GBOO FEAN BƆƐ KƆYINDI KO A 1

1Mi, Pɔl, we bi Krays Jizɔs in apɔsul bikɔs na dat Gɔd want, ɛn wi Kristiɛn brɔda Timoti, de rayt to una ɔl we na Gɔd in pipul dɛn na Kɔrint, ɛn dɛn wan we de ɔlɔbɔt na Gris. 2Mek Gɔd we na wi Papa ɛn Masta Jizɔs Krays sho una aw i gud ɛn mek i gi una kol at. 3Lɛ wi tɛl Gɔd we na wi Masta Jizɔs in Papa, tɛnki; na in de sɔri fɔ wi we na in pikin dɛn ɛn na in de kɔrej wi ɔltɛm. 4I de kɔrej wi ɔltɛm we wi de pan trɔbul, so dat di kɔrej we i de kɔrej wi kin mek wisɛf ebul fɔ kɔrej ɔda pipul ɛnitɛm we dɛn de pan trɔbul. 5We wi de sɔfa lɛkɛ aw Krays bin sɔfa, Krays de kɔrej wi plɛnti tɛm. 6If wi de sɔfa, na fɔ mek una gɛt kɔrej ɛn fɔ mek una go sev; if wi gɛt kɔrej na fɔ mek unasɛf gɛt kɔrej ɛn bia wɛn una de sɔfa dɛn sem tin we wisɛf de sɔfa. 7Wi nɔ de wɔri bɔt una atɔl, bikɔs wi shɔ se we unasɛf de sɔfa lɛkɛ aw wi de sɔfa, Gɔd go kɔrej unasɛf lɛkɛ aw i de kɔrej wi. 8Mi kɔmpin Kristiɛn dɛn, wi want mek una mɛmba di trɔbul we mit wi na Eshya. Di waala na wi ed bin so plɛnti dat wi bin mɛmba se ɔltin dɔn fɔ wi. 9Wi bin mɛmba se Gɔd dɔn kɔndɛm wi se wi fɔ day. Dat bi fɔ sho wi se wi nɔ fɔ abop pan wisɛf, wi fɔ abop pan Gɔd in wan gren, we de mek dɛn wan we dɔn day rayz frɔm dɛn grev. 10I pul wi kɔmɔt na day rod, ɛn i go du dat bak; wi no se we una de ɛp wi pre, Gɔd go de pul wi pan denja ɔltɛm. I go ansa dɛn pre we plɛnti pipul de pre fɔ wi, ɛn i go blɛs wi; we dat bi, plɛnti pipul go tɛl am tɛnki fɔ wetin i du fɔ wi. 12Wetin mek wi fil prawd, na we wi no insay wi at fɔ tru se nɔto bay mɔta lman sɛns wi liv na dis wɔl, ɛn nɔto bay mɔta lman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una. 13Wi jɛs de rayt dɛn tin we una ebul rid ɛn ɔnda stand. Bɔt a op se dɛn tin we una nɔ ɔnda stand gud naw, una go ɔnda stand dɛn gud gud wande, so di De we Masta Jizɔs go kam bak, unasɛf go gladi fɔ wi lɛkɛ aw wi go gladi fɔ una. 15A bin shɔ bɔt ɔl dɛn tin ya we a dɔn rayt, so a bin dɔn mekɔp se a go go to una so dat una kin gɛt blɛsin tu tɛm. 16A bin dɔn mekɔp se a go go to una wɛn a de go Masi do nya ɛn wɛn a de kam bak, so dat una kin ɛp mi fɔ mek a go Judia. 17We a bin dɔn mekɔp fɔ du so, dɔn a chenj, i nɔ bin tan lɛkɛ se mi na pɔsin we nɔ siryɔs? Wɛn a want du sɔntin, na misɛf nɔmɔ a kin mɛmba? Una tink se a go se “Yɛs” wan minit ɛn “Nɔ” di ɔda minit? 18We Gɔd nɔ de lay, misɛf nɔ go prɔmis una wan tin, dɔn a chenj mɔt. 19Bikɔs Jizɔs Krays, we na Gɔd in Pikin, we Saylas, Timoti ɛn misɛf bin de tɛl una bɔt, nɔto pɔsin we gɛt tu mɔt. Bɔt in na di ansa, “Yɛs,” 20bikɔs in na di ansa, “Yɛs,” fɔ ɔl dɛn prɔmis we Gɔd dɔn prɔmis wi. Na dat mek wɛn wi se “Emɛn,” na bay Jizɔs Krays wi de tɔk so, fɔ mek Gɔd gɛt di prez. 21Na Gɔd insɛf mek wi ɛn unasɛf shɔ se wi layf na Krays yon; na Gɔd insɛf dɔn pik wi ɛn put wi wansay fɔ du in wok. 22Na in dɔn put in mak pan wi fɔ sho se wi na in yon pipul, ɛn i put in Spirit insay wi at fɔ mek wi no fɔ tru se ɔl wetin i gɛt fɔ wi, de ɔltɛm. 23Gɔd na mi witnɛs i no wetin de na mi at! Na bikɔs a nɔ bin want fɔ mek una fil bad mek a bin mekɔp nɔ fɔ go to una na Kɔrint. 24Wi nɔ de tɛl una wetin una fɔ biliv, bikɔs una biliv pan Jizɔs tra nga wan. Wetin wi de du na fɔ ɛp una fɔ mek una gladi.

will be added

X\