GBOO SAA KƆYINDI KO A 13

1If a sabi tɔk ɔl dɛn langwej we mɔta lman de tɔk ɛn we enjɛl sɛf de tɔk, ɛn a nɔ lɛk mi kɔmpin mɔtal man, di tin we a de tɔk go jɛs tan lɛkɛ wɛn pɔsin de bit pan ɔ wɛn bɛl de ring lawd lawd wan. 2Ɔ if a gɛt di pawa fɔ tɔk wɔd we Gɔd tɛl mi fɔ tɔk; if a sabi ɔltin; ɔ if a kin ɔnda stand ɔltin; if a ebul muf ay ay il bikɔs a biliv Gɔd lɛkɛ aw a fɔ biliv am, ɛn a nɔ lɛk mi kɔmpin mɔta lman, ɔl dɛn tin ya we a ebul du nɔ min natin. 3If a giwe ɔl wetin a gɛt sɛf to po pipul, ɔ a gri sɛf mek dɛn bɔn mi bɔdi, bɔt a nɔ lɛk mi kɔmpin mɔta lman, ɔl dat nɔ min natin. 4If una lɛk una kɔmpin mɔta lman una go de bia wit dɛn; una go gɛt gud at fɔ dɛn; una nɔ go de jɛlɔs dɛn; una nɔ go prawd; ɔ fil se una bɛtɛ pas dɛn. 5Una nɔ go de du tin we go mek pipul nɔ rɛspɛkt una; una nɔ go want mek una yon biznɛs nɔmɔ go bifo; una nɔ go de vɛks; una nɔ go kip tin na una at; 6una nɔ go gladi fɔ ɛni tin we nɔ rayt, bɔt una go gladi fɔ yɛri ɛni tin we na tru. 7Una go ebul bia ɔltin we pipul du una; una go biliv gud tin bɔt pipul ɔltɛm; una go de abop ɔltɛm se bɛtɛ go fala dɛn; ɛn una nɔ go tap fɔ lɛk una kɔmpin mɔta lman wɛn tin tra nga. 8Dɛn wɔd we Gɔd tɛl in prɔfɛt dɛn fɔ tɔk, tɛm de kam we dɛn nɔ go tɔk dɛn igen; dɛn difrɛn langwej we pipul kin tɔk, bɔt we dɛnsɛf nɔ ɔnda stand, tɛm de kam we dɛn nɔ go tɔk dɛn igen; ɔl dɛn tin we sɔm pipul sabi, dɛn nɔ go sabi dɛn igen. Bɔt lɛk go de sote go. 9Wi nɔ sabi ɔl di tin dɛn we wi fɔ sabi, na wan wan nɔmɔ wi sabi; pan ɔl dɛn wɔd we Gɔd tɛl wi fɔ tɛl ɔda pipul, na sɔm nɔmɔ wi de tɔk. 10Wɛn di tɛm rich we ɔltin go dɔn bi lɛkɛ aw dɛn fɔ bi, wi go no ɔltin gud ɛn wi go lɛf fɔ du tin af ɛn af. 11Da tɛm we mi na bin pikin, na pikin tɔk bin de na mi mɔt, a bin de ɔnda stand lɛkɛ aw pikin de ɔnda stand, a bin de tink lɛkɛ aw pikin de tink; bɔt naw we a dɔn big a dɔn dɔn wit pikin biznɛs. 12Wetin wi de si naw tan lɛkɛ wetin pɔsin kin si na glas we nɔ klia; bɔt da tɛm de, wi go si gud gud wan wit wi yon yay. A nɔ sabi plɛnti tin naw, bɔt da tɛm de a go sabi ɔltin gud gud lɛkɛ aw Gɔd sabi mi gud gud. 13Na dɛn tri tin ya pɔsin go de du sote go: biliv, abop, ɛn lɛk, bɔt di wan we pas dɛn ɔl na lɛk.

will be added

X\