Acts 14

1Nteye kimite cek Ikoniyom, kupa Paulo oko Parnapa kotapkokwetap Yutayek kuyu wulo kiyunto om Antiyok nyepo Pisitiya oŋnkuŋalal ŋalek okoy kuweckey Yutayek oko Kirikik ce caŋ. 2Ntene kowurur Yutayek ce puryo kot kuyen kuŋem lamek kuwec kasoteywekwa kutay mpo yeya. 3Yoto kopur kiyokik wuloto kuwany pesyos ce caŋ. Kuŋalal om nyikanat ŋalek cepo Mokoryontet, nye kipor Mokoryontet nkit kule po manta lokoywekwa ce nöme poypoyenyi, omnye kikoci kiyokik swamet kwiy tukuk cepo kakitat oko pelutok. 4Yoto kupciwunekey oyeny luketap piko om moŋet, kucäm alake ŋalekap Yutayek, nto alak kucäm ŋalek cepo kiyokik. 5Yoto koyomokey lamek oko Yutayek oko poytoyikwa oŋnkucomncin kule citaŋany kiyokik oŋnkuwire rwontok. 6Ntowo kunket kiyokik ŋalecato, kumwey kupa okoy Listira oko Terpe ce moŋösyek cewoyec cepo Likoniya oko korosyek ce lekite wuloto. 7Wokumwayta cek om wuloto lokoywek ce toponec. 8Kimite citake Listira nye kipok kerenkok nye kikomwal kuceke kiceyi nye mowesetoti mpo kisic. 9Yoto kulimnta cicoto ŋalekap Paulo, okoy kukäs Paulo kule ponto cicoto koyenet oŋnkyimuce cisop. 10Kurotot topon oŋnkupol om kutit nyewo kumwoy kule, “Ŋet yoŋe kerenkokuk topon!’’ Kuŋet cicoto kuran kuyo oŋnkucec kuwesetot. 11Nteye kotoköse luketap piko kito nye kwakiy Paulo, kupol cek om ŋelyeptap Likoniyek kumwoy kule, “Korek kukwontyec acek yiyik ce kerkey pic!’’ 12Yoto kutoci cek Parnapa kaynet kukure Seu, nto Paulo kutoci kaynet kukure Erme, omnye neto kunye kiŋololintet nyewo. 13Yoto kuŋet tisintet nyepo Seu nye kimite kotap Yiyintenyi moŋet saŋ, kuwo wokukwer yeyik oŋnkusut sinentet okoy yepo kurketap moŋet. Kimöce neto oko luketap piko kule ceyici kiyokik korosek. 14Ntowo kulim kiyokik Paulo oko Parnapa tukuk ce kimöce cekto kule kwiy, kupac co sirokwa oŋnkurway okoy kwenutap piko oŋnkupol kumwoy kule, 15“Merekyo, omne sayiy akwek tukucu? Ciku acek pic ce cekerekeye akwek! Cemite acek yu cerorwok lokoywek ce toponec, ayaste akwane wule mite tukucu moponto latik oŋnkowekyikey wule mite Yiyintet nye sopot nye kitany koret torot oko ŋony, oko ruretyet, oko tukuk tokol ce mite koret. 16Kikwasta Yiyintet om pesyosyek co kitil pikap koret tokol kupesetat oŋnkurup kusay kuyu wule moktoy. 17Ntene kikopor okokoy tukuk ce toponec ceyiye. Omnye konok ropta nye ropene om pesyosyek ce cemokyini, oŋnkukonok omik soŋet opiyoŋe oŋnkoŋerec om mukuleywekwok.’’ 18Nka kot kiŋalal kiyokik ŋalecato, kipuryo kot komuc kot kukerekta piko moyici cekto korosek. 19Yoto kukwane Yutayek alake Antiyok nyepo Pisitiya oko Ikoniyom; oŋnkwokuŋem piko okoy kuwekyikey wule mite cekto. Kuwire cekto Paulo rwontok oŋnkocutune moŋet kusote kule kame. 20Ntowo korurukyikey konomik komut Paulo, kuŋet oŋnkuwo okoy moŋet. Ntowo kuyekune kunomen neto oko Parnapa kupa okoy kapunto Terpe. 21Kumwayta Paulo oko Parnapa lokoywek ce toponec om moŋetap Terpe kuwec kuyen piko ce caŋ. Oŋnkuweckey cek kupa okoy kupunto Listira oko Ikoniyom oŋnkutosyikey kupa okoy kupunto Antiyok nyepo Pisitiya. 22Kunet cekto piko co kikoyen kukwilokis mukuleywekwa oŋnkuyomis kumwoci kopurto koyenotet nyepo manta. Kumwoci kule, “Misyinec cepunte toŋoŋutek ce caŋ sukuŋet ciwut poytosisyetap Yiyintet.’’ 23Nto om letut kukwey poyik om oteputek tokol wule kimite pikap Yiyintet oŋnkusomnci kukir omik, oŋnkukoci kopurtokey Mokoryontet nyo kikokenekey cekto. 24Nteyu kowo kupunto cek koretap Pisitiya yoto kukwa okoy kupun Pampiliya. 25Kumwayte lokoywek Peruka, oŋnkupa kurekto okoy Atalia. 26Kulany cekto rapet om wuloto oŋnkupa kuketitakey okoy Antiyok wulo kicesomncine kupeta poypoyetap Yiyintet om yisyet nyi kukwiy cekto koyitita. 27Ntowo kupun Antiyok koruruc wanak pikap Yiyintet oŋnkumwoci wule kuyatita Yiyintet aret kuyotyi lamek kayen 28Kopur cek wuloto kuwany pesyos ce caŋ kupontokey piko co kikoyen.

will be added

X\