1 Thessalonians 1

1Cone parwani wule ce mite acek Paulo oko Silfano oko Timosewo. Cesilwok akwek pikap Yiyintet ce mite Sesolonika. Piko coto kuce po Papa Yiyintet oko Mokoryontet Yesu Kristo. Kante opurte akwek poypoyet oko kalyet. 2Cikostoy acek akokoy Yiyintet om wule omite akwek tokol, oŋnkyeŋalalenak okokoy ye ce mite cesome. 3Omnye cisoti acek om taytap Yiyintet oŋnku Papa; kuyu wulo oyiyisye akwek koyenet nyimwoŋ kutok oko kuyu wulo konok cömisyet nyimwoŋ oyiyisye om swamet, oko kuyu wulo kwilat koromun cömisyet nyimwoŋ om wule mite Yesu Kristo. 4Mpo yeya, cinket acek kule cömok Yiyintet; kunyo kikweyak oyiku pikyi. 5Omnye kipuro kot cesutwok acek lokoywek ce toponec om ŋalek pate, ntene kicesutu mpo swamet oko Muyet Ntetilil oko ŋomnonet tokol nyepo ŋalecato. Oŋnket wule kicipurtoy acek yo kicepontekey oko akwek. Kicipur kuyunyoto kupo topiniyet nyimwakwek. 6Kyacec mpo akwek yoto opurte kopurto nye kerkey oko nyinyacek oko nyepo Mokoryontet. Nka kot kyonyuru yoto wuyinwek ce caŋ, ntene kyatoroc akwek lokoywek om ŋerekwek co konu Muyet Nyetilil. 7Yoto oporukey oyiku piko ce kekasenak piko tokol co kikoyen cepo Meketoniya oko Akaya. 8Omnye kipuryo kot ku ŋolyontetap lokoywek pate ce kyotaste celime Meketoniya, ntene kipunte koyenet nyimwoŋ ceŋalale om wulyo tokol. Kunyo puryo kot ceponte acek yec ŋolyontet ake nye mocemwowu. 9Ŋolole picoto nkit wule kyotoroktec acek akwek yo kicetorocec, oŋnkumwoy wule kyawektekey akwek ayaste kerkeyik oŋnkowekyikey wule mite Yiyintet. Sukuŋet oyici Yiyintet nye sopot yisyet nyepo manta, 10oŋnkoken Werinyi nye mosukucone torot. Nyoto ku Yesu Kristo nyo kiŋet Yiyintet kotutune met, kunye kosopintet nye kisorwec om wule mite nerekwek cepo Yiyintet ce mosukukwa.

will be added

X\