CHISƆSI 'A SƆ MƆƐ NU 1

1Mista Tio filɔs, na di fɔs lɛta we a bin rayt yu, a bin tɔk bɔt ɔl wetin Jizɔs bin lan pipul frɔm di tɛm we i bigin in wok 2sote di de we Gɔd tek am go ɛvin. Bifo Jizɔs go ɛvin, Gɔd in Spirit we bin de pan am mek i tɛl dɛn apɔsul we i pik wetin dɛn fɔ du. 3Afta Jizɔs day, fɔ fɔti de i bin de sho insɛf to in apɔsul dɛn; ɛn bay aw i kin sho insɛf ɔltɛm, in apɔsul dɛn nɔ dawt se i bin stil de layf wan. Ɛnitɛm we Jizɔs sho insɛf to dɛn, i kin tɛl dɛn bɔt Gɔd in rul. 4Di tɛm we Jizɔs bin stil de wit dɛn, i bin tɛl dɛn fɔ du sɔntin; i bin se, “Una nɔ fɔ kɔmɔt na Jerusɛlɛm, una fɔ wet te una gɛt wetin mi Papa dɔn prɔmis una, we a bin dɔn tɛl una bɔt. 5Jɔn bin de baptayz pipul wit wata, bɔt i nɔ go te igen Gɔd go baptayz una wit in Spirit.” 6Wɛn di apɔsul dɛn bin gɛda na wan mitin, dɛn aks Jizɔs se, “Masta, na naw yu go mek di Izrɛl pipul dɛn rul bak?” 7Jizɔs ansa dɛn se, “Na mi Papa nɔmɔ gɛt rayt fɔ tɔk ustɛm ɔl dɛn tin de go bi, nɔto una. 8Wɛn Gɔd in Spirit kam pan una, i go gi una pawa fɔ mek una tɔk bɔt mi na Jerusɛlɛm, na Judia, na Same ria ɛn ɔlɔbɔt na wɔl.” 9Wɛn Jizɔs tɔk dɔn, aw di apɔsul dɛn de luk am, na in Gɔd tek am go ɔp na ɛvin. Di apɔsul dɛn luk Jizɔs sote i lɔs na di klawd. 10We di apɔsul dɛn bin de luk fɔ Jizɔs na di klawd, na de dɛn si tu man we wɛr wayt kam tinap klos dɛn. 11Di tu man dɛn tɛl dɛn se, “Una we kɔmɔt Galili, wetin du una de luk na di klawd? Dis sem Jizɔs ya we Gɔd tek go ɔp na ɛvin go kam bak na wɔl lɛkɛ aw una si am de go ɔp na ɛvin.” 12Di apɔsul dɛn kɔmɔt na di ay il we nem Mawnt Ɔliv, go bak na Jerusɛlɛm. (Na af mayl frɔm Mawnt Ɔliv to Jerusɛlɛm. Di Ju Lɔ se pɔsin nɔ fɔ waka pas af mayl di de we fɔ pre ɛn blo.) 13Wɛn dɛn rich na Jerusɛlɛm, dɛn go na wan rum ɔp di garɛt na di os we dɛn bin tap. Di pipul dɛn we bin tap de na Pita, Jɔn, Jems, Andru, Filip, Tɔmɔs, Bata lo myu, Matyu, Jems we na Alfiɔs in pikin, Saymɔn we bin de fɛt fɔ fri in kɔntri, Judas we na bin Jems in pikin. 14Dɛn apɔsul ya, Jizɔs in brɔda dɛn, sɔm uman dɛn, ɛn Meri we na Jizɔs in mama, dɛn ɔl bin de mit de ɛn pre wit wan at. 15Wan de, dɛn wan we biliv pan Jizɔs bin gɛt mitin; na bɔt wan ɔndrɛd ɛn twɛnti pipul bin go di mitin. Pita tinap midul di pipul dɛn 16ɛn bigin tɔk to dɛn se, “Mi pipul dɛn, Gɔd in Spirit bin mek Devid rayt lɔntɛm na Gɔd in Buk bɔt Judas, da man we bin de bifo dɛn pipul we go ol Jizɔs; ɔl wetin i bin dɔn rayt bin jɛs gɛt fɔ bi. 17Judas na bin wan pan wi ɛn na wi ɔl bin de wok fɔ Gɔd.” 18(Wɛn Judas sɛl Jizɔs, i tek di kɔpɔ go bay grɔn. Na da grɔn de Judas fɔdɔm kam dɔng, in bɛlɛ plit ɛn in gɔt kɔmɔt na do. 19Ɔlman na Jerusɛlɛm bin yɛri bɔt wetin bi to Judas ɛn dɛn kɔl di ples we Judas day, Akɛldama, we min “Grɔn we Pɔsin Blɔd Wes”.) 20“Dɛn rayt na di Sambuk se, ‘Mek natin nɔ lɛf na in os ɛn mek nɔbɔdi nɔ sidɔm de.’ Dɛn rayt igen se, ‘Mek ɔda pɔsin du di wok we i bin de du.’ 21“Na dat mek wi fɔ pik wan man we fɔ tɛl ɔda pipul se Jizɔs rayz frɔm di grev. Di pɔsin we wi go pik fɔ dɔn de wit wi frɔm di tɛm we Jɔn bin de baptayz pipul sote di tɛm we Gɔd tek Jizɔs go ɛvin.” 23Dɛn pik tu pɔsin: Josɛf Basa bas (we nem Jɔstɔs) ɛn Mata yas. 24Dɛn pre se, “Masta, yu we sabi ɔlman at, duya, sho wi pan dɛn tu man ya, di pɔsin we yu dɔn pik 25fɔ du di wok we Judas dɔn lɛf. Judas dɔn go na di say we i fɔ go.” 26Dɛn Ju pipul gɛt we fɔ no wetin Gɔd want, so di ilɛvin apɔsul dɛn trowe sɔntin na grɔn fɔ pik di wan pɔsin. Na Mata yas nem kɔmɔt so dɛn mek i bi wan pan di apɔsul dɛn.

will be added

X\