1 PITA 2

1So una fɔ lɛf ɔl dɛn bad tin we de na una layf: una fɔ lɛf fɔ lay, una fɔ lɛf fɔ mek ipo krit, una fɔ lɛf fɔ jɛlɔs una kɔmpin ɛn una fɔ lɛf fɔ tɔk bad bɔt dɛn. 2Una fɔ tan lɛkɛ bebi we jɛs bɔn, we want milk ɔltɛm; na so unasɛf fɔ want fɔ yɛri Gɔd in wɔd, ɔltɛm; i go mek una gro if una drink am ɔltɛm, dat min se una go no mɔ ɛn mɔ bɔt Gɔd ɛn una go gɛt layf ya we go de sote go na ɛvin. 3Dɛn rayt na Gɔd in Buk se, “Una dɔn no aw Gɔd gud.” 4Una kam to di Masta, na in na di ston we de gi layf; mɔta lman bin tink se i nɔ gud, bɔt Gɔd pik am bikɔs i no se i gud. 5Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakri fays to Gɔd. Una go de du Gɔd in wok nɔmɔ, dat na fɔ de mek dɛn sakri fays we Gɔd in Spirit tɛl una fɔ mek, we go mek Gɔd sati sfay fɔseka di wok we Jizɔs Krays dɔn du. 6Dɛn rayt na Gɔd in Buk se, Gɔd se, “A dɔn pik wan gud gud ston we go bi di ston we impɔtant pas ɔl ɛn a go put am na da tɔng we dɛn kɔl Zayɔn; da ston de na di Masta; ɛnibɔdi we biliv pan am nɔ go disapɔynt.” 7Dis ston ya de ɛp una we biliv am gud gud wan, bɔt fɔ dɛn wan we nɔ biliv am, dɛn rayt na Gɔd in Buk se, “Di ston we dɛn pipul we de bil nɔ tek mek natin, na in dɔn kam bi di wan we impɔtant pas ɔl di ɔda wan dɛn.” 8Dɛn rayt ɔda say na Gɔd in Buk se, “Na di ston dis we go mek pipul bɔk dɛn fut ɛn fɔdɔm.” Dɛn pipul ya bin bɔk dɛn fut bikɔs dɛn nɔ bin biliv se Gɔd in wɔd na tru; na so Gɔd bin dɔn plan fɔ dɛn. 9Bɔt una na lɛkɛ wan neshɔn, Gɔd dɔn pik una, una na pipul we de mek sakri fays to Gɔd ɛn we de wok fɔ Gɔd we na una King; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔnda ful wok dɛn we i de du. Na Gɔd pul una kɔmɔt na dak bring una kam na in wɔnda ful layt. 10Tɛm bin de we una nɔto bin Gɔd yon pipul dɛn, bɔt una dɔn bi in pipul dɛn naw; tɛm bin de we una nɔ bin no aw Gɔd gud, bɔt naw una dɔn no aw i gud we i dɔn sɔri fɔ una. 11Mi padi dɛn, una we de lɛkɛ tre nja na dis wɔl ɛn lɛkɛ pipul we nɔ kam fɔ tap lɔng naya, a de beg una mek una nɔ jɛs de fala una at fɔ sati sfay una bɔdi bikɔs wetin una bɔdi want nɔto dat una spirit want. 12Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd. 13Fɔ di Masta in sek, una fɔ put unasɛf ɔnda ɛnibɔdi we de oba una na dis wɔl ɛn du ɔl wetin dɛn want una fɔ du, dat na di pɔsin we de oba ɔl dɛn ɔda rula, 14ɛn dɛn gɔvna we i pik fɔ de pɔnish dɛn pipul we de du bad ɛn fɔ prez dɛn wan we de du gud. 15Gɔd want mek una du di rayt tin, so dat dɛn fulish pipul we nɔ sabi natin go sɛt dɛn mɔt. 16Una fɔ de lɛkɛ pipul we fri, bɔt nɔto dat mek una fri fɔ de du ɛni bad tin. Una fɔ de du lɛkɛ pipul we de wok fɔ Gɔd. 17Una fɔ rɛspɛkt ɔlman, lɛk una kɔmpin Kristiɛn dɛn, fred Gɔd, ɛn rɛspɛkt di man we de rul oba ɔl dɛn ɔda rula dɛn. 18Una we na bɔy fɔ de du ɔl wetin una masta tɛl una fɔ du ɛn una fɔ rɛspɛkt dɛn gud gud; nɔto di masta dɛn nɔmɔ we gud ɛn we want ɛp dɛn kɔmpin mɔta lman una fɔ rɛspɛkt, una fɔ rɛspɛkt dɛn wan we bad sɛf. 19If una sɔfa sɔfa we una nɔ fɔ sɔfa ɛn una bia bikɔs una no se na dat Gɔd want, Gɔd go blɛs una. 20Us bɛni fit una tink se una go gɛt if una jɛs bia nɔmɔ wɛn dɛn pɔnish una fɔ we una du tin we nɔ rayt? Bɔt if una bia wɛn pipul mek una sɔfa pan ɔl we una de du wetin rayt, Gɔd go blɛs una. 21Na fɔ mek una sɔfa lɛkɛ dis mek Gɔd kɔl una, bikɔs Krays insɛf sɔfa fɔ una ɛn mek una si se unasɛf gɛt fɔ sɔfa lɛkɛ aw insɛf bin sɔfa. 22Wande Krays nɔ sin, ɛn i nɔ lay. 23Wɛn pɔsin tɛl am wɔd we go at am, i nɔba tɛl dɛn wɔd we go at dɛn bak; wɛn pipul mek i sɔfa, i nɔba se in go mek dɛnsɛf sɔfa, bɔt i kin lɛf in kes na Gɔd an, bikɔs na Gɔd de jɔj tret wan. 24Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays na in dɔn mek una wɛl. 25Una bin tan lɛkɛ ship we dɔn lɛf fɔ fala di man we de mɛn dɛn, so dɛn nɔ sabi rod igen, bɔt naw Gɔd dɔn bring una kam bak to di pɔsin we de mɛn una ɛn we de gyad una mek natin bad nɔ mit una.

will be added

X\