GBOO SAA KƆYINDI KO A 10

1Mi Kristiɛn brɔda dɛn, a want mek una mɛmba wetin bin bi to wi pipul dɛn we bin de fala Mozis lɔntɛm. Klawd bin de oba dɛn fɔ mek natin bad nɔ bi to dɛn, ɛn natin bad nɔ bi to dɛn wɛn dɛn bin de pas na di wata we dɛn kɔl Rɛd Si, we Gɔd bin sheb tu say. 2Di klawd we bin de oba dɛn ɛn di wata we dɛn go insay mek dɛn tan lɛkɛ se dɛn baptayz ɛn dat mek dɛn bi pipul we de fala Mozis. 3Dɛn ɔl bin de it di sem it we Gɔd gi dɛn, 4ɛn dɛn ɔl bin de drink di sem drink we Gɔd gi dɛn. Na Gɔd in rɔk we bin de go wit dɛn, na de dɛn bin de gɛt fɔ drink; ɛn da rɔk de na bin Krays insɛf. 5Bɔt pan ɔl dat, Gɔd nɔ bin sati sfay wit plɛnti pan dɛn, so di tɛm kam we dɛn dedebɔdi bin skata na di dɛzat. 6Ɔl dɛn tin ya na fɔ sho wi se wi nɔ fɔ want fɔ du dɛn bad tin, lɛkɛ dɛn pipul ya we a dɔn tɔk bɔt. 7Ɛn wi nɔ fɔ pre to dɛn tin we mɔta lman mek lɛkɛ aw sɔm pan dɛn pipul ya bin de du. Dɛn rayt na Gɔd in Buk se, “Di pipul dɛn bin sidɔm fɔ it ɛn drink, dɔn dɛn grap fɔ dans, drɔnk ɛn liv fri layf.” 8Wi nɔ fɔ liv fri layf, lɛkɛ aw sɔm pipul bin du, we mek twɛnti-tri tawzin pan dɛn day wan de. 9Wi nɔ fɔ tray Krays ɛn mek i tap fɔ bia wit wi, lɛkɛ aw i bin tap fɔ bia wit sɔm pan dɛn pipul ya, ɛn mek snek bɛt ɛn kil dɛn. 10Una nɔ fɔ kɔmplen bɔt ɛni tin, lɛkɛ aw sɔm pan dɛn pipul ya bin de kɔmplen, we mek di enjɛl we de kil, kil dɛn. 11Ɔl dɛn tin ya bi fɔ mek ɔda pipul si wetin go bi to dɛn, if dɛnsɛf du dɛn sem tin ya; ɛn dɛn rayt dɛn dɔng fɔ wi fɔ mek wi tek tɛm. Dis tɛm ya we wi dɔn liv fɔ si nɔ fa frɔm di tɛm we ɔltin na wɔl go dɔn. 12Ɛnibɔdi we tink se in tinap, fɔ tek tɛm, mek i nɔ fɔdɔm. 13Ɛnitɛm we una fil fɔ du bad, una fɔ mɛmba se ɔda pipul sɛf kin fil fɔ du dɛn sem tin de. Bɔt Gɔd we de du ɛni tin we i prɔmis fɔ du, nɔ go mek una fil fɔ du ɛni bad tin we una nɔ go gɛt pawa fɔ lɛf; bɔt wɛn una fil fɔ du bad, da sem tɛm de Gɔd go mek una ebul tinap tra nga ɛn i go sho una wetin fɔ du mek una nɔ go du di bad tin we una bin want fɔ du. 14So, mi padi dɛn, una nɔ fɔ pre to dɛn tin we mɔta lman mek. 15A de tɔk to una lɛkɛ pipul we gɛt sɛns; unasɛf tink if wetin a de tɛl una gud ɔ bad. 16Wɛn wi de drink di wayn we de na di kɔp we di Masta bin blɛs ɛn wi tɛl am tɛnki: nɔto drink wi ɔl de drink pan