Titus 2

1Möce kule net nyi ŋalek ce rupe konetisyet nyepo manta. 2Mwoci poyik kutoloyitu oŋnkuŋomekitu oŋnkuripkey ce ponto koyenet nye kwilat, oko cömisyet oko muytocinotet. 3Mwoci mpo cepyosok kopurto soponto nyetilil. Puryo kumisyini kot kwek semsemot nto mpo kwek pokitis. Misyini kunetis cek konetisyet nyepo ŋalek cepo manta ce toponec, 4sukuŋet koruk ce minkec kucäm sanikwa oko lekok, 5oŋnkuripkey kutililitu oŋnkwek koruk ce toponec om korikwa ce yweye sanikwa. Sukuŋet komokuŋolole kwapi ci ake tokol lokoywek cepo Yiyintet. 6Oŋnkimwoci mpo Oyiperik kuripkey kuyunyoto. 7Möce ripkey mpenyi nkit sukuŋet poru yisyonutek ce toponec om kiy ake tokol nye yiye. Misyini netisye kupoyit manta oŋnkiyiyisye swama. 8Yiyisye ŋalek ce toku cepo manta ce memuce kot kunyil kutay citake, sukuŋet kusornen punik cekuk omnye moponto ŋolyo nye miyat nye mokuŋalalenec acek. 9Möce kuywey mutworik mokorenikwa, oŋnkuŋerec om kiy ake tokol, nye puryo kot kutintentos. 10Mpo kucor kiy ake tokol nyepo mokorenikwa. Ntene misyini kupor kule ciku toponec okokoy oŋnkyiye yisyet nye kacemwowec, sukuŋet kusut kakastayet om wule mite konetisyetap Yiyintet kosopintenyo om kiy ake tokol nye yiye. 11Omnye kiceŋany kutok poypoyetap Yiyintet kosut kosopotet om wule mite piko. 12Netec kuporwec acek kupeyok coto kule kyaste soponto nye puryo kot kupo Yiyintet oko corokyinotet nyepo koret. Oŋnkyeripkey cipurte soponto nye topon nye rotat nye cöme Yiyintet; 13ye ce mite cikeni pesyet nyepo kupeyok ce cemöce koromun. Pesyet nyoto kunye pesyet nye mosukutok woyinto nyewo nyepo Yiyintenyo oŋnkukosopintet Yesu Kristo. 14Kikonnkey neto nkit cokusorwec acek om wule mite miyotyonik alak tokol, oŋnkusatec cetililitu oŋnkuwecec ciku pikyi, oŋnkukonec kyiy yisyonutek ce toponec. 15Net nyi cekto ŋalecu, oŋnkiyiyisye kamukeywek tokol ye mite titiri, oŋnkipolyi piko co lime ŋalek cekuk. Mente kot kunyiliŋ ci ake tokol.

will be added

X\