GBOO SAA KƆYINDI KO A 12

1Mi brɔda dɛn, a want mek una sabi wetin tru bɔt dɛn difrɛn tin we Gɔd in Spirit de mek di Kristiɛn dɛn sabi fɔ du. 2Una no se di tɛm we una nɔ bin no Gɔd yet, una bin de pre to dɛn tin we nɔ gɛt layf we mɔta lman mek fɔ pre to, ɛn ɔltɛm dɛn kin de drɔ una fɔ kɔmɔt na di rayt rod go fala dɛn. 3Una fɔ no se ɛnibɔdi we Gɔd in Spirit de kɔntrol nɔ go tɔk bad bɔt Jizɔs! Ɛn nɔbɔdi nɔ go ebul tɔk se Jizɔs na di Masta pas Gɔd in Spirit de insay am. 4Na plɛnti difrɛn kayn tin Gɔd in Spirit de mek di Kristiɛn dɛn ebul du, bɔt na di sem Spirit de mek dɛn ebul du dɛn ɔl. 5Plɛnti difrɛn we de fɔ sav Gɔd, bɔt na di sem Masta wi de sav. 6Plɛnti pipul sabi fɔ du difrɛn difrɛn wok, bɔt na di sem Gɔd de mek difrɛn pipul sabi fɔ du difrɛn difrɛn wok. 7Gɔd in Spirit de mek Gɔd in pawa wok insay ɔlman so dat ɔlman go bɛni fit. 8Gɔd in Spirit de gi wan pɔsin in yon sɛns fɔ tɔk in mɛsej, di sem Spirit de mek ɔda pɔsin sabi aw fɔ tɔk Gɔd in mɛsej pas in kɔmpin. 9Di sem Spirit de gi wan pɔsin pawa fɔ biliv pan Krays tra nga wan pas ɔda pipul, ɛn i de gi ɔda pɔsin pawa fɔ mɛn sikman. 10Di sem Spirit de gi wan pɔsin pawa fɔ du wɔnda ful wok; i de gi ɔda wan pawa fɔ tɔk Gɔd in wɔd; i de mek ɔda wan ebul no if na Gɔd in Spirit ɔ na bad spirit de mek di pɔsin tɔk wetin i de tɔk; i de mek ɔda pɔsin ebul tɔk langwej we insɛf nɔ ɔnda stand; ɛn i de mek ɔda pɔsin ebul fɔ ɛksplen wetin da pɔsin de de tɔk. 11Na di wan Spirit de mek difrɛn pipul ebul du dɛn difrɛn difrɛn tin ya, lɛkɛ aw i want. 12Krays na lɛkɛ bɔdi we gɛt plɛnti pat; pan ɔl we di pat dɛn plɛnti, di bɔdi insɛf na wan gren bɔdi. 13Semwe so, bay di sem Spirit, we wi dɔn baptayz, wi ɔl dɔn kam bi wan bɔdi, we na Krays in bɔdi; dɛn wan we na Ju ɛn dɛn wan we nɔto Ju, dɛn wan we na slev, ɛn dɛn wan we fri; ɛn di sem Spirit dɔn kam insay wi ɔl. 14Nɔto wan pat nɔmɔ de pan di bɔdi, di bɔdi gɛt plɛnti pat. 15If di fut se, “Bikɔs mi nɔto an, mi nɔto pat pan di bɔdi,” dat nɔ min se in nɔto pat pan di bɔdi. 16Ɛn if di yes se, “Bikɔs mi nɔto yay, mi nɔto pat pan di bɔdi,” dat nɔ min se in nɔto pat pan di bɔdi. 17If di wan ol bɔdi na bin yay, aw i go yɛri? Ɔ if di wan ol bɔdi na bin yes, aw i bin fɔ ebul smɛl ɛni tin? 18Bɔt Gɔd put dɛn difrɛn difrɛn pat ya na di bɔdi lɛkɛ aw i want dɛn fɔ de. 19Bɔdi nɔ bin fɔ de if ɔl dɛn difrɛn pat ya na bin wan pat nɔmɔ. 20Naw i bi se di bɔdi gɛt plɛnti pat. 21So di yay nɔ go tɛl di an se, “A kin du witawt yu.” Di ed nɔ go tɛl di fut se, “A kin du witawt yu.” 22Wi nɔ go ebul du ɛni tin if dɛn pat we wi tink se nɔ gɛt bɛtɛ trɛnk nɔ de na wi bɔdi; 23dɛn pat we wi nɔ luk se bɛtɛ, na dɛn wi de kia fɔ pas dɛn ɔda wan; ɛn dɛn pat we nɔ so fayn fɔ si, na dɛn wi de kɔba gud; 24wi nɔ gɛt fɔ kɔba dɛn pat we fayn fɔ si. Gɔd insɛf dɔn so put ɔl di pat dɛn na di bɔdi togɛda, dat dɛn pat we wi nɔ luk se bɛtɛ gɛt rɛspɛkt pas dɛn ɔda wan. 25So di bɔdi nɔ sheb, ɔl di difrɛn pat dɛn fɔ wok togɛda ɛn kia fɔ wananɔda. 26If wan pat pan di bɔdi de sɔfa ɔl di ɔda pat dɛn go sɔfa wit am, ɛn if wan pat gɛt rɛspɛkt, ɔl di ɔda pat dɛn go gladi wit am. 27Una ɔl mek ɔp Krays in bɔdi, wan pɔsin na wan pat, ɔda pɔsin na ɔda pat. 28Na so i bi na di chɔch: fɔs, Gɔd put dɛn apɔsul; sɛkɛn, dɛn prɔfɛt; tɔd, dɛn ticha; dɛn i put dɛn wan we de du wɔnda ful wok bay in pawa; afta dɛn i put dɛn wan we i gi pawa fɔ mɛn sik pipul; dɛn i put dɛn wan we i gi pawa fɔ ɛp ɔda pipul; dɛn wan we i gi pawa fɔ tɛl pipul wetin dɛn fɔ du; ɛn dɛn wan we i gi pawa fɔ tɔk dɛn langwej we dɛnsɛf nɔ ɔnda stand. 29Nɔto ɔlman na apɔsul, nɔto ɔlman na prɔfɛt, nɔto ɔlman na ticha. Nɔto ɔlman gɛt pawa fɔ du wɔnda ful wok, 30ɔ fɔ mɛn sik pipul, ɔ fɔ tɔk dɛn langwej we dɛnsɛf nɔ ɔnda stand, ɔ fɔ ɛksplen wetin dɛn de tɔk. 31So una fɔ put una at pan ɔl dɛn tin we Gɔd in Spirit de mek una sabi fɔ du we pas ɔl dɛn ɔda tin, dat na dɛn wan we go ɛp ɔlman. Bɔt wetin bɛtɛ pas ɔl dɛn tin ya na in a de kam sho una naw.

will be added

X\