GBOO SAA KƆYINDI KO A 16

1Wɛn una want gɛda di mɔni fɔ tek ɛp Gɔd in pipul dɛn na Judia; una fɔ de du wetin a tɛl dɛn Kristiɛn we de na dɛn chɔch na Galeshya fɔ du. 2Ɛvri Sɔnde, ɔlman fɔ put sɔm mɔni wansay, bay di mɔni we i de wok; una fɔ gɛda dɛn mɔni ya, so dat di tɛm we a kam, una nɔ go gɛt fɔ gɛda mɔni igen. 3Wɛn a kam, a go sɛn pipul we una trɔs fɔ kɛr di mɔni go Jerusɛlɛm, a go gi dɛn lɛta fɔ mek di pipul dɛn na Jerusɛlɛm no se na wi sɛn dɛn. 4Bɔt if i go bɛtɛ mek misɛf go, dɛn go go wit mi. 5A go kam to una wɛn a kɔmɔt Masi do nya, bikɔs a go pas na Masi do nya. 6I luk lɛkɛ se di tɛm we a go de wit una go lɔng lili bit, sɔntɛm a go de wit una ɔl di kol sizin; dɛn una go ɛp mi mek a go di ɔda say we a want go, ilɛk usay dat go bi. 7Wɛn a go to una a nɔ go jɛs want fɔ de shɔt tɛm nɔmɔ. If Gɔd gri, a go lɛk fɔ de lɔng wit una. 8Bɔt na Ɛfisɔs ya a go de te di de we na Pɛntikɔst. 9Chans de naya fɔ du big wok ɛn bɛtɛ wok fɔ Gɔd, pan ɔl we plɛnti pipul de we nɔ want mek di wok go bifo. 10Bɔt if Timoti rich to una, una mek i fil se una gladi fɔ we i go to una, bikɔs insɛf de wok fɔ di Masta lɛkɛ mi. 11Nɔbɔdi nɔ fɔ luk se we i yɔng, i nɔ go ebul du bɛtɛ wok, bɔt una fɔ ɛp am mek i go gɛt kol at wɛn i de go dɛn ɔda say dɛn we i gɛt fɔ go, so dat i go kam bak kam mit mi; mi ɛn di ɔda Kristiɛn brɔda dɛn de luk in rod fɔ mek i kam bak to wi. 12As fɔ brɔda Apɔlɔs, plɛnti tɛm a kin tɛl am mek i de go fɛn una wit dɛn ɔda Kristiɛn brɔda dɛn, bɔt i nɔ fil se in fɔ go naw. Bɔt wɛn i gɛt chans, i go go. 13Una fɔ wayda wek, una fɔ tinap tra nga pan di biliv we una biliv pan Gɔd, una fɔ gɛt kɔrej, una nɔ fɔ mek ɛni tin pul una pan di wok we una de du fɔ Gɔd. 14Ɛni tin we una de du, una fɔ sho se una lɛk ɔlman. 15Una dɔn yɛri bɔt Stɛfa nas ɛn in fambul dɛn; na dɛn fɔs biliv pan Krays na Gris, ɛn dɛn dɔn gi ɔl dɛn layf fɔ wok fɔ Gɔd in pipul dɛn. Mi kɔmpin Kristiɛn dɛn, a de beg una 16mek una fala dɛn kayn lida ya, ɛn ɛni ɔda pɔsin we de wok wit dɛn tra nga wan. 17A gladi we Stɛfa nas, Fɔtu netɔs, ɛn Akeikɔs dɔn kam; we una nɔ ebul kam, dɛn dɔn kam, 18dɛn dɔn mek mi at gladi, lɛkɛ aw dɛn bin mek una at gladi. Man lɛkɛ dɛn kayn ya fit fɔ mek una rɛspɛkt dɛn. 19Dɛn chɔch na Eshya de tɛl una adu; Akwila ɛn Prisila ɛn dɛn Kristiɛn we de gɛda na dɛn os, de tɛl una plɛnti plɛnti adu wit ɔl dɛn at. 20Ɔl dɛn Kristiɛn brɔda dɛn sɛn adu fɔ una. Una fɔ sho se una lɛk una kɔmpin bay di we we una de tɛl dɛn adu. 21Na misɛf yon an a tek rayt dis pat: Na mi, Pɔl, de tɛl una adu. 22Ɛnibɔdi we nɔ lɛk di Masta, kɔs de pan am. Wi Masta de kam! 23Mek di Masta Jizɔs sho una aw i gud. 24A de tɛl una se a lɛk una bikɔs wi ɔl na Krays Jizɔs yon pipul.

will be added

X\