1 Thessalonians 3

1Yoto yu kowo cekäs kule komocimuci tocemuytoci, cecäm kule cipur Asene kwacek nkit, 2oŋnkyiyoku Timosewo yeyanyo nye kyiyisyi acek tokol yiysyetap Yiyintet cemwoytoy lokoywek ce toponec cepo Kristo, sukuŋet kuco cokotitirok oŋnkukalyak koyenet nyimwoŋ. 3Sukuŋet mente kot kumasak ci ake tokol omnye konyoru toŋoŋutek coto. Oŋnket akwek nkit kule toŋoŋutek ceyucoto kuce tukuk ce poru cömisyet nyepo Yiyintet om wule cemite acek. 4Omnye yo kicepontekey, kicemwowok kutompo kot kupunto pasyosyek kule mosicitaŋanya, kunyo kukwiyokis yawut kuyunyoto. 5Kuyiyit nyoto sukuŋet oyoku ani Timosewo, omnye kimomuci kot tomuytoci yec. Kyoyoku ani neto kule cokukäs wule yunto koyenet nyimwoŋ. Kwomöce kule oŋnket kule titirot koyenet nyimwoŋ kot kwamukte oyinot, nto pesyet ake kupoyit püc pate yisyet nye kikyiy acek. 6Kunyo kuweckey yawut Timosewo okoy wule ce mite acek kusutu lokoywek cekwone wule omite akwek cepo ŋerekwek ce nöme koyenet oko cömisyet nyimwoŋ. Kumwowec kule asotec acek akwek topon okokoy oŋnkomöce koromun kule cekäsec kuyu wulo cemöce mpo acek kule cekäsak akwek. 7Mpo yeya, koyenet nyimwoŋ kunye kwetitirec acek om wuyinwekyo oko toŋoŋutekyo tokol. 8Kunyo ponto soponto latik om wule cemite acek yawut ye kwokwilokisye akwek, 9Cimuci acek yawut cikaste Yiyintet om wule omite akwek. Cikostoy om ŋerekwek ce ceponte om taytap Yiyintet kupo akwek. 10Cesome acek neto pet oko komoy om mukuleywekyo, kule sukuŋet cekäsak akwek om konyekyo, sicekonok swamet nye omöce om koynet nyimwoŋ. 11Yiyintenyo nkit oŋnku Papa oko Mokoryontenyo Yesu, kunye roke kuyiytowec acek aret sukuŋet cekwa wule omite akwek! 12Mokoryontet nkit kunye roke kukonok kutosyikey kuwoyit cömisyet nyimwakwek om wule omite akwek kwakwek nkit, oko wule mite piko tokol; kuyu cömisyet nye ceponte acek om wule omite akwek. 13Om aret nyeyunyoto kuye mosicekwil acek mukuleywek cikwok oŋnkonyolu opoyitu manta, oŋnkotililitu om taytap Yiyintenyo oŋnku Papa om pesyet nyo coni Mokoryontenyo Yesu wanak oko piko tokol ce kikwek pikyi.

will be added

X\