Krays in blɔd? Ɛn wɛn wi brok di bred ɛn sheb am, nɔto it wi ɔl de it pan Krays in bɔdi? 17Bikɔs na wan bred de, wi ɔl dɔn bi wan bɔdi pan ɔl we wi plɛnti, bikɔs wi ɔl dɔn it pan di wan bred. 18Lɛ wi luk dɛn Izrɛl pipul; dɛn wan we de it dɛn tin we dɛn dɔn sakri fays to Gɔd, dɛn ɔl at de klos Gɔd. 19Wetin a min bay dat? Dɛn tin we mɔta lman de pre to ɛn di it we dɛn de gi dɛn, na ɛni bɛtɛ tin? 20Dɛn nɔto ɛni bɛtɛ tin. A de tɛl una se wetin dɛn dɔn sakri fays to dɛn tin we mɔta lman mek fɔ pre to, na dɛbul dɛn de gi, nɔto Gɔd, ɛn a nɔ want mek una jɔyn wit dɛbul. 21Una nɔ go de drink drink we Gɔd dɔn blɛs, dɔn una de drink drink we pipul dɔn sakri fays to dɛbul. Semwe so, una nɔ go de it it we Gɔd dɔn blɛs, dɔn una go it tin we dɛn dɔn sakri fays to dɛbul. 22Una want mek Gɔd vɛks pan una? Una tink se una tra nga pas am? 23Sɔm pipul go se, “Wi kin du ɛni tin, nɔbɔdi nɔ go tap wi.” Dat na tru. Bɔt nɔto ɔltin we pɔsin kin du, gud. Dɛn go se igen, “Wi kin du ɛni tin,” bɔt nɔto ɔltin we dɛn de du, go ɛp ɔda pipul. 24Ɔlman nɔ fɔ jɛs de luk fɔ dɛn yon bɛtɛ wan nɔmɔ, dɛn fɔ de tray fɔ mek bɛtɛ fala dɛn kɔmpin. 25Una fri fɔ it ɛni bif we dɛn de sɛl na makit ɛn una nɔ gɛt fɔ aks kwɛshɔn fɔ no usay di bif kɔmɔt fɔ mek una no if i rayt fɔ it am. 26Dɛn rayt na Gɔd in Buk se, “Dis wɔl ɛn ɔltin we lib de na Gɔd yon.” 27If pɔsin we nɔ biliv Gɔd, kɔl una fɔ it, ɛn una gri fɔ go, una fɔ it wetin dɛn gi una, una nɔ fɔ aks kwɛshɔn. 28Bɔt if sɔmbɔdi tɛl una se, “Dɛn dɔn sakri fays dis it ya to dɛn tin we mɔta lman de pre to,” una nɔ fɔ it da it de, nɔto bikɔs una go fil bad, bɔt bikɔs if una it am, da pɔsin de go fil bad. Sɔmbɔdi kin aks se, “If pɔsin fil bad, dat fɔ tap mi mek a nɔ du wetin a want du, a nɔ fri fɔ du wetin a lɛk? 30If a tɛl Gɔd tɛnki fɔ mi it bifo a it am, wetin du pɔsin fɔ se na bad a du we a it di it we a dɔn tɛl Gɔd tɛnki fɔ?” 31Wɛl, ɛni tin we una de du, if una de it ɔ una de drink, una fɔ mek Gɔd gɛt di prez fɔ ɔl. 32Una fɔ liv una layf so dat una nɔ go mek Ju pipul, ɔ pipul we nɔto Ju, ɔ pipul we na Kristiɛn tap fɔ biliv pan Gɔd. 33Na so misɛf de du; ɛni tin we a de du, a de tray fɔ mek ɔlman sati sfay, a nɔ de tray fɔ gen ɛni tin fɔ misɛf, a de wok fɔ ɛp mek plɛnti pipul sev.

will be added

X\