔl dɛn bad tin we dɛn bin want du mi.” 12Wɛn Pita no wetin bi, i go na Meri in os. Dis Meri ya na bin Jɔn Mak in mama. Pita mit plɛnti pipul de pre na di os. 13I nak na di do; wan uman we nem Roda we bin de wok de, kam fɔ opin di do. 14Wɛn i yɛri Pita in vɔys, i so gladi, i rɔn go bak, i fɔgɛt fɔ opin di do. I go tɛl di ɔda pipul dɛn se na Pita de nak. 15Di pipul dɛn se, “Roda, yu dɔn kres!” Bɔt i pin se na tru. Di pipul dɛn se, “Na Pita in enjɛl.” 16Pita bin stil de nak; wɛn dɛn opin di do, dɛn wɔnda fɔ si Pita. 17Pita mek sayn wit in an to dɛn fɔ mek dɛn sɛt mɔt, dɔn i tɛl dɛn aw di Masta pul am kɔmɔt na sɛl. Bifo Pita go, i tɛl di Kristiɛn dɛn fɔ tɛl Jems ɛn di ɔda Kristiɛn dɛn we nɔ bin de, wetin bi. 18Wɛn do klin, di gyad dɛn bigin de wɔri bad, dɛn bigin de aks dɛn kɔmpin se, “Wetin apin to Pita?” 19King Ɛrɔd Agripa tɛl dɛn fɔ go fɛn Pita, bɔt dɛn nɔ si am, so i kwɛshɔn di soja man dɛn we bin de gyad Pita, dɔn i mek dɛn kil dɛn. Wɛn dat dɔn, King Ɛrɔd kɔmɔt Judia go tap na Siza ria. 20Ɛrɔd bin vɛks bad pan dɛn pipul na Taya ɛn Saydɔn, so di pipul dɛn na dɛn tu tɔng de gɛda wan ples fɔ go tɔk to am. Di fɔs tin we dɛn du, dɛn mek wanwɔd wit di bigman we de luk ɔl di king in prɔpati. Dis man ya bin nem Blastɔs. Dɛn go to Ɛrɔd go beg am mek dɛn ɔl gɛt wanwɔd, bikɔs di it we dɛn bin de it bin de kɔmɔt na di kɔntri we Ɛrɔd bin de rul. 21Ɛrɔd pik wan de we i drɛs wit di klos dɛn we king de wɛr. I go sidɔm na di chia we i kin sidɔm pan fɔ rul, dɔn i bigin tɔk to di pipul dɛn we bin gɛda. 22Di pipul dɛn ala se, “I nɔ de tɔk lɛkɛ mɔta lman, i de tɔk lɛkɛ wan gɔd!” 23Di Masta in enjɛl kam put sik pan Ɛrɔd bikɔs i nɔ rɛspɛkt Gɔd; wɔrɔm it in bɔdi ɛn i day. 24Di Kristiɛn dɛn go ɔlɔbɔt de tɔk Gɔd in wɔd ɛn dat mek mɔ ɛn mɔ pipul biliv pan Gɔd. 25Banabas ɛn Sɔl kɛr di kɔpɔ go gi di chɔch bigman dɛn na Jerusɛlɛm. Wɛn dɛn de tɔn bak, dɛn kɛr Jɔn Mak go Antiɔk.

will be added

X\