James 3

1Mpo yeya, puryo kot kuroke oyiku konetik piko ce caŋ om akwek, omnye oŋnket kule acek co ciku konetik kuce mucemutwec musankut nyewo kupël piko alak. 2Omnye kyiye acek tokol leliswek aret ce caŋ. Kunyo ye mite ci nye puryo kot kulele kenyis om ŋalek ce ŋolole, kunye nyoto nyepo manta nye muce kurip soponto nyenyi tokol. 3Cikocini karnet kutitap Farasit sukuŋet kulimwec, kunyo cimuci cekwer kuwo wulyo tokol wule ce möce. 4Akäs pa mpo Rapet, nka kot ku kiy nyewo koromun, ntene kosute yomet nyewo, ntene yiyisye kito nye miniŋ nye pire peko oŋnkukwer cito nyo kwere kuyu wule moktoy. 5Kuyunyoto mpo ŋelyepta, kiy nye miniŋ koromun, ntene oŋnkusilekey koromun om tukuk ce woyec. Akäs pa woket nye muce kulay kupok kukapel mata nye kisic! 6Kerkey ŋelyepta oko mata, ŋelyepta kunye koret nyepo miyotyet nye mitowune wule ce mite. Mitowune porto nyinyo, oŋnku nye pciytoy miyotyet kunäm porto tokol. Neto kunye kocini kunäm mata nye cone kapkompic porto nyinyacek tokol. 7Muce cito kunet tyoŋik, kunyo kikonet kot kunay tyoŋik tokol oko toritek oko erenok, oko tyoŋik cepo peko okoy kucömis kopur topon. 8Ntene puryo ci nye muce kenyis kot kurip kunet okoy kopur ŋelyepta topon. Ŋelyepta kunye miyat, nye sokoran oŋnkuponto mwonet nyewo. 9Cecupisye ŋelyepta, cikaste Mokoryontet oŋnku Papa, oŋnkyiyisye cecup mpo yeya ce kicitany om tonto nyepo Yiyintet. 10Kutit kunye akenke nye kwone ŋalek ce cikoste oko ce cecupisye. Mpo yeya, puryo kot kuroke kuyuyit nyo. 11Memuce kot kukosune yeto akenke peko ce misyontet oko ce toponec. 12Mpo yeya, puryo kot kwiye mokoywet sapipunek, oŋnkupuryo kot kwiye sapipunek omik ce mokoyek. Kunyo puryo mpo kot kuwecekey peko ce misyontet kwek peko ce toponec. 13Mite pa cito ake om wule omite akwek nye ŋom nye nkete ŋolyo? Möce koporune soponto nyenyi nye topon om yisyonutek ce yiye om toŋoŋutek oko ŋomnonet. 14Ntene ye ponte corokyinotet nye mwa oko soynonet nye mite mukuleyŋuŋ, kupuryo kot kuroke silkey kwinyi nkit mwowu mwiynanet kerekte ŋalek cepo manta. 15Puryo kot kucone ŋomnonet nyoto torot, cone koret, nye puryo kot ku topon oŋnkupo oyik. 16Omnye! wule mitowune corokyinotet oko soynonet, kumite wuloto cokurotet oko miyotyonik wok tokol. 17Ntene mpo yeya, tilil ŋomnonet nyepo torot, ponto kalyet, sikenotet oko corwantit, oŋnkuponto kakalyayatet nyewo nye konu Mokoryontit nyepo yisyonutek ce toponec, puryo kot kuponto kweyatet oko koperperisyo. 18Nto kupuswek cepo toponiyet kuce kole piko co sutu kalyet.

will be added

X\