1 PITA 3

1Semwe so, una dɛn mare du man fɔ de du ɔl wetin una man dɛn tɛl una fɔ du, so dat if ɛni wan pan dɛn de we nɔ biliv Gɔd in wɔd, una go mek dɛnsɛf kam biliv pan Gɔd bay aw una de du. Una nɔ go gɛt fɔ tɔk to dɛn bɔt Gɔd igen sɛf, 2bikɔs dɛn go si se una de waka tret ɛn una de fred Gɔd. 3Nɔto dɛn tin we pɔsin de si una fɔ de tek mek unasɛf fayn, lɛkɛ di stayl dɛn we una de mek pan una ia, dɛn chen we una de ɛng, ɔ dɛn klos we una de wɛr. 4Bifo dat, ɔl una yon fayn fɔ de insay; una fɔ de tɔk ɛn du tin saful saful, una ed nɔ fɔ de wam, na dɛn kayn tin ya Gɔd luk se fayn, ɛn na dɛn kayn fayn de go de sote go. 5Dɛn uman we bin de waka klos Gɔd fɔstɛm, we bin abop se Gɔd go du ɔl wetin i prɔmis fɔ du fɔ dɛn, bin de du ɔl wetin dɛn man tɛl dɛn fɔ du; so dɛn bin de mek dɛnsɛf fayn. 6Sera na bin wan pan dɛn uman we bin de waka klos Gɔd; i kin du ɔl wetin Ebraam tɛl am fɔ du ɛn wɛn i de tɔk to am, i kin kɔl am in masta. Unasɛf go bi lɛkɛ Sera if una de ɛp ɔda pipul ɛn una nɔ gri mek ɛni tin mek una fred. 7Semwe so, una dɛn mare dman fɔ no se una wɛf nɔ gɛt trɛnk lɛkɛ man, so una fɔ de wit dɛn wit da ɔnda sta ndin de, we rayt. Una fɔ rɛspɛkt dɛn bikɔs Gɔd go gi una ɛn dɛnsɛf layf we go de sote go. Una fɔ du ɔl dɛn tin ya, so dat natin nɔ go ambɔg di pre we una de pre. 8Di las tin we a gɛt fɔ tɛl una, na fɔ lɛ una ɔl gɛt wanwɔd, ɛn wan at; una fɔ lɛk unasɛf lɛkɛ brɔda ɛn sista, una fɔ gɛt sɔri at fɔ una kɔmpin ɛn una nɔ fɔ de mek prawd pan una kɔmpin. 9If pɔsin du una bad, una nɔ fɔ tɔn am gi am bak; if pɔsin kɔs una, una nɔ fɔ kɔs am bak, una fɔ aks Gɔd fɔ blɛs am. Gɔd kɔl una fɔ mek una blɛs ɔda pipul; if una du dat, Gɔd go blɛs unasɛf lɛkɛ aw i bin prɔmis fɔ du wɛn i kɔl una. 10Dɛn rayt na Gɔd in Buk se, “Ɛnibɔdi we want mek in layf swit ɛn mek bɛtɛ fala am bambay fɔ lɛf fɔ de tɔk bad bɔt in kɔmpin ɛn i nɔ fɔ de lay. 11I fɔ lɛf fɔ de du bad ɛn i fɔ de du gud; i fɔ tray sote natin nɔ mek in ɛn in kɔmpin dɛn mek plaba. 12G ɔd, we na wi Masta, in yay de pan dɛn pipul we de du rayt ɛn i de yɛri dɛn wɛn dɛn de pre; bɔt i nɔ go mek bɛtɛ fala dɛn wikɛd pipul.” 13Udat go ebul mek una sɔfa if una at de fɔ du wetin rayt nɔmɔ? 14Bɔt if una gɛt fɔ sɔfa sɛf bikɔs una de du wetin rayt, una gɛt blɛsin! Una nɔ fɔ fred wetin pɔsin de du ɛn una nɔ fɔ wɔri fɔ natin. 15Una fɔ rɛspɛkt Krays ɛn tɔk insay una at se in na di Masta. Una fɔ rɛdi ɔltɛm fɔ ansa dɛn pipul we de aks una wetin una abop pan, 16bɔt una nɔ fɔ fos pipul fɔ biliv pan Krays ɛn una fɔ de lisin to wetin dɛn de tɔk. Una fɔ shɔ se ɔl wetin una de du na wetin una at tɛl una se rayt, so dat dɛn pipul we de tɔk se una nɔ de waka tret, ɛn dɛn wan we de tɔk bad bɔt di gud we una de du we una de waka wit Krays, go shem. 17I bɛtɛ fɔ mek una sɔfa bikɔs una de du wetin rayt, if na dat Gɔd want, pas fɔ mek una sɔfa bikɔs una de du tin we nɔ rayt. 18Na fɔseka dat mek Krays we nɔ sin wande, day wan tɛm nɔmɔ fɔ ɔl wi sin, in we gud day fɔ wi ɔl we bad, so dat i kin mek una kam klos Gɔd. Dɛn bin kil Krays wɛn Krays na bin mɔta lman, bɔt naw we Krays na Spirit, Gɔd dɔn mek i rayz frɔm di grev. 19Wɛn i bi Spirit, i go to dɛn spirit we dɛn bin de gyad te di tɛm rich fɔ jɔj dɛn, i go tɛl dɛn di Gud Nyus. 20Dɛn spirit ya na dɛn pipul we nɔ bin de yɛri Gɔd in wɔd di tɛm we Gɔd bin de bia, we Noa bin de bil in bot. Di pipul dɛn we bin go insay di bot nɔ bin plɛnti; na bin et pipul nɔmɔ. Gɔd bin mek di bot flot pan di wata ɛn na so i sev dɛn et pipul ya. 21Di wata na fɔ sho wi aw Gɔd go mek sin nɔ gɛt pawa oba dɛn Kristiɛn we baptayz, lɛkɛ aw una dɔn baptayz ɛn dat dɔn mek sin nɔ gɛt pawa oba una igen. Fɔ baptayz, nɔto fɔ pul dɔti kɔmɔt na di bɔdi, bɔt na di prɔmis we wi prɔmis Gɔd se wi go waka tret wit am so dat wi go no se wi nɔ gilti. Na we Jizɔs Krays rayz frɔm di grev mek di baptayz we una baptayz sev una. 22Naw Jizɔs Krays dɔn go na ɛvin ɛn i sidɔm na Gɔd in raytan; na de i de rul oba ɔl dɛn enjɛl ɛn ɔl dɛn wan we gɛt pawa na ɛvin.

will be added

X\