Colossians 4

1Akwek mokorenik, opoytoy mutworikwok topon oŋnkoyoyeci topon, oŋnketi kule oponte mpo akwek Mokoryontet nye mite torot. 2Otosyikey osome okokoy, oŋnkoripkey ye okostoy Yiyintet. 3Nteye omite osome, osomwec mpo acek sukuŋet kukonec Yiyintet kuyotwec kurket cenyoru poroyinto cemwaytate lokoywek ce wuŋotin cepo Kristo, omnye ŋalecato ce kisokyo ani sicekerta mopusi. 4Kunyo osomwo saŋet aŋalal ŋalek ce toku om aret nye topon kuyu wule omuktoy. 5Oŋomekitu koromun om ŋalek ye oŋololyini piko co tompo kot kucömis co tokumite saŋ, oyiyisye topon poroyinto nye oponte. 6Möce kutoponit ŋelyepta nyimwoŋ oŋnkoŋerece piko, oŋnkumöce oŋnket ŋalek cepo manta ye owekyini citake tokol ŋolyo. 7Yeyanyo nye cämanet Tukiko nye kikoyen nye yiyisyi oŋnku mutworintet nye kerkey oko acek om yisyetap Mokoryontet nye mosukuco cokwumwowok akwek ŋalek tokol ce nömo ani. 8Kunye koyoku kuco wule omite akwek, kule sukuŋet cokuŋerecak kumwowok ŋalek cekwone wule ce mite acek oko wule cipurtoy acek tokol. 9Contoykey neto Onesimo cito nyinyacek nye kokoyen oŋnku yeyanyo nye ceman nye cone koremwoŋ. Mosukukwa cek oŋnku kwokumwowok ŋalek tokol cekwone wuli cemite acek. 10Kesupayak akwek Aristariko nye cepontekey acek tukway om mopusi oko Marko nye tupco oko Parnapa. 11Oko Yoswa nye cekure kaynet ake Yusto (Kunyo kyolim akwek ŋalek cepo Marko, roke atoroc oŋerekyi neto ye kaco wule omite akwek) Picutecu pate kuce Yutayek ce kikwek Kristayek ce mite kwiyisyi oko ani yisyet nyepo poytosyisyetap Yiyintet. Kukukalya ani cekto koromun. 12Kesupayak akwek mpo Epafra nye cito akenke nyepo koremwoŋ oŋnku mutworintet nyepo Yesu Kristo. Neto nye somwok akwek okokoy nye memunye kule saŋet okwilokisye oyiku Kristayek ce kwilotin ce kikoywey cömisyet tokol nyepo Yiyintet. 13Omwowok ani nkit yisyet nyewo nye yiye neto om kaynamwakwek oko mpo pikap Laotisea oko piko cepo Yerapoli. 14Kesupayak akwek Luka cepsakityantet nye cämanet nyinyacek oko Tema. 15Osupoywec koromun mpo yeyanyo ce mite Laotisea oko yeya Nimfa oko pikap Yiyintet ce mite kanyi. 16Ye kacesumonwok akwek parwani okoyite wocesumontyi pikap Yiyintet cepo Laotisea, nto kapok oyiytekey mpo akwek cesumonwok parwet nye mokucone Loatisea. 17Omwoci Arkipo kule, “Möce käs kule keyiy okoy wany topon yisyetap Mokoryontet nyo kicekoniŋ.’’ 18Yewumwani nkit nye kosile ŋalekyu: Ani Paulo nye kasupayak akwek. Kunyo Monte ceyutye kule amite ani Mopusi. Osomwok kule opurte akwek poypoyetap Yiyintet.

will be added

X\