GBOO FEAN BƆƐ KƆYINDI KO A 11

1A de beg una mek una bia wit mi wɛn i tan lɛkɛ se a nɔ siryɔs. 2A de jɛlɔs fɔ una lɛkɛ aw Gɔd insɛf de jɛlɔs fɔ wi; una na lɛkɛ uman we nɔ no man we a dɔn prɔmis to wan gren man, dat na Krays. 3A de fred mek sɔm ɔda tin dɛn nɔ go na una ed we go mek una nɔ de fɔ Krays in wan gren, jɛs lɛkɛ aw di snek bin tek kɔni sɛns mek Iv ful. 4Wetin mek a se so, na bikɔs una de lisin to ɛnibɔdi we kam tɛl una bɔt ɔda Jizɔs we wi nɔ tɛl una bɔt, ɔ ɔda spirit we difrɛn frɔm di Spirit we wi tɛl una bɔt, ɛn una de lisin to ɛnibɔdi we kam tɛl una gud nyus we difrɛn frɔm di Gud Nyus we wi tɛl una. 5A nɔ tink se dɛn una spɛshal “apɔsul” ya du bɛtɛ wok pas mi atɔl! 6Sɔntɛm mi na pɔsin we jɛs bigin tɛl pipul bɔt Gɔd, so a nɔ sabi du dat gud yet, bɔt wetin a sabi, a sabi am gud. Wi dɔn sho una dat plen wan, ɛnitɛm we wi de tɔk to una. 7A nɔ bin de aks una fɔ pe mi wɛn a bin de tɛl una di Gud Nyus bɔt Gɔd; a bin put misɛf dɔng mek una go kam ɔp. Na bad a bin du? 8Wɛn a bin de wok fɔ una, na ɔda chɔch dɛn bin de pe mi. So i bin tan lɛkɛ se a de tek di mɔni we dɛn ɔda chɔch bin de pe mi, fɔ di mɔni we una bin fɔ de pe mi, lɛkɛ se na tif a de tif. 9Ɛn di tɛm we a bin de wit una, ɛnitɛm we a kin want mɔni, a nɔba aks una fɔ ɛni tin; dɛn brɔda we kɔmɔt Masi do nya kin bring ɔl wetin a want. Aw tin bin dɔn de bi so, na so i go de bi ɔltɛm! A nɔ go gi una kɔz fɔ wɔri bɔt mi! 10A prɔmis una se, ɛni say we a go na Gris, a go de bost se a nɔ tek pe na una an, ɛn na tru wɔd we Krays insɛf put na mi at a de tɔk. 11Una tink se a de tɔk dɛn tin ya bikɔs a nɔ lɛk una? Nɔto so i bi. Gɔd insɛf no se a lɛk una! 12A go stil de du wetin a de du naw, so dat dɛn ɔda apɔsul nɔ go gɛt rizin fɔ bost se dɛnsɛf de du di sem wok we wi de du. 13Dɛn apɔsul de nɔto tru apɔsul; na lay dɛn de lay bɔt dɛn wok, dɛn jɛs de mek lɛkɛ se dɛn na Krays in tru apɔsul dɛn. 14Una nɔ fɔ wɔnda, bikɔs Setan insɛf kin chenj, mek insɛf lɛkɛ enjɛl we de bring layt. 15So una nɔ fɔ wɔnda if Setan in savant dɛn de mek lɛkɛ se dɛn na Gɔd in tru savant dɛn. Wɛn dɛn yon tɛm dɔn na dis wɔl, dɛn go gɛt di pe fɔ di tin dɛn we dɛn de du. 16A bin dɔn tɔk sɔntin, a de tɔk am bak naw: nɔbɔdi nɔ fɔ tink se mi na ful. Bɔt if na so una tink, una fɔ lisin to mi lɛkɛ se na fulman de tɔk to una, ɛn if na so i bi sɛf, a go stil gɛt lili tin fɔ bost pan. 17If a want bost naw, a nɔ de tɔk wetin di Masta tɛl mi fɔ tɔk, a de tɔk lɛkɛ fulman. 18Plɛnti pipul de bost bɔt dɛn biznɛs we gɛt fɔ du wit mɔta lman nɔmɔ, so misɛf go bost. 19Unasɛf gɛt sɛns, na dat mek una de lisin fulman! 20Una de bia wit ɛni pɔsin we de mek lɛkɛ se in na una bɔs, we de tek adva ntej pan una, we de sɛt trap fɔ una, we nɔ gɛt rɛspɛkt fɔ una, ɛn we kin slap una sɛf. 21A de shem fɔ tɛl una se wi nɔ ebul du dat, wi nɔ dra yay so! Bɔt if ɛnibɔdi want bost bɔt ɛni tin, misɛf go bost; una mɛmba se a de tɔk lɛkɛ fulman naw. 22If dɛn na Ibru, misɛf na Ibru. If dɛn na Izrɛl pipul, misɛf na Izrɛl pɔsin. If dɛn na Ebraam in gra npi kin-pi kin dɛn, misɛf na Ebraam in gra npi kin-pi kin. 23Dɛn na Krays in savant? I tan lɛkɛ se na kre sman de tɔk, bɔt mi na bɛtɛ savant pas dɛn! A de wok pas dɛn fawe, a dɔn go jel plɛnti tɛm pas dɛn, dɛn dɔn bit mi pas dɛn, day dɔn mis mi plɛnti tɛm pas dɛn. 24Di Ju pipul dɛn dɔn flag mi fayv tɛm; ɔl dɛn fayv tɛm de dɛn kin jɛs gi mi tati-nayn, i lɛf wan fɔ mek fɔti; 25di Roman soja dɛn flag mi tri tɛm, pipul ston mi wan tɛm; bot dɔn brok dɔng tri tɛm pan mi; wan tɛm bin de we a de na wata wanol de ɛn wanol nɛt. 26Wɛn wi de go ɔlɔbɔt, denja kin plɛnti na rod: dɛn big agbara we de kɛr pɔsin go, tifman, mi yon kɔmpin Ju dɛn ɛn dɛn wan we nɔto Ju we mekɔp bad fɔ mi; denja bin de na dɛn tɔng; denja bin de na dɛn bush; denja bin de wɛn a lɛf di sho go fawe na si; denja bin de kɔmɔt to dɛn padi we bin se dɛn na mi padi bɔt dɛn na bin mi ɛnimi. 27A dɔn du tra nga wok; plɛnti tɛm sɛf a nɔba slip; a kin angri; a kin tɔsti; sɔntɛm it nɔba de fɔ mi; klos nɔba de fɔ wɛr; ples nɔba de fɔ tap. 28Lɛ a nɔ bɔda tɔk bɔt dɛn ɔda tin; ɛvri de mi ed kin ful we a de tink bɔt ɔl di chɔch dɛn, aw dɛn de du. 29Wɛn dɛn du pɔsin bad, i kin tan lɛkɛ se na mi dɛn du bad; wɛn pɔsin sin, i kin at mi bad. 30If a gɛt fɔ bost, a go bost bɔt dɛn tin we sho se misɛf wik. 31Gɔd, we na Masta Jizɔs in Papa, no se a nɔ de lay. Mek ɔlman prez Masta Jizɔs in nem sote go! 32Wɛn a bin de na Damaskɔs, di gɔvna we bin de ɔnda King Ari tas sɛn soja man dɛn go na Damaskɔs gɛt fɔ go ol mi. 33Bɔt di Kristiɛn dɛn put mi insay blay, pas di blay na wan say we opin na di wɔl, sɛn am dɔng; na dat mek di gɔvna nɔ kech mi.

will be added

X\