GBOO SAA KƆYINDI KO A 9

1Misɛf nɔto fri man? Ɛn pantap dat, mi nɔto apɔsul? A nɔ dɔn si wi Masta Jizɔs wit mi yon yay? Nɔto we a wok fɔ di Masta mek una biliv am? 2If ɔda pipul dɛnsɛf nɔ tek mi lɛk apɔsul, a shɔ se na so una tek mi! Bikɔs unasɛf dɔn gi una layf to di Masta, una dɔn sho bay dat se mi na apɔsul. 3Wɛn pipul de tɔk se a nɔ de du rayt, a kin se: 4A nɔ gɛt rayt fɔ tek it ɛn drink we pipul gi mi fɔ mek a ebul du mi wok? 5A nɔ gɛt rayt fɔ mared ɛn tek mi wɛf go wit mi wɛn a de kɔmɔt na mi yon tɔng go ɔda say, lɛkɛ aw dɛn ɔda apɔsul, di Masta in brɔda dɛn, ɛn Pita dɛn ɔl de du? 6Na mi ɛn Banabas nɔmɔ gɛt fɔ wok fɔ mek wi gɛt it? 7Us soja man de we na insɛf de pe fɔ ɔl wetin i want wɛn i jɔyn ami? Us fama de we nɔ liv bay di tin dɛn we i plant? Udat de we de mɛn ship we nɔ de tek pan di ship dɛn milk? 8Nɔto dɛn tin ya nɔmɔ we wi de si ɛvri de, de fɔ sho wi aw wi fɔ de du, so a nɔ go jɛs tɔk bɔt dɛn nɔmɔ, bikɔs di Lɔ we Gɔd gi Mozis de tɔk bɔt di sem tin. 9Wi rid na di Lɔ we Gɔd gi Mozis se, “Nɔ fɔ tay dɛn ebi kaw dɛn mɔt wɛn dɛn de mas rɛs fɔ mek di kanda kɔmɔt.” Na fɔseka dɛn kaw mek Gɔd tɔk dat bikɔs i nɔ want mek dɛn angri? 10Ɔ na wi i min we i tɔk dat? Na wi dɛn rayt dat fɔ, dawt nɔ de pan dat. Di man we de dig di grɔn fɔ mek dɛn plant ɛn di wan we de gɛda wetin dɛn plant, dɛn tu fɔ sheb ɔl wetin dɛn ebul gɛt. 11Wi dɔn gi una dɛn tin we Gɔd in Spirit gi wi fɔ gi una. If una gi wi dɛn tin we gud fɔ wi bɔdi, na at tin dat fɔ una? 12If ɔda pipul tink se una fɔ gi dɛn tin ya bay rayt, we wi? Wi nɔ gɛt rayt pas dɛn? Bɔt wi nɔ tinap pan wi rayt. Bifo dat, wi bia ɔltin fɔ mek natin nɔ tap una mek una nɔ yɛri di Gud Nyus bɔt Krays. 13A shɔ se una no se dɛn pipul we de wok na Gɔd in Os, na Gɔd in Os dɛn de gɛt di tin we dɛn de it, ɛn dɛn wan we de mek sakri fays na di ɔlta de gɛt pan di tin dɛn we dɛn de sakri fays. 14Semwe so, di Masta dɔn tɔk se, dɛn pipul we de tɔk bɔt di Gud Nyus, na di we dat we dɛn fɔ tek gɛt dɛn yon jɛjɛ. 15Bɔt a nɔba fos fɔ gɛt ɛni wan pan dɛn tin ya we a fɔ gɛt, bay rayt, ɛn nɔto dat mek a de rayt dis lɛta to una naw. Bifo a du dat mek a day. Nɔbɔdi nɔ go pruv se a nɔ min wetin a tɔk we a se a nɔ kin aks fɔ pe. 16A nɔ gɛt rayt fɔ bost bikɔs a de tɔk bɔt di Gud Nyus. Afta ɔl a fɔ du dat, i go bad fɔ mi if a nɔ du dat! 17If a bin de du mi wok bikɔs na mi want fɔ du am nɔmɔ, da tɛm de a bin fɔ de luk fɔ pe; bɔt nɔto so i bi, a gɛt fɔ du am bikɔs na Gɔd gi mi di wok fɔ du. 18So wetin na mi pe? Na di wɔnda ful chans we a gɛt, we plɛnti ɔda pipul nɔ gɛt fɔ tɔk bɔt di Gud Nyus ɛn nɔ aks fɔ pe, ɛn we a nɔ de aks fɔ dɛn tin we a fɔ gɛt bay rayt bikɔs a de wok fɔ prɛd di Gud Nyus. 19Mi na fri man, mi nɔto slev to ɛnibɔdi; bɔt a de mek misɛf slev to ɔlman, so dat a go bring ɔl dɛn wan we a kin bring, kam to Krays. 20Wɛn a de wok wit dɛn wan we na Ju, a de du lɛkɛ se misɛf na Ju, so dat a kin mek dɛn kam to Krays, ɛn pan ɔl we misɛf nɔ de ɔnda di Lɔ we Gɔd gi Mozis, a de du lɛkɛ se a de ɔnda di Lɔ lɛkɛ dɛn wan we de ɔnda di Lɔ, fɔ mek dɛn kam to Krays. 21To dɛn pipul we nɔ de ɔnda di Lɔ, a mek lɛkɛ se misɛf nɔ de ɔnda di Lɔ (nɔto fɔ se a nɔ de du wetin Gɔd in lɔ se, bikɔs a de ɔnda Krays in lɔ), a du so, so dat a kin bring dɛn wan we nɔ de ɔnda di Lɔ kam to Krays. 22To dɛn wan we nɔ go fa yet pan Krays in we, a kin mek lɛkɛ se misɛf no go fa yet pan Krays in we, so dat bay aw a de du, dɛn go go fa pan Krays in we: bay aw ɔlman tan na so misɛf de chenj, so a de fɛn ɔl kayn we so dat sɔm pipul mɔs sev. 23Ɔl dɛn tin ya we a de du na fɔ mek di Gud Nyus go prɛd ɔlɔbɔt, ɛn mek mi ɛn una gɛt pan dɛn blɛsin we di Gud Nyus de bring fɔ wi. 24Una nɔ no se pan ɔl dɛn pipul we de rɔnres na wan gren pɔsin kin win? So unasɛf fɔ rɔn mek una go win. 25Ɛnibɔdi we want tek pat pan rɔnres, na pɔsin we nɔ go du ɛni tin we nɔ go mek in bɔdi fit, ɛn i go de du ɔl dɛn tin we go mek i ebul rɔn. Ɔl dɛn tin ya we i de du na fɔ mek i gɛt krawn di de we i go win, bɔt da krawn de na krawn we nɔ go las; bɔt ɔl wetin wi de du, na fɔ mek wi gɛt di krawn we Gɔd go gi wi, we go las sote go. 26Na dat mek, a de du lɛkɛ pɔsin we de put ɔl in at pan di res we i de rɔn, mek i go win, a nɔ de du lɛkɛ pɔsin we de tra ybon. 27A de du ɔl dɛn tra nga tin we go mek mi bɔdi tra nga ɛn mek a ebul kɔntrol am, lɛ Gɔd nɔ go se, mi we dɔn tren pipul fɔ rɔnres, misɛf nɔ fit fɔ rɔn.

will be added

X\