1 TIMOTI 2

1Fɔs tin, a de beg una fɔ pre to Gɔd fɔ unasɛf ɛn fɔ ɔda pipul ɛn tɛl Gɔd tɛnki fɔ ɔlman na wɔl; 2fɔ dɛn wan we de rul ɛn ɔl dɛn bigman, so dat waala nɔ go de na wi layf, wi go gɛt kol at, wi go de waka klos Gɔd ɛn wi nɔ go du ɛni tin we go mek wi shem. 3Na so wi fɔ pre; na dat go mek Gɔd we de sev wi, sati sfay. 4Gɔd want mek ɔlman sev ɛn mek dɛn no wetin tru. 5Na wan gren Gɔd de, ɛn wan pɔsin de midul Gɔd ɛn mɔta lman fɔ bring dɛn togɛda, dat na Jizɔs Krays we insɛf na mɔta lman, 6i sakri fays in layf fɔ tek bay mɔta lman bak. Na di tin dat we, wɛn di rayt tɛm rich, Gɔd sho mɔta lman fɔ mek dɛn no se in want sev dɛn. 7Na dat mek Gɔd pik mi fɔ bi in apɔsul, ɛn fɔ lan dɛn wan we nɔto Ju aw fɔ biliv pan Krays ɛn fɔ mek dɛn no wetin tru. Na tru a de tɔk, a nɔ de lay. 8So a want mek dɛn man dɛn ɔlɔbɔt pre. Dɛn fɔ bi pipul we dɔn gi Gɔd dɛn layf, so dat wɛn dɛn es dɛn an ɔp fɔ pre, dɛn nɔ go vɛks pan pipul ɛn dɛn nɔ go de mɛmba bad fɔ dɛn pipul we ambɔg dɛn. 9A nɔ want mek di uman dɛn de kɔl atɛnshɔn bay di we we dɛn drɛs, dɛn fɔ tek tɛm pik di klos we dɛn de wɛr, ɛn dɛn fɔ drɛs gud, dɛn nɔ fɔ de wɛr dɛn dia klos; dɛn nɔ fɔ de plant dɛn ia fayn tumɔs; dɛn nɔ fɔ wɛr gold ɔ pal. 10Bɔt dɛn fɔ de du dɛn gud wok we uman we kɔl insɛf Gɔdu man fɔ du. 11Uman fɔ sidɔm saful de lan, i fɔ put in yay dɔng. 12A nɔ de gri mek uman tich ɔ tinap oba man ed, i fɔ sidɔm saful. 13Bikɔs na Adam fɔs Gɔd mek, bifo i mek Iv; 14nɔto Adam di snek bin mek ful, na di uman; na dat mek di uman sin. 15Bɔt uman go sev wɛn i de bɔn pikin, if i biliv Krays, if i lɛk pipul, if i de fɔ Gɔd ɛn if i de kɔntrol insɛf pan ɔltin.

will be added

X\