CHISƆSI 'A SƆ MƆƐ NU 11

1Di apɔsul dɛn ɛn ɔl di pipul dɛn we bin biliv pan Jizɔs na Judia yɛri se dɛn pipul we nɔto Ju biliv Gɔd in wɔd. 2Dɛn Ju pipul we bin biliv pan Jizɔs tɔk pan Pita bikɔs i go Jerusɛlɛm. 3Dɛn se, “Pita go to dɛn pipul we nɔ sakɔmsayz ɛn it wit dɛn.” 4So Pita tɛl dɛn ɔl wetin bi frɔm fɔs to las. I se, 5“A bin de pre na wan tɔng we nem Jɔpa, na in Gɔd sho mi sɔntin. A si sɔntin we tan lɛkɛ big bedshit de kam dɔng. Di bedshit bin tay na di fo kɔna dɛn wit rop. I kɔmɔt ɔp na ɛvin kam dɔng klos mi. 6Wɛn a luk gud insay di bedshit, a si ɔl kayn tin dɛn fofut tin, dɛn tin lɛkɛ snek ɛn kondo, ɛn ɔl kayn bɔd dɛn. 7A yɛri vɔys de tɛl mi se, ‘Pita, grap; kil ɛni tin ɛn it am!’ 8Bɔt a ansa se, ‘Masta, nɔ, sa; wan de a nɔ it ɛni tin we dɔti ɔ we nɔ fayn fɔ it.’ 9Di vɔys tɔk bak se, ‘Ɛni tin we Gɔd dɔn se klin, yu nɔ fɔ se i dɔti.’ 10Di vɔys tɔk dis sem tin tri tɛm, na in ɔltin lɔs go bak na ɛvin. 11Di sem tɛm we dis tin bi, tri man dɛn we kɔmɔt Siza ria, kam na di os we wi bin de. 12Gɔd in Spirit tɛl mi mek a nɔ fred fɔ fala dɛn go. Siks pipul na Jɔpa we bin biliv pan Jizɔs fala mi go Siza ria na Kɔnilyɔs in os. 13Kɔnilyɔs tɛl mi se Gɔd sɛn wan enjɛl to am we tɛl am se, ‘Sɛn, kɔl wan man we nem Saymɔn Pita. I de na Jɔpa. 14I go kam tɛl yu aw yu ɛn ɔl yu fambul dɛn go sev.’ 15As a bigin fɔ tɔk so, Gɔd mek in Spirit kam pan dɛn pipul ya lɛkɛ aw i bin kam pan wi fɔstɛm. 16Dat mek a mɛmba wetin di Masta bin se, ‘Jɔn baptayz una wit wata bɔt Gɔd go baptayz una wit in Spirit.’ 17Na tru se Gɔd dɔn gi dɛn pipul we nɔto Ju di sem Spirit we i gi wi wɛn wi biliv pan Masta Jizɔs Krays. Udat na mi fɔ tɛl Gɔd se a nɔ go du wetin i tɛl mi fɔ du?” 18Wɛn dɛn yɛri wetin Pita tɔk, dɛn lɛf fɔ grɔmbul. Dɛn bigin prez Gɔd, dɛn se, “Gɔd dɔn gi dɛn pipul we nɔto Ju chans fɔ mek dɛn lɛf fɔ du dɛn bad tin we dɛn bin de du, so dat dɛn kin gɛt layf we go de sote go.” 19Wɛn dɛn bigman na Jerusɛlɛm kil Sti vin ɛn mek dɛn pipul we bin biliv pan Jizɔs Krays sɔfa, di pipul dɛn skata ɔlɔbɔt. Sɔm go Fini shya, sɔm go Sayprɔs, sɔm go Antiɔk. Bɔt na to dɛn Ju pipul dɛn nɔmɔ dɛn bin de tɔk bɔt Jizɔs. 20Sɔm pan di pipul dɛn we bin biliv pan Jizɔs bin de na Sayprɔs, sɔm bin de na Sayrini. Dɛn kɔmɔt Sayprɔs ɛn Sayrini go tap na Antiɔk ɛn dɛn tɛl dɛn Grik pipul dɛn bɔt di Masta, Jizɔs. 21Gɔd in pawa bin de pan dɛn, dat mek plɛnti pipul biliv pan Jizɔs ɛn tek Jizɔs fɔ dɛn Masta. 22Wɛn di nyus bɔt wetin bin de bi na Antiɔk rich Jerusɛlɛm, di pipul dɛn we bin biliv Jizɔs sɛn Banabas go luk wetin de bi. 23Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at. 24Banabas na bin gud man; Gɔd in Spirit bin de insay am ɛn i bin biliv Gɔd. Dat mek plɛnti pipul biliv pan di Masta. 25Banabas go Tasɔs fɔ go luk fɔ Sɔl. 26Wɛn i si Sɔl, i bring am kam na Antiɔk. Banabas ɛn Sɔl te na Antiɔk. Dɛn bin de mit wit di chɔch pipul dɛn fɔ lan dɛn, di pipul dɛn kin plɛnti. Antiɔk na di fɔs ples we dɛn bigin kɔl dɛn pipul we biliv pan Jizɔs, Kristiɛn. 27Da sem tɛm de, sɔm prɔfɛt dɛn bin kɔmɔt Jerusɛlɛm go Antiɔk. 28Wan pan dɛn prɔfɛt ya bin nem Agabɔs. Gɔd in Spirit bin tɛl am fɔ tɔk bɔt di bad angri we bin gɛt fɔ kam na wɔl. Dis bad angri bin kam da tɛm we Klɔdiɔs bin de rul na Rom. 29Jizɔs in lanin bɔy dɛn gri fɔ ɛp dɛn Kristiɛn na Judia. 30Dɛn gi Banabas ɛn Sɔl kɔpɔ fɔ kɛr go fɔ dɛn pipul na Jerusɛlɛm.

will be added

X\