2 John 1

1Ani nyo Pontet, osilyini parwani Cepyosyet nye kikwey Yiyintet oko lekokyi ce ocöme ani kupoyit manta. Puryo kot ku ani nkit nye ocöme, ntene oŋnkucöme mpo piko tokol ce nkete ŋalek cepo manta. 2Omnye mosukopurune ŋalek cepo manta wule cemite acek. Mosicipurte okokoy okoy okokoy. 3Kante kukonec acek Yiyintet nye Papa oko Werinyi Yesu Kristo poypoyet oko cömisyet oko kalyet. Kante kopur soponnwek kyacek ŋaleca kupoyit manta om cömisyet. 4Kyanyoru ani ŋerekwek ce caŋ koromun yu kowo oŋnket kule purtoy lekok cekuk alake ŋalek cepo manta kuyu wulo kimwowec acek Papa. 5Kunyo, cepyos puryo kot osiluŋ ani nyi yawut ntarastit nyelel, ntarastit nyitenyi kunye po keny nye mwowu kule misyini cecämnkey acek kwacek nkit. 6Cömisyet nyi oŋolole ani kunye poru kule misyini cipurte acek kopurto kuyu wule yunto ntarastinekap Yiyintet. Ntarastit nye kyolim akwek kuceke keny kunyi mwowu kule, misyini opurte akwek tokol cömisyet. 7Mite piko kaperperik ce caŋ ce kuseretyi koret, picoto kuce puryo kot kucöme kule kico Yesu Kristo kuyu cito. Cito nye mwowu kuyunyoto kunye perperisyi oŋnku puniyontet nyewo nyepo Kristo. 8Kunyo oripkey akwek mente kupotwok tukuk cepo yisyet nye kyayiy sukuŋet onyoru musyaret nye yemok. 9Ci ake tokol nye weti tay kot kukeyte konetisyet nyepo Kristo, kunye moponto cito nyoto Yiyintet. Nto ci nye ripe konetisyenyi kunye pontokey nyoto Papa oko Werit. 10Kunyo ye kaco ci ake tokol wule omite akwek nye puryo kot kusutu konetisyet nyitenyi, monte cetoroc cico kuco korikwok, monte mpo cisupay. 11Omnye ci ake tokol nye kesupay kunye yicintos oko neto om ŋalek ce miyotec ce yiye. 12Oponte ani ŋalek ce caŋ ce omöce kule omwowok akwek, ntene puryo kot omoce kule osilunenok karatasit oko winet, ntene mosoco ani okoy kwoceŋalal kuyemec om ŋerekwek. 13Kesupayiŋ lekokap cekwomet nye kikwey Yiyintet. Kesupayiŋ koromun.

will be added

X\