GBOO SAA TƐSADONIKA KO A 1

1Na mi, Pɔl, wit Saylas ɛn Timoti, de rayt dis lɛta to di Kristiɛn dɛn na Tɛsalonayka we na wi Papa Gɔd ɛn Masta Jizɔs Krays yon pipul. Wi de pre mek Gɔd sho una aw i gud ɛn gi una kol at. 2Wi de tɛl Gɔd tɛnki ɔltɛm fɔ una wɛn wi de pre fɔ una. 3Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok tra nga wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan. 4Wi brɔda dɛn, wi no se Gɔd lɛk una ɛn i dɔn pik una so dat una go bi in yon pipul. 5Na wi fɔs tɛl una di Gud Nyus bɔt Jizɔs Krays. Wi nɔ bin jɛs tɔk nɔmɔ, wi du wɔnda ful tin dɛn wit Gɔd in Spirit pawa ɛn wi sho una se wi biliv wit ɔl wi at se di Gud Nyus na tru. Una no di layf we wi bin liv wɛn wi bin de wit una, ɔl dat na bin fɔ ɛp una. 6Una bin de du dɛn tin we una si wi ɛn di Masta de du. Una bin biliv di Gud Nyus bɔt Jizɔs Krays pan ɔl we pipul bin de mek una sɔfa, ɛn Gɔd in Spirit bin de mek una gladi ɔltɛm. 7So ɔl wetin una du ɛn aw una bin liv, de fɔ mek ɔl di Kristiɛn dɛn na Masi do nya ɛn Gris si ɛn fala. 8Di mɛsej bɔt di Masta we una tɛl pipul na Masi do nya ɛn Gris nɔ tap de; ɔlman dɔn yɛri aw una biliv pan Gɔd. So nid nɔ de fɔ mek wi tɔk ɛni tin bɔt dat. 9Dɛn ɔl de tɔk bɔt aw una ol wi wɛn wi go fɛn una, ɛn dɛn de tɔk se una dɔn tap fɔ pre to dɛn tin we mɔta lman mek fɔ pre to, naw una de pre to di wan tru Gɔd we gɛt layf sote go, 10ɛn una de wet fɔ in Pikin we nem Jizɔs fɔ kɔmɔt ɛvin kam dɔng, in Pikin we i mek rayz frɔm di grev, ɛn we go mek Gɔd nɔ kɔndɛm mɔta lman lɛkɛ aw i bin fɔ du bikɔs i bin vɛks pan dɛn fɔ dɛn sin.

will be added

X\