GBOO SAA KƆYINDI KO A 2

1Mi Kristiɛn brɔda dɛn, di tɛm we a bin kam to una, nɔto fayn fayn wɔd dɛn ɛn mi yon sɛns a tek fɔ tɛl una di tru wɔd bɔt Gɔd. 2Ɔl di tɛm we a bin de wit una, a bin mekɔp fɔ jɛs de tɔk nɔmɔ bɔt Jizɔs Krays we dɛn kil na di krɔs. 3Ɔl da tɛm de na so a bin de fred fred, a de tri mbul, a bin de fil wik. 4Ɛn wɛn a bin de tɛl pipul bɔt Jizɔs, nɔto swit mɔt ɛn mɔta lman sɛns a bin de tek tɔk, bɔt a sho una se na Gɔd in Spirit pawa de wok pan mi fɔ mek a tɔk bɔt Krays. 5A du dat fɔ mek una nɔ abop pan mɔta lman sɛns, bɔt pan Gɔd in pawa. 6Fɔ tru, wetin wi de tɔk na sɛns to dɛn wan we dɔn go fa pan di Spirit yon we. Dis sɛns ya nɔto da kayn sɛns we mɔta lman gɛt, ɛn nɔto di sɛns we dɛn wan we de na pawa lɛk fɔ gɛt. Dɛn pipul we gɛt pawa na dis wɔl naw, dɛn pawa sɛf gɛt fɔ dɔn. 7Bɔt di sɛns we wi de tɔk bɔt na Gɔd yon, we i nɔ bin mek mɔta lman no bɔt, te insɛf sho dɛn; na da sɛns de Gɔd bin dɔn put, bifo i mek di wɔl, fɔ ɛp wi mek wi gɛt layf we go de sote go. 8Nɔn dɛn pipul we gɛt pawa na dis wɔl nɔ bin kechɔp se dis sɛns ya de, if dɛn bin kechɔp dɛn nɔ bin fɔ nel di Masta, we gɛt pawa ɛn ɔna, pan di krɔs. 9Bɔt, wi fɔ mɛmba se, dɛn rayt na Gɔd in Buk se, “Yay nɔ si yet, yes nɔ yɛri yet, mɔtalman nɔ no yet wetin Gɔd dɔn rɛdi fɔ dɛn wan we lɛk am.” 10Bɔt Gɔd dɔn mek in Spirit sho wi dis sɛns ya we i nɔ bin dɔn mek wi no yet. Na di Spirit de dig fɔ no ɔltin bɔt Gɔd, ɔl dɛn tin we Gɔd nɔ de sho mɔta lman. 11Nɔbɔdi nɔ no wetin de na in kɔmpin at pas di spirit nɔmɔ we de insay di pɔsin, semwe so nɔbɔdi nɔ no wetin Gɔd de plan pas Gɔd in yon Spirit. 12Nɔto di wɔl yon spirit wi gɛt, na Gɔd in yon Spirit wi gɛt; na in go mek wi no wetin Gɔd de gi wi fri. 13Nɔto di we we mɔta lman sho wi, wit dɛn yon sɛns, fɔ tɔk dɛn tin ya, wi de tɔk dɛn, na bay aw Gɔd in Spirit sho wi, na di sɛns we di Spirit gi wi, wi de tek tɔk bɔt dɛn tru tin we di Spirit de tɛl wi. 14Bɔt pɔsin we nɔ gɛt Gɔd in Spirit nɔ go ebul ɔnda stand dɛn tin we i de tɛl wi, dɛn na nɔnsɛns fɔ am; i nɔ ebul ɔnda stand dɛn, na di Spirit nɔmɔ ebul mek pipul ɔnda stand dɛn. 15Pɔsin we gɛt di Spirit no wetin bad ɛn wetin gud, bɔt nɔbɔdi nɔ ebul no uskayn pɔsin da pɔsin de insɛf bi. 16Dɛn rayt na Gɔd in Buk se, “Udat no wetin Gɔd de mɛmba fɔ du? Udat ebul tɛl Gɔd aw i fɔ du in wok?” Bɔt wi de tink lɛkɛ aw Krays de tink.

will be added

X\