GBOO FEAN BƆƐ KƆYINDI KO A 12

1A go bost pan ɔl we a nɔ gɛt ɛni tin fɔ gen pan dat. Bɔt naw a de kam tɔk bɔt dɛn tin we Gɔd sho mi ɛn mek a no. 2A no wan Kristiɛn man we bin fɛn insɛf ɔp ɔp insay ɛvin kwik wan so wan de, fotin ia dɔn pas naw frɔm we dat bi (a nɔ no if na in bɔdi i go wit na ɛvin ɔ na in spirit nɔmɔ; na Gɔd wan gren no). 3A de tɔk wetin a se bak (a nɔ no if na in bɔdi i go wit na ɛvin ɔ na in spirit nɔmɔ; na Gɔd wan gren no). A no se dis man ya fɛn insɛf na di say we dɛn kɔl Pare days kwik kwik wan, wan de. 4Na de i yɛri dɛn tin we mɔta lman nɔ ebul tɔk na dɛn yon langwej ɛn we dɛn nɔ fɔ tɔk bɔt. 5Na dis man ya a go bost bɔt, a nɔ go bost bɔt misɛf, pas nɔmɔ a bost bɔt dɛn tin we sho se a nɔ gɛt pawa. 6If a bin want bost bɔt misɛf, a nɔ bin go de tɔk lɛkɛ fulman, bikɔs na tru a bin go de tɔk. Bɔt a nɔ go bost bɔt misɛf bikɔs a nɔ want mek pipul tink se mi na bɛtɛ pɔsin pas di kayn pɔsin we di wɔd dɛn we a de tɔk ɛn di tin dɛn we a de du, sho se a bi. 7Bɔt fɔ mek dɛn plɛnti wɔnda ful tin we a si nɔ mek a prawd, Gɔd put sik pan mi we de mek mi bɔdi at mi bad; da sik de tan lɛkɛ sik we Setan sɛn pan mi fɔ ambɔg mi, mek a nɔ go prawd. 8Tri tɛm a dɔn pre ɛn aks Gɔd mek i pul dis tin ya pan mi. 9Gɔd ansa se, “Di gud we a de du fɔ yu, du fɔ yu, bikɔs wɛn pɔsin nɔ ebul du ɛni tin fɔ insɛf, na da tɛm de mi pawa big pas ɔl na in layf.” So a gladi we a de fil prawd bɔt di sik we a sik, so dat a kin no se Krays in pawa de wit mi. 10Fɔseka Krays, a sati sfay wit di sik we de pan mi, dɛn kɔs we pipul kɔs mi, waala, di fɛt we pipul fɛt mi, ɛn tra nga layf, bikɔs di tɛm we a nɔ ebul fɔ ɛp misɛf, na da tɛm de a gɛt Gɔd in pawa. 11A de du lɛkɛ se mi na ful; bɔt na una mek a de du so. Na una bin fɔ tɔk gud bɔt mi, nɔto misɛf fɔ tɔk bɔt misɛf. Bikɔs dɛn una “apɔsul” dɛn nɔ bɛtɛ pas mi, pan ɔl we mi nɔto ɛnibɔdi. 12Dɛn tin we sho se mi na apɔsul na ɔl wetin a du wɛn a de wit una, pan ɔl we pipul nɔ want biliv dɛn; dat na dɛn wɔnda ful wok we sho Gɔd in pawa ɛn dɛn wɔnda ful sayn we sho wetin gɛt fɔ bi. 13Aw a nɔ trit una di sem we lɛkɛ aw a de trit dɛn ɔda chɔch pipul, pas nɔmɔ we a nɔ wɔri una fɔ ɛp mi? Una padin mi, wetin a du so nɔ fayn. 14Na di tɔd tɛm dis we a rɛdi fɔ kam fɛn una, ɛn a nɔ go aks una fɔ ɛni tin. Na una a kam fɔ ɛp, a nɔ want una mɔni. Na mama ɛn papa de gi pikin wetin dɛn want, nɔto pikin de gi dɛn mama ɛn papa wetin dɛn want. 15A go gladi fɔ gi ɔl wetin a gɛt, ɛn misɛf, fɔ ɛp una. Di mɔ we a lɛk una, na in i tan lɛkɛ se una nɔ lɛk mi bɛtɛ. 16Una go gri se a nɔ put lod pan una. Bɔt sɔm pan una go tɔk se, a ple trik pan una, a tek lay kech una. 17A tek adva ntej pan una wɛn a sɛn pɔsin go to una? 18Na Taytɔs a koks fɔ go to una ɛn a sɛn di ɔda Kristiɛn brɔda fɔ fala am. Una want tɛl mi se Taytɔs tek adva ntej pan una? Nɔto Gɔd in Spirit de mek wi tu du dis wok? Nɔto di sem we wi tu de wok? 19Sɔntɛm una dɔn de tink ɔl dis tɛm se wi de tray fɔ tɔk mek una go gladi fɔ wi. Nɔto dat wi want du, wi de tɔk bifo Gɔd wetin Krays want mek wi tɔk. Mi padi dɛn, ɔl wetin wi de du na fɔ ɛp una. 20A de fred se wɛn a rich de a go si se una difrɛn frɔm aw a go lɛk fɔ mek una tan ɛn unasɛf go si se misɛf difrɛn frɔm aw una want mi fɔ tan. A de fred se a go kam mit plaba, wam at, kɔs, kɔnfyushɔn, pipul we de jɛlɔs dɛn kɔmpin, dɛn wan we de kongosa dɛn kɔmpin, dɛn wan we want ɔltin fɔ dɛnsɛf, ɛn pipul we prawd. 21A de fred se wɛn a kam di sɛkɛn tɛm, Gɔd go mek a fil smɔl bifo una, ɛn a go kray fɔ plɛnti pipul we bin dɔn sin, bɔt dɛn nɔ sɔri fɔ di bad bad tin dɛn we dɛn dɔn du pan man ɛn uman biznɛs.

will be added

X\