Acts 28

1Nteyu kowo cesopce cepunte piko tokol koret tapan, yoto cinket kule cekure koronoto kikwen peko Malta. 2Kuŋerekyec acek pikap koronoto kwek coronut. Kulowec mata oŋnkukonec ceyuy omnye kikicec kuropen ropta oŋnkukayitit. 3Koruruc Paulo siririk oŋnkukoci mata, yoto kucone erenet nye kowon mata oŋnkumwolmwolcikey yewunyi. 4Nteye kotoköse pikap koronoto erenet nye kesikinine yewutap Paulo, kuŋalal nkit kumwoy kule, “Porukey kule porin cici, ntene komo kusope nyun yawut, nka kot kokosope neto ruretyet.’’ 5Ntene kulelec Paulo erenet kulelekyi mata nye puryo kot kwiye neto kiy mpo kisic. 6Kukany picoto kule kukwa yewutap Paulo nto kule kumilcikey ŋony kume. Nteyu kowo kukany cek kuloyit nye puryo kot kukäs kiy nye keyakay om wule mite Paulo; kuwec kasoteywekwa kumwoy kule, “Yiyintet cici!’’ 7Kimite ye kulekite yoto mparenikap cito nyewo nyepo koronoto kikwen peko, nye kicekure kaynenyi Pupliyo. Kuŋerekyec acek cicoto kukwerec cipe kanyi wociku toyekyi oŋnkupayec topon kuwany pesyosyek somok. 8Kimite yoto kwanitap Pupliyo kukoru kwiriri nye kimnyone yeset oŋnkuyitoy korotik. Yoto kuwo Paulo koto nye kirwe oŋnkusomnci kukemer yewuniyekyi kusop yoto. 9Nteyu kowo kwiyakay ŋolyontonoto, yoto kukwa pikap koronoto tokol ce kimnyontos kwocisop tokol kusopco. 10Kukonec acek pikap koronoto kokotutek ce caŋ, nteye kicenomeni kukoci cek rapet tukuk tokol ce kicemöce acek om poninekyo. 11Nto om letut yu kowo cipur acek ciwany orok somok, celany rapet nye kicone Alekisantaria nye cekure, “Yiyik ce sorom.’’ Nye kikiyoŋe koronoto kikwen peko kuwany pesyosyekap koyitityet. 12Cipe okoy cepunte moŋetap Sirakusa wule kicipur ciwany pesyosyek somok. 13Cenomene wuloto om rapet cipe cimutu okoy cepunte moŋetap Rekio. Ntowo kutil pesyet akenke, yoto kuwus yomet nyewo nye cone tö, cipe ciwany pesyosyek oyeny cepunte moŋetap Poteyoli nye mite ruretyet tapan. 14Cenyorte wuloto mpo yeya alak ce kikoyen ce kisomec acek kule cipur oko cekto kuwany pesyosyek tisap. Yoto cipe okoy cepunte Rom. 15Kulim mpo yeya piko co kikoyen ce kimite Rom kule kacekwa acek, yoto kukwa kutorokwec okoy kwokunyorcec moŋetap Apiyo oko Korikap toyek somok. Nteye kotoköse Paulo cekto, kukasta Yiyintet oŋnkutosyikey kutitir kunyor swamet. 16Nteyu kowo cepunte Rom, cecömnci Paulo kopur nkit oko sikorintet akenke nye kiripe neto. 17Ntowo ciwany pesyosyek somok, kukur Paulo kukwa kuyomokey kantoyikap Yutayek cepo wuloto, nteyu kowo koruruckey cekto, kuŋalal Paulo kumwoci kule, “Merekyo mpo yeya! Nka kot kipuryo kot ayiy ani lelis nye miyat om wule mite pikyacek, nto awurte kapurto nyo kikonec acek mpo kukonyo. Kicenäma ani cerata oyiku mopusyo om Yerusalem oŋnkyikoyito awo wule mite Romek. 18Kukiro co okoy kumac kule cityakta omnye kipuryo kot kunyor cek kule kyayiy ani lelis nye miyat nye roke cepakäcena. 19Yoto ntowo kutoyis Yutayek, kusutyo ani acururan ataste musankut kuco wule mite Kinko Nyewo nye puryo kot ku kule oponte ani musanku nye amöce kule owosontyi pikwani. 20Kunyo saŋet osomok kule akäsak oŋnkyeŋalal oko akwek, omnye oyiku ani ratat porowoni oponte omnye ocome kokenotetap pikap Israel.’’ 21Kumwoci cekto Paulo kule, “Tompo kot cenyoru acek parwet nye cone Yuteya nyepo ŋalek ce nömiŋ nyi, tompo mpo kot kuco okoy kupun wuli cemite acek yeya mpo akenke nye kucokumwoy nto kuŋalale ŋalek ce miyotec ce nömiŋ nyi. 22Ntene cemöce acek kule celim kasoteywekukyi om ŋalek ce nöme Lukonitenyi. Omnye kucinket acek kule ŋolole piko kwapi Lukonitenyi mite nyi om wulyo tokol.’’ 23Yoto kukwey cek oko Paulo pesyet nye mokutuyo yec. Ntowo kupunto pesyonoto, kukwa Yutayek ce caŋ koyoto kipurune Paulo. Kucec Paulo kuŋololyi cek kuceke korron okoy kutuyit koret. Kuŋalal kutetyi cek lokoywek cepo poytoyisyetap Yiyintet kusyem kule anet cek kuyen Yesu, oŋnkuporci wule yunto ŋalek om ntarastinekap Moses oko silutekap workoyik. 24Kuyen alake ŋalekap Paulo ntene kutoyis alake. 25Yoto kunomen kupa kukotoytocin kwicek nkit, om letut yu kowo kumwoci Paulo cekto ŋolyontoni akenke kule, “Kiŋalal Muyet Nyetilil topon kumwoci mpo kukonyo kupunune wule mite workoyontet Isaya! 26Omnye kimwoy kule, ‘Iwo wule mite picu wemwoci kule: mosolimnte oŋnkolimnte, ntene oŋnkupuryo kot olime, mosakäste, ntene oŋnkupuryo kot oŋnketi; 27omnye koliliyotin kasoteywekap picu; kiker yitikwa, kunyo kikomis konyekwa. Nto kukostoy konyekwa, nto kulimntoy yitikwa, nto kwemuce kunket kasoteywekwa, nto kwemuce kuweckey kukwa wule amite ani, kimwoy Yiyintet kuyunyoto, Saŋet ani asop cekto kusopco.’ ’’ 28Kutosyikey Paulo kumwoy kule, “Kunyo möce oŋnket akwek kule kucesutyi lamek lokoywek cepo kosopetap Yiyintet. Mosukulim cekto!’’ 29[Nto om letut yu kowo kuwany Paulo kumwoy ŋalecato, kunomen Yutayek kupa kutintenoti koromun cekto kwicek nkit.] 30Kopur Paulo kumiŋis wuloto kuwany kenyisyek oyeny, kuminye koto nye kikwole kukoyitoy pesanik, oŋnkutoroce piko tokol ce kikwoni kwokuköse neto. 31Yoto kumwoytoy ŋalek cepo poytoyisyetap Yiyintet, oŋnkunetis kumwoy ŋalek cepo manta ce nöme Mokoryontet Yesu Kristo. Kiŋolole om nyikanat kutok nye puryo ci nye kikerektoy neto.

will be added

X\