James 4

1Cone ono poryet oko wokutyet nyo oponte akwek? Cone corokyinotet nyimwoŋ nye omöce ŋerekwek ce mite kuportos om porwonikwok orit. 2Omöce tukuk ntene puryo kot onyoru, yoto kuye oyiye wokutyet oko poryet. Monyoru tukuk ce omöce omnye puryo kot osome Yiyintet. 3Puryo kot onyoru ye kosom omnye puryo kot osome topon, osome tukuk kule kyiyisye om ŋerekwekwok nkit. 4Akwek piko co mocikenekey! Puryo kot oŋnket kule, ye keyiku corwet nyepo koret yoto kuye keyiku puniyontetap Yiyintet? Ci ake tokol nye möce kule oyiku corwetap koret, kunye yiku nyoto puniyontet nyepo Yiyintet. 5Monte cisot kule po püc pate silutekap Yiyintet ce mwowu kule: “Soponto nyepo Yiyintet nye konec acek, kunye ponto corokyinotet nyeker koromun.’’ 6Ntene poypoyet nye konu Yiyintet kunye ponto yec swamet kupëlis. Kuyu wulo mwowu silutekap Yiyintet kule, “Toye Yiyintet piko co silekey, ntene kocini kupeyok co toloyec.’’ 7Kunyo okoytekey akwek ape wule mite Yiyintet. Otay Setani nyewo nyepo oyik yoto kuye kumweyenok. 8Akwa alekityi Yiyintet, yoto kuye kunok kulekitit om wule omite akwek. Awun yewuniyek cikwok piko co oponte miyotyonik! Awec Mukuleywek cikwok piko co oyiku kaperperot! 9Onyeru yawut, orirye, omesye, awec roryet nyimwoŋ kwek mesyet! Awec ŋerekwek kwek nerekwek ce caŋ. 10Onetkey otoloyitu om taytap Mokoryontet, mosukulaŋntak. 11Mpo yeya, monte cerenyenkey akwek kwakwek nkit. Ci tokol nye kareny yeyanyi kunye kareny nyoto ntarastit oŋnkumutyi musankut. Ye kemutyi musankut ntarastinek kuye kemerupe ntarastinek coto, ntene mutyini pate musankut. 12Yiyintet nkit kunye konu ntarastinek oŋnku ketintet. Neto mpo kunye sope oŋnkwaranta. Nyi kuŋo nye muci kot mutyi musanku cito ake nye akerkeyekey. 13Alim pa piko co mwowu kule, “Mosicipe yawut nto tun okoy moŋet nyi nto nyin, wule mwocipur kenyit akenke kyiy kamonkesyantit okoy cenyoru latik ntene akany.’’ 14Puryo kot oŋnketi ŋolyontet nyepo pesyet nyepo tun, oko wule mosukopurto soponto nyeŋuŋ. Akerkeyekey akwek cekwerut nye coni lakwar oŋnkupot yec lakwar. 15Ntene roke omwowu kule, “Ye kacäm Mokoryontet ye tocesoptosi mosayiy nyi nto nyin.’’ 16Kunyo osilekey akwek yawut, oŋosekey kunyo miyotyo silotet nyoto tokol. 17Ye nkete cito kwiy ŋalek cepo manta, oŋnkurok kupuryo kot kwiy, kakwiy cito nyoto ce miyotec.

will be added

X\