James 5

1Akwek mokorenik ce oponte tukuk, alim pa yawut! Orirye oyome mnyat om toŋoŋutek ce karik kukwontyok! 2Kinuntyo mokoryontinekwok oŋnkwam solopik sirok cikwok. 3Kukurwotyeci Sapunek oko karik cepo pesanik cikwok. Wule kerwotyeci ku wule mosukwek muncururwanik ce wosontyok akwek. Mosukwam panyek cepo porwonik cikwok kuyu mata. Kworuruc akwek mokoryontit om pesyosyek cepo letut ye karik ye ŋete koret. 4Monokoci akwek musyaret piko ce kipote mparenikwok. Alim mpa rirek cikwa! Kupunto yitikap Mokoryontet nyepo kamukeywek tokol rirek cepo piko co kisisyi om mparenikwok. 5Kwopur koret oponte soponto nye topon oko ŋerekwek. Kwoyokwoyitu sukuŋet opoyitu pesyet nye cetilenok. 6Kwomutyi musankut oŋnkapakäc cito nye moponto lelis nye memuce kot kuporyenok kuyetkey. 7Kunyo mpo yeya, omuytoci okoy kuco Mokoryontet. Akäs wule muytocini kopotintet okoy kwiy mparenyi omik ce toponec. Muytocini neto okoy kuteryec koret kuropen ropta nyepo tayta oko ropta nyepo yo karik kwek kemey. 8Misyini omuytoci mpo akwek. Osat topon mukuleywekwok, omnye karik pesyetap Mokoryontet. 9Mpo yeya, monte ciŋunyŋunyi akwek kwakwek, nkit, sukuŋet mente cemutwok musankut. Mite ketintet yuteyu keyoŋe yepo kurket. 10Mpo yeya, möce asot workoyik ce kiŋolole om kaynetap Mokoryontet. Möce kwek cekto kito nye ceköse om muytocinotet ye mite toŋoŋutek. 11Cekure acek kule ponto cekto kupeyoy omnye kimuytoci. Kyolim kule kimuytoci Yopu, oŋnketi kule kikoci Yiyintet neto tukuk om letut. Omnye ponto Mokoryontet poypoyet nyewo oko kalyet. 12Mpo yeya, kito nye pële tokol kunyi kule, monte ciwolyikey koret torot, nto mpo koret ŋony. Ye owolikey kawalet ake tokol. Omwowu pate kule, “Puryo’’ ye puryo kupoyit manta. Oŋnkomwowu kule, “Yunyoto’’ ye yunyoto kupoyit manta, sukuŋet mente kot kuwosontyok Yiyintet. 13Mite pa cito ake om akwek nye ponto wuyinto? Kuroke kusom. Mite pa cito nye ŋerekat? Roke nyoto kutum tumwonik ce kostoyisye. 14Mite pa cito nye mnyone? Roke nyoto kukur poyik cepo pikap Yiyintet, ce mosukusomnci cicoto oŋnkuŋape mwayta om kaynetap Mokoryontet. 15Sayet nye kacesay om koyenet kunye mosukusop cito nye mnyone. Mokusop Yiyintet cito nyoto kukalya ye kikwiy miyotyet. 16Kunyo oŋoŋu oporcinikey miyotyonikwok akwek kwakwek oŋnkosomncinikey kwakwek nkit sukuŋet osopce. Ponto Swamet nyewo koromun sayet nye topon. 17Eriya kunye ci nye kikerkey oko acekto. Kisom koromun kule mente kuropen ropta. Yoto kutay moropen ropta kuwany kenyisyek somok ok orok lö. 18Oŋnkusom yec, yoto kuropen ropta okoy kupityo omik. 19Mpo yeya, ye kotepe kot kumasakay cito ake om akwek marup aret nyepo manta, oŋnkuwec cito ake kot kuketkey yec, 20kuroke kunket ŋolyontet nyi kule, ci tokol nye kawec cito nye miyat kwasta lelisto nyenyi mosukusop soponto nyepo cito nye miyat oŋnkusut mpo kokolyoyisyet nyepo miyotyonik ce caŋ.

will be added

X\