Revelation 15

1Yoto akäs ani kito ake nyepo kakitat nye mite torot, kiy nyewo nye cikite koromun. Kimite yoto malaykanik tisapu ce kiponto toŋoŋutek tisap cepo letut, coto kuce nerekwekap Yiyintet cepo letut. 2Akäs yec kiy nye kerkey ruretyet nyepo kilasit nye ponto mata. Akäs mpo piko co kiporye kupël tyonynto oko kerkeynnyi oŋnkupël mpo neto nyo cekonu kaynenyi kyiyisye nampet. Kimite cekto kukeyoŋe tapantap ruretyet nyepo kilasit, kuponto kirancinek ce kikoci Yiyintet cekto. 3Kitume tumntap Moses kiyokintetap Yiyintet oko tumntap Lekwap Kecir kumwowu kule: “Mokoryontet Yiyintet nyepo kamukeywek tokol, po kakitat koromun yisyonutekuk! Kinko nyepo yemosyek tokol, toponec oŋnkupo manta orustunwekuk! 4Mokoryontet, ŋo nye meyweyiŋ nyi? Ŋo nye metorore kayneŋuŋ? Yiku nyi tilil nkit. Mosukukwa yemosyek tokol kwokusayiŋ nyito, omnye kucekäs kutok yisyonutekuk cepo manta.’’ 5Nto om letutap ŋalecu, yoto akäs ani kotap Yiyintet om torot nye yatat, oko wemet nye poru wule purune Yiyintet orit. 6Kukwane kotap Yiyintet orit malaykanik tisapu co ponto toŋoŋutek tisap. Kiloce cekto sukanik celelac celekecectos, oŋnkuponto misipinek cepo Sapunek ce korotyi teketikwa. 7Yoto kuŋet tyonynto akenke om tyoŋik amwan ce soptos, kukoci malaykanik tisap pokulinek tisap cepo Sapunek ce kinyitotin orit nerekwekap Yiyintet nye sopot okokoy okoy okokoy. 8Kunyiy kotap Yiyintet orit yetit nye cone wule mite woyinto oko swametap Yiyintet. Puryo ci nye kimuc kowut kotap Yiyintet orit okoy kupok toŋoŋutek tisapu co kisutu malaykanik tisapu.

will be added

X\