1 CHƆN 3

1Mi pikin dɛn we a lɛk, Gɔd so lɛk wi dat i kɔl wi in yon pikin dɛn ɛn wi na in pikin dɛn, fɔ tru. Plɛnti pipul dɛn na wɔl nɔ no se wi na Gɔd in pikin dɛn, bikɔs dɛn nɔ no Gɔd. 2Mi padi dɛn we a lɛk, wi na Gɔd in pikin dɛn naw; wi nɔ no yet wetin wi go bi bambay, bɔt wi no se wɛn Krays insɛf kam bak wi go tan lɛkɛ am, bikɔs da tɛm de wi go si aw i tan fɔ tru. 3Ɛni bɔdi we abop pan Krays go klin bikɔs Krays klin, i nɔ go gɛt bɔt na in layf. 4Ɛni bɔdi we nɔ gri tap fɔ sin nɔ de du wetin Gɔd in lɔ se i fɔ du, bikɔs fɔ sin na fɔ brok Gɔd in lɔ. 5Una no se Krays kam fɔ pul mɔta lman kɔmɔt pan sin ɛn Krays nɔ gɛt sin na in layf. 6Ɛni bɔdi we de waka wit Krays, nɔ go de sin. Ɛni bɔdi we stil de sin nɔ no Krays yet ɛn i nɔ kechɔp sɛf se Krays de. 7Mi pikin dɛn, mek nɔbɔdi nɔ mek una ful. Pɔsin we de waka tret, na pɔsin we de du di rayt tin, jɛs lɛkɛ aw Krays de du di rayt tin, i nɔ gɛt sin na in layf. 8Ɛni bɔdi we nɔ de tap fɔ sin blant Setan, bikɔs Setan dɔn de sin frɔm we di wɔl bigin; na dat mek Gɔd in Pikin kam fɔ pwɛl Setan in wok. 9Ɛni bɔdi we kɔmɔt to Gɔd nɔto pɔsin we go jɛs de sin ɛn nɔ gri fɔ tap, bikɔs i gɛt Gɔd na in at, ɛn we Gɔd na in Papa, i nɔ go jɛs de sin, i nɔ gri fɔ tap. 10Gɔd in pikin dɛn ɛn Setan in pikin dɛn difrɛn: ɛni bɔdi we nɔ de du wetin rayt ɛn we nɔ lɛk in kɔmpin, nɔto Gɔd yon pikin. Na dat wi go tek no udat na Gɔd yon pikin dɛn ɛn udat na Setan yon. 11Di mɛsej we una bin dɔn yɛri di tɛm we una fɔs bi Kristiɛn na in dis: wi fɔ lɛk wi kɔmpin mɔta lman. 12Wi nɔ fɔ tan lɛkɛ Ken we bin kil in brɔda; Ken bin blant Setan. Wetin du Ken kil in brɔda? Na bikɔs i bin de du dɛn tin we Gɔd nɔ want, ɛn in brɔda bin de du wetin rayt na Gɔd yay. 13So, mi brɔda dɛn, una nɔ wɔnda if di pipul dɛn na di wɔl nɔ lɛk una. 14Wi no se wi dɔn lɛf di tin we bin de kil wi, wi dɔn gɛt layf; wi no dat bikɔs wi lɛk wi kɔmpin dɛn. Ɛni bɔdi we nɔ lɛk in kɔmpin, nɔ kɔmɔt na day rod yet. 15Ɛni bɔdi we nɔ lɛk in kɔmpin, na pɔsin we kin kil in kɔmpin mɔta lman, ɛn una no se ɛni bɔdi we de kil in kɔmpin mɔta lman, na pɔsin we nɔ gɛt di layf we go de sote go. 16Na dis mek wi no wetin lɛk min: Krays sakri fays in layf fɔseka wi. Semwe so, wisɛf fɔ sakri fays wi layf fɔseka wi kɔmpin mɔta lman! 17If pɔsin jɛntri bɔt i nɔ gri fɔ ɛp in kɔmpin we nɔ gɛt, aw i go se in lɛk Gɔd? 18Mi pikin dɛn, wi nɔ fɔ jɛs de tɔk se wi lɛk wi kɔmpin, bɔt wi fɔ de du dɛn tin we go sho se wi lɛk dɛn fɔ tru. 19Na dat go mek wi no se wi de fɔ wetin na tru ɛn na dat go mek wi nɔ wɔri wɛn wi tinap bifo Gɔd. 20If wi at tɛl wi se wi nɔ du rayt, wi no se Gɔd pas wi at ɛn i no ɔltin. 21Mi padi dɛn we a lɛk, if wi at nɔ tɛl wi se wi du tin we nɔ rayt, wi nɔ go wɔri wɛn wi tinap bifo Gɔd. 22Gɔd de gi wi ɛni tin we wi aks am fɔ, bikɔs wi de du wetin i de tɛl wi fɔ du ɛn dɛn tin we mek i sati sfay. 23Na di tin dis we Gɔd tɛl wi fɔ du: Wi fɔ biliv pan in Pikin, Jizɔs Krays, ɛn wi fɔ lɛk wi kɔmpin mɔta lman, lɛkɛ aw Krays dɔn tɛl wi fɔ du. 24Ɛni bɔdi we de du wetin Gɔd tɛl am fɔ du, na pɔsin we jɔyn an wit Gɔd; Gɔd de na in at ɛn insɛf de waka wit Gɔd. Wi no se Gɔd de na wi at bikɔs i dɔn gi wi in Spirit.

will be added

X